നിലപാട് എടുത്തതിന്റെ പേരിൽ ചിത്രയെ ഒറ്റപ്പെടുത്തുന്നതിനോട് യോജിപ്പില്ല: എം.വി. ഗോവിന്ദൻ
Friday, January 19, 2024 5:01 PM IST
തിരുവനന്തപുരം: ഗായിക കെ.എസ്. ചിത്ര അയോധ്യാ വിഷയത്തിൽ നിലപാട് വ്യക്തമാക്കിയതിൽ അവരേ ഒറ്റപ്പെടുത്തുന്നത് ശരിയല്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. പാർട്ടിക്ക് ഇതിനോട് യോജിപ്പില്ലെന്നും ഗോവിന്ദൻ വ്യക്തമാക്കി.
ശോഭനയുടെ വിഷയത്തിൽ പറഞ്ഞ മറുപടി തന്നെയാണ് ഈ വിഷയത്തിലും. ഇവരെല്ലാം നാടിന്റെ പൊതുസ്വത്താണ്. ലോകം ശ്രദ്ധിച്ച ഗാനങ്ങൾ നമുക്ക് നൽകിയ വ്യക്തിയാണ് ചിത്ര. നിലപാട് വ്യക്തമാക്കിയതിന്റെ പേരിൽ ചിത്രയെ ആക്രമിക്കുന്നതിനോട് പാർട്ടിക്ക് യോജിപ്പില്ലെന്ന് അദ്ദേഹം പറഞ്ഞു.
വിമർശനങ്ങൾക്ക് സിപിഎം ഒരിക്കലും എതിരല്ല. എന്നാൽ, സിനിമാ-സാഹിത്യ രംഗത്തെ പ്രമുഖർ പല നിലപാടുകളും സ്വീകരിക്കും. അതിന്റെ പേരിൽ അവരേ ആക്രമിക്കുന്നത് ശരിയല്ലെന്ന് എം.വി. ഗോവിന്ദൻ വ്യക്തമാക്കി.