കുട്ടിക്കളിയിലും അർജന്റീനയ്ക്ക് മുന്നിൽ ബ്രസീൽ വീണു
Friday, November 24, 2023 11:33 PM IST
ജക്കാര്ത്ത: ഫിഫ ലോകകപ്പ് യോഗ്യതാ മത്സരത്തിനു പിന്നാലെ അണ്ടർ 17 ലോകകപ്പ് ക്വാർട്ടർ ഫൈനലിലും അർജന്റീന ബ്രസീലിനെ പരാജയപ്പെടുത്തി.
ഇന്നു വൈകിട്ട് ജക്കാർത്ത ഇന്റർനാഷണൽ സ്റ്റേഡിയത്തിൽ നടന്ന മത്സരത്തിൽ 3-0 നാണ് നിലവിലുള്ള ജേതാക്കളായ ബ്രസീൽ പരാജയപ്പെട്ടത്.
ക്യാപ്റ്റന് ക്ലൗഡിയോ എച്ചേവെറിയുടെ ഹാട്രിക് മികവിലാണ് അര്ജന്റീനയുടെ സെമി പ്രവേശം. 28, 58, 71 മിനിറ്റുകളിലായിരുന്നു എച്ചേവെറിയുടെ ഗോളുകള്.
ജർമനിയാണ് സെമിയിലെ അർജന്റീനയുടെ എതിരാളികൾ. ശനിയാഴ്ച നടക്കുന്ന മറ്റു ക്വാര്ട്ടര് ഫൈനല് മത്സരങ്ങളില് ഫ്രാന്സ് ഉസ്ബെക്കിസ്ഥാനേയും മാലി മൊറോക്കൊയേയും നേരിടും.