Sports News
എറണാകുളത്തിന്‍റെ കിരീടനേട്ടം ഒത്തൊരുമയുടേത്
എറണാകുളത്തിന്‍റെ കിരീടനേട്ടം ഒത്തൊരുമയുടേത്
Monday, October 23, 2017 12:02 PM IST
പാ​ലാ: ക​ഴി​ഞ്ഞ വ​ര്‍ഷം കൈ​വി​ട്ട പോ​രാ​ട്ട​വീ​ര്യം തി​രി​കെപ്പി​ടി​ച്ച​പ്പോ​ള്‍ എ​റ​ണാ​കു​ള​ത്തി​നു മു​ന്നി​ല്‍ പാ​ല​ക്കാ​ടി​ന് പി​ടി​ച്ചു നി​ല്ക്കാ​ന്‍ സാ​ധി​ച്ചി​ല്ല. ട്രാ​ക്കി​ലും ഫീ​ല്‍ഡി​ലും ഒ​രേ പോ​ലു​ള്ള പ്ര​ക​ട​നം ന​ട​ത്തി​യാ​ണ് എ​റ​ണാ​കു​ളം ഇ​ക്കു​റി സം​സ്ഥാ​ന സ്‌​കൂ​ള്‍ കാ​യി​ക​മേ​ള​യി​ല്‍ മി​ക​ച്ച വി​ജ​യം സ്വ​ന്ത​മാ​ക്കി​യ​ത്.

എ​തി​രാ​ളി​ക​ളെ ബ​ഹു​ദൂ​രം പി​ന്നി​ലാ​ക്കി 258 പോ​യി​ന്‍റോ​ടെ എ​റ​ണാ​കു​ളം വി​ജ​യം സ്വ​ന്ത​മാ​ക്കി​യ​പ്പോ​ള്‍ അ​ത് ഒ​രു കൂ​ട്ടാ​യ്മ​യു​ടെ കൂ​ടി വി​ജ​യ​മാ​യി​രു​ന്നു.​ മു​ന്‍ വ​ര്‍ഷ​ങ്ങ​ളി​ല്‍ വ്യ​ക്തി​ഗ​ത സ്‌​കൂ​ളു​ക​ളു​ടെ മി​ക​വി​ന്‍റെ അ​ടി​സ്ഥാ​ന​ത്തി​ലാ​യി​രു​ന്നു ഓ​രോ ജി​ല്ല​യും ചാ​മ്പ്യ​ന്‍ പ​ട്ടം സ്വ​ന്ത​മാ​ക്കി​യി​രു​ന്ന​തെ​ങ്കി​ല്‍ ഇ​ക്കു​റി ജി​ല്ല​യി​ലെ വി​വി​ധ സ്‌​കൂ​ളു​ക​ള്‍ ഒ​ത്തൊ​രു​മ​യോ​ടെ പോ​രാ​ടി​യ​പ്പോ​ള്‍ കി​രീ​ടം എ​റ​ണാ​കു​ള​ത്തി​ന്‍റെ ത​ല​യി​ലെ​ത്തി.
എ​റ​ണാ​കു​ള​ത്തി​നു വേ​ണ്ടി ഏ​റ്റ​വും കൂ​ടു​ല്‍ പോ​യി​ന്‍റ് കോ​ത​മം​ഗ​ലം മാ​ര്‍ ബേ​സി​ല്‍ സ്‌​കൂ​ള്‍ നേ​ടി​യ​പ്പോ​ള്‍ കോ​ത​മം​ഗ​ലം സെ​ന്‍റ് ജോ​ര്‍ജും ഗ​വ​ണ്‍മെ​ന്‍റ് വി​എ​ച്ച്എ​സ് മാ​തി​ര​പ്പ​ള്ളി​യും മി​ക​ച്ച പി​ന്തു​ണ​ ന​ല്കി.

മു​ന്‍ വ​ര്‍ഷ​ങ്ങ​ളി​ലെ മി​ക​വാ​ര്‍ന്ന പ്ര​ക​ട​നം പാ​ല​ക്കാ​ടി​ന് ഇ​ക്കു​റി ന​ട​ത്താ​ന്‍ ക​ഴി​യാ​തെ പോ​യ​തും എ​റ​ണാ​കു​ള​ത്തി​ന് കൂ​ടു​ത​ല്‍ ക​രു​ത്താ​യി. പാ​ല​ക്കാ​ടി​ന് ക​ഴി​ഞ്ഞ വ​ര്‍ഷം ഓ​വ​റോ​ള്‍ ചാ​മ്പ്യ​ന്‍ഷി​പ്പി​ന് നി​ര്‍ണാ​യ​ക സ​ഹാ​യം ന​ല്കി​യ പ​റ​ളി, മു​ണ്ടൂ​ര്‍ സ്‌​കൂ​ളു​ക​ള്‍ക്ക് ഇ​ക്കു​റി ശ​ക്ത​മാ​യ മെ​ഡ​ല്‍ നേ​ട്ടം ഉ​ണ്ടാ​ക്കാ​ന്‍ സാ​ധി​ച്ചി​ല്ല. എ​ന്നാ​ല്‍ എ​റ​ണാ​കു​ള​ത്തെ പ്ര​ധാ​ന കാ​യി​ക സ്കൂളു​ക​ളെ​ല്ലാം മി​ന്നും പ്ര​ക​ട​നം ന​ട​ത്തി​യ​തോ​ടെ കി​രീ​ടം അ​വ​രു​ടെ കീ​ശ​യി​ലു​മാ​യി.

ന​യി​ച്ച​ത് മാ​ര്‍ ബേ​സി​ല്‍

കോ​ത​മം​ഗ​ലം മാ​ര്‍ ബേ​സി​ലാ​ണ് എ​റ​ണാ​കു​ള​ത്തെ ചാ​മ്പ്യ​ന്‍ പ​ട്ട​ത്തി​ലേ​ക്ക് ന​യി​ച്ച​തി​നു മു​ന്നി​ല്‍ നി​ന്ന​ത്. 13 സ്വ​ര്‍ണ​വും ഒ​രു വെ​ള്ളി​യും ഏ​ഴു വെ​ങ്ക​ലവും ഉ​ള്‍പ്പെ​ടെ 75 പോ​യി​ന്‍റോ​ടെ കോ​ത​മം​ഗം മാ​ര്‍ ബേ​സി​ല്‍ ചാ​മ്പ്യ​ന്‍ സ്‌​കൂ​ള്‍ ആ​യ​പ്പോ​ള്‍ എ​റ​ണാ​കു​ളം ജി​ല്ല​യ്ക്ക് ഓ​വ​റോ​ള്‍ ചാ​മ്പ്യ​ന്‍ പ​ട്ട​ത്തി​ന് അ​ത് നി​ര്‍ണാ​യ​യ ഘ​ട​ക​മാ​യി. ട്രാ​ക്കി​ലും ഫീ​ല്‍ഡി​ലും ഒ​രേ​പോ​ലെ കാഴ്ചവച്ച മി​ക​വാ​ര്‍ന്ന പ്ര​ക​ട​ന​മാ​ണ് മാ​ര്‍ ബേ​സി​ലി​നെ പോ​യി​ന്‍റ് പ​ട്ടി​ക​യി​ല്‍ ഒ​ന്നാം സ്ഥാ​ന​ത്തെ​ത്താ​നും മി​ക​ച്ച കാ​യി​ക സ്‌​കൂ​ളാ​യി തെ​ര​ഞ്ഞെ​ടു​ക്ക​പ്പൊ​നും ഇ​ട​യാ​ക്കിയ​ത്.


ആ​റു സ്വ​ര്‍ണ​വും അ​ഞ്ചു വെ​ള്ളി​യും ര​ണ്ട് വെ​ങ്ക​ല​വും ഉ​ള്‍പ്പെ​ടെ 47 പോ​യി​ന്‍റു​ക​ള്‍ ഗ​വ​ണ്‍മെ​ന്‍റ് വൊ​ക്കേ​ണ​ല്‍ ഹ​യ​ര്‍ സെ​ക്ക​ന്‍ഡ​റി സ്‌​കൂ​ള്‍ മാ​തി​ര​പ്പ​ള്ളി എ​റ​ണാ​കു​ള​ത്തി​നാ​യി സ​മ്മാ​നി​ച്ച​പ്പോ​ള്‍ ഏ​ഴു സ്വ​ര്‍ണ​വും ഒ​രു വെ​ള്ളി​യും നാ​ലു വെ​ങ്ക​ല​വും ഉ​ള്‍പ്പെ​ടെ 42 പോ​യി​ന്‍റ് കോ​ത​മം​ഗ​ലം സെ​ന്‍റ് ജോ​ര്‍ജ് എറ​ണാ​കു​ള​ത്തി​ന്‍റെ പ​ട്ടി​ക​യി​ലേ​ക്ക് സ​മ്മാ​നി​ച്ചു. മീ​റ്റി​ലെ ട്രി​പ്പി​ള്‍ സ്വ​ര്‍ണ​ത്തി​ന് ഉ​ട​മ​യും കോ​ത​മം​ഗ​ലം സെ​ന്‍റ് ജോ​ര്‍ജി​ന്‍റെ താ​ര​മാ​യ മ​ണി​പ്പൂ​രി ബാ​ല​ന്‍ താം​ഗ്ജം​ഗാ​യി​രു​ന്നു 4-100 മീ​റ്റ​റി​ല്‍ സ്വ​ര്‍ണം നേ​ടി​യ എ​റ​ണാ​കു​ളം ജി​ല്ലാ ടീ​മി​ലും താം​ഗ്ജം​ഗ് അം​ഗ​മാ​യി​രു​ന്നു.

മ​ണീ​ട് വൊ​ക്കേ​ഷ​ണ​ല്‍ ഹ​യ​ര്‍ സെ​ക്ക​ന്‍ഡ​റി സ്‌​കൂ​ള്‍ നാ​ലു സ്വ​ര്‍ണ​വും ര​ണ്ടു വെ​ള്ളി​യും അ​ഞ്ചു വെ​ങ്ക​ല​വും ഉ​ള്‍പ്പെ​ടെ 31 പോ​യി​ന്‍റ് എ​റ​ണാ​കു​ള​ത്തി​ന് സ​മ്മാ​നി​ച്ചു.
ഏ​റ്റ​വു​മ​ധി​കം മെ​ഡ​ല്‍ നേ​ട്ടം സ്വ​ന്ത​മാ​ക്കി​യ മാ​ര്‍ ബേ​സി​ലി​നു​വേ​ണ്ടി അ​നു​മോ​ള്‍ ത​മ്പി ട്രി​പ്പി​ള്‍ സ്വ​ര്‍ണ​നേ​ട്ട​ത്തി​നും ദേ​ശീ​യ സ്‌​കൂ​ള്‍ മീ​റ്റി​ല്‍ 3000 മീ​റ്റ​റി​ല്‍ നി​ല​വി​ലു​ള്ള റി​ക്കാ​ര്‍ഡ് മ​റി​ക​ട​ക്കു​ന്ന പ്ര​ക​ട​ന​വും ന​ട​ത്തി. ജൂ​ണി​യ​ര്‍ ആ​ണ്‍കു​ട്ടി​ക​ളു​ടെ 400, 800 മീ​റ്റ​റു​ക​ളി​ല്‍ റി​ക്കാ​ര്‍ഡോ​ടെ സ്വ​ര്‍ണ​വും 1500 മീ​റ്റ​റി​ല്‍ സു​വ​ര്‍ണ നേ​ട്ട​വും സ്വ​ന്ത​മാ​ക്കി അ​ഭി​ഷേ​ക് മാ​ത്യു​വും ട്രി​പ്പി​ള്‍ സ്വ​ര്‍ണ​ത്തി​ന് അ​ര്‍ഹ​ത നേടി മാ​ര്‍ ബേ​സി​ലി​ന്‍റെ താ​ര​മാ​യി.

ജോ​മി കു​ര്യാ​ക്കോ​സ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.