മാസ്റ്റേഴ്സ് നീന്തലിൽ തൃശൂർ ജേതാക്കൾ, കോട്ടയം രണ്ടാമത് : Deepika.com Sports News |

Click here for detailed news of all items

മാസ്റ്റേഴ്സ് നീന്തലിൽ തൃശൂർ ജേതാക്കൾ, കോട്ടയം രണ്ടാമത്

Sunday, October 22, 2017 10:54 AM IST

പാലാവയൽ (കാസർഗോഡ്): ഏഴാമതു സംസ്ഥാന മാസ്റ്റേഴ്സ് നീന്തൽ മത്സരത്തിൽ 690 പോയിന്‍റോടെ തൃശൂർ ഓവറോൾ ചാമ്പ്യന്മാരായി. കഴിഞ്ഞ ആറു ചാമ്പ്യൻഷിപ്പിലും റണ്ണർ അപ്പായിരുന്ന തൃശൂർ ഇതാദ്യമായാണ് ചാമ്പ്യൻപട്ടം നേടുന്നത്. 618 പോയിന്‍റോടെ കോട്ടയം റണ്ണർ അപ്പായി. 293 പോയിന്‍റുമായി ആതിഥേയരായ കാസർഗോഡാണ് മൂന്നാം സ്ഥാനത്ത്.

പാലാവയൽ സെന്‍റ് ജോൺസ് സ്കൂൾ നീന്തൽക്കുളത്തിൽ നടന്ന ചാമ്പ്യൻഷിപ്പിന്‍റെ സമാപനസമ്മേളനം കണ്ണൂർ ക്രൈംബ്രാഞ്ച് എസ്പി ഡോ.എസ്. ശ്രീനിവാസ് ഉദ്ഘാടനം ചെയ്തു. കാസർഗോഡ് ജില്ലാ പഞ്ചായത്ത് വൈസ്പ്രസിഡന്‍റ് ശാന്തമ്മ ഫിലിപ്പ് അധ്യക്ഷതവഹിച്ചു. ഫാ. തോമസ് പട്ടാംകുളം, ഡോ. ബിപിൻ, നാഗേഷ് കുമാർ, ജോയി വണ്ടനാനി, ബിജു മാപ്പിളപ്പറമ്പിൽ എന്നിവർ പ്രസംഗിച്ചു.

‘മുങ്ങൽ വിദഗ്ധൻ’ വിനീഷ് വിജയൻ

പാലാവയൽ: ഏറ്റവും കൂടുതൽ സമയം വെള്ളത്തിൽ മുങ്ങിക്കിടക്കുന്ന വ്യക്തിക്കായി ഏർപ്പെടുത്തിയ പുരസ്കാരം തൃശൂരിന്‍റെ വിനീഷ് വിജയന്. മുപ്പതോളം പേർ പങ്കെടുത്ത മത്സരത്തിൽ രണ്ടു മിനിറ്റും 42 സെക്കൻഡും വെള്ളത്തിൽ മുങ്ങിക്കിടന്നാണ് വിനീഷ് ഒന്നാമനായത്.

അക്വാറ്റിക് അസോസിയേഷൻ മുൻ ജില്ലാ പ്രസിഡന്‍റ് തോമസ് നരിമറ്റത്തിന്‍റെ സ്മരണക്കായി പാലാവയൽ സ്പോർട്സ് ക്ലബ് ഏർപ്പെടുത്തിയ ട്രോഫിയും കാഷ് അവാർഡും വിനീഷിന് ലഭിച്ചു. ആർ.എസ്. രാജേഷ് (തിരുവനന്തപുരം), ജോസ് എൻ. ജോസ് (കോട്ടയം) എന്നിവർ രണ്ടും മൂന്നും സ്ഥാനം നേടിയപ്പോൾ ചാമ്പ്യൻഷിപ്പിലെ ഏറ്റവും പ്രായം കൂടിയ താരം 83കാരനായ സി.പി. മാത്യു (തൃശൂർ) നാലാംസ്ഥാനം നേടി. വിജയികൾക്ക് തോമസ് നരിമറ്റത്തിന്‍റെ ഭാര്യ ഏലിയാമ്മ സമ്മാന വിതരണം നടത്തി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.