എറണാകുളത്തിനും കോട്ടയത്തിനും ജയം : Deepika.com Sports News |

Click here for detailed news of all items

എറണാകുളത്തിനും കോട്ടയത്തിനും ജയം

Saturday, April 29, 2017 11:28 AM IST

കൊച്ചി: വടുതല ഡോണ്‍ ബോസ്കോ സ്റ്റേഡിയത്തില്‍ നടക്കുന്ന സംസ്ഥാന ജൂണിയര്‍ ബാസ്കറ്റ് ബോള്‍ ചാമ്പ്യന്‍ഷിപ്പിൽ ആണ്‍കുട്ടികളുടെ വിഭാഗത്തില്‍ കോട്ടയം കണ്ണൂരിനെയും ആതിഥേയരായ എറണാകുളം പത്തനംതിട്ടയെയും തോൽപ്പിച്ചു. തിരുവനന്തപുരം ആലപ്പുഴയെയും കോഴിക്കോട് പാലക്കാടിനെയും പരാജയപ്പെടുത്തി. കോട്ടയം 35-6 എന്ന സ്കോറില്‍ വിജയിച്ചപ്പോള്‍ എറണാകുളം, ജോഷ്വ ജെ. ജോര്‍ജിന്‍റെ പ്രകടന മികവില്‍ 65-50നാണ് പത്തനംതിട്ടയെ തകര്‍ത്തത്. തിരുവനന്തപുരം 67-57നും കോഴിക്കോട് 60-16നും വിജയം പിടിച്ചെടുത്തു. മറ്റു മത്സരങ്ങളില്‍ മലപ്പുറം വയനാടിനെ 47-14നും പത്തനംതിട്ട തൃശൂരിനെ 63-52നും തകര്‍ത്തു. കോഴിക്കോട് കൊല്ലത്തെ 35-12നും വയനാട് കാസര്‍ഗോഡിനെ 48-16നും വീഴ്ത്തി.

പെണ്‍കുട്ടികളുടെ വിഭാഗത്തില്‍ കോഴിക്കോട് വയനാടിനെ 37-8ന് തകര്‍ത്തപ്പോള്‍ എറണാകുളം 15-66ന് തൃശൂരിനോടും വയനാട് ഇടുക്കിയോട് 39-4നും തകര്‍ന്നു. മേയ് മൂന്നിനാണ് ഫൈനല്‍ മത്സരങ്ങള്‍. ഈ ചാന്പ്യൻഷിപ്പിൽ നിന്ന് തെരഞ്ഞെടുക്കപ്പെടുന്ന താരങ്ങളടങ്ങിയ ടീമായിരിക്കും ജൂണില്‍ ഉത്തര്‍പ്രദേശില്‍ നടക്കുന്ന ദേശീയ ചാമ്പ്യന്‍ഷിപ്പില്‍ കേരളത്തിനുവേണ്ടി കളത്തിലിറങ്ങുക.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.