ബാസ്കറ്റ്ബോൾ ടീമിന് ഉജ്വല സ്വീകരണം : Deepika.com Sports News |

Click here for detailed news of all items

ബാസ്കറ്റ്ബോൾ ടീമിന് ഉജ്വല സ്വീകരണം

Saturday, February 18, 2017 1:54 PM IST

കൊച്ചി: ഹൈദരാബാദിൽ നടന്ന ഖേലോ ഇന്ത്യ നാഷണൽ ബാസ്കറ്റബോൾ ചാന്പ്യൻഷിപ്പിൽ വിജയം നേടി തിരിച്ചെത്തിയ കേരള പെണ്‍കുട്ടികളുടെ അണ്ടർ 17, 14 ടീമിന്എറണാകുളം നോർത്ത് റെയിൽവേ സ്റ്റേഷനിൽ ഉജ്വലസ്വീകരണം നൽകി. മുൻ ബാസ്കറ്റ്ബോൾ താരങ്ങളുടെ സംഘടനയായ ടീം റീബൗണ്ടിന്‍റെ നേതൃത്വത്തിലായിരുന്നു സ്വീകരണം. ഭാവി വാഗ്ദാനങ്ങൾക്കു പ്രോത്സാഹനവും സ്നേഹോപഹാരങ്ങളുമായി മുൻ ബാസ്കറ്റ്ബോൾ താരങ്ങളെത്തിയത് ആവേശകരമായി. ഹരിയാനയെ തകർത്ത് അണ്ടർ 17 വിഭാഗത്തിൽ സ്വർണവും അണ്ടർ 14 വിഭാഗത്തിൽ വെള്ളിയും കേരളത്തിന്‍റെ പെണ്‍കുട്ടികൾ നേടിയിരുന്നു. ഖേലോ ഇന്ത്യ നാഷണൽ ടൂർണമെന്‍റിൽ പങ്കെടുക്കാൻ പോകുന്നതിനുള്ള അനുമതി ലഭിക്കാതെ വന്നപ്പോൾ താരങ്ങൾക്കുള്ള കിറ്റ് അടക്കം സ്പോണ്‍സർ ചെയ്തത് ടീം റീബൗണ്ട് സംഘടനയായിരുന്നു.

അണ്ടർ 17 ടീമിന്‍റെ ക്യാപ്റ്റൻ മുട്ടം ശാന്തിജ്യോതി പബ്ലിക് സ്കൂളിലെ ഒലിവിയ ടി. ഷൈബുവും അണ്ടർ 14 ക്യാപ്റ്റൻ ഇരിങ്ങാലക്കുട ക്രൈസ്റ്റ് സ്കൂളിലെ അഞ്ജന പോൾ മാവേലിയും കോച്ചുമാരായ വിന്നി ബെസ്റ്റിൻ, എ.ആർ. അജിത്ത്, പ്രേംകുമാർ, മിന്നു ജോർജ് എന്നിവരുമടങ്ങിയ സംഘം ഇന്നലെ ഉച്ചകഴിഞ്ഞ് രണ്ടോടെ ശബരി എക്സ്പ്രസിലാണെത്തിയത്. ടീമംഗങ്ങൾക്ക് ടീം റീബൗണ്ട് അംഗങ്ങൾ പൂച്ചെണ്ടുകളും ഭക്ഷണപ്പൊതികളും നൽകി.

അർജുന അവാർഡ് ജേതാവും കേരള സ്പോർട്സ് കൗണ്‍സിൽ അഡ്മിനിസ്ട്രേറ്റിവ് ബോർഡ് അംഗവുമായ ജോർജ് തോമസ്, ടീം റീബൗണ്ട് പ്രസിഡന്‍റ് മുഹമ്മദ് ഇക്ബാൽ, മുൻ ദേശീയ താരങ്ങളായ ലീലാമ്മ സന്തോഷ്, മേഴ്സിയമ്മ സെബാസ്റ്റ്യൻ, എറണാകുളം ജില്ലാ ബാസ്കറ്റ്ബോൾ അസോസിയേഷൻ സെക്രട്ടറി കെ.എ.സലീം തുടങ്ങിയവർ സ്വീകരിക്കാനെത്തിയിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.