എയർ ഇന്ത്യാ വിമാനങ്ങളിൽ ഇനി വൈ ഫൈയും : Deepika.com Business News |

Click here for detailed news of all items

എയർ ഇന്ത്യാ വിമാനങ്ങളിൽ ഇനി വൈ ഫൈയും

Tuesday, March 21, 2017 11:21 AM IST

ന്യൂഡൽഹി: ജൂലൈ മുതൽ വിമാനത്തിൽ പറക്കുന്പോഴും ഇന്‍റർനെറ്റ് ഉപയോഗിക്കാം. എയർബസ് എ-320 വിമാനങ്ങളിൽ വൈ ഫൈ ഹോട്ട് സ്പോട്ടുകൾ സ്ഥാപിക്കാൻ എയർ ഇന്ത്യ പദ്ധതിയിടുന്നു. എയർ ഇന്ത്യയുടെ ആഭ്യന്തര സർവീസുകളിൽ മാത്രമായിരിക്കും ഈ സംവിധാനമുണ്ടായിരിക്കുക. ഒരുപക്ഷേ, പദ്ധതി വിജയിച്ചാൽ മറ്റു കമ്പനികളും എയർ ഇന്ത്യയെ പിന്തുടർന്നേക്കും.

വിമാനങ്ങളിൽ വൈ ഫൈ ഉപകരണങ്ങൾ ഘടിപ്പിക്കുന്നതിലുള്ള താത്പര്യം വിമാനനിർമാതാക്കളെ അറിയിച്ചിട്ടുണ്ടെന്ന് എയർ ഇന്ത്യ മേധാവി അശ്വനി ലോഹാനി പറഞ്ഞു. എന്നാൽ, പുതിയ തീരുമാനം എന്നുമുതൽ നടപ്പിലാകുമെന്ന് ഉറപ്പുപറയാൻ കഴിയില്ലെന്നും ജൂൺ-ജൂലൈ ആകുമ്പോഴേക്കും പ്രവർത്തനസജ്ജമായേക്കുമെന്നും അശ്വനി ലോഹാനി അറിയിച്ചു.

യാത്രക്കാർക്ക് എത്ര ഡാറ്റ ഉപയോഗിക്കാമെന്നും വേഗം എത്രയെന്നും വ്യക്തമല്ല. എന്നാൽ, വൈ ഫൈ സേവനം സൗജന്യമായിരിക്കും. പെയ്ഡ് ഡാറ്റാ പായ്ക്കുകളും കൊണ്ടുവന്നേക്കും. വിമാനത്തിൽവച്ച് മെയിൽ, വാട്സ്ആപ് സേവനങ്ങൾ സൗജന്യ വൈ ഫൈ വഴി ഉപയോഗിക്കാൻ കഴിയും. യാത്രക്കാരുടെ അഭിപ്രായങ്ങൾ അറിഞ്ഞതിനു ശേഷമായിരിക്കും കൂടുതൽ സൗകര്യങ്ങൾ നല്കുന്ന പെയ്ഡ് സേവനം നല്കുക.

വിദേശ വിമാന കമ്പനികൾ 10 എംബി സൗജന്യ ഡാറ്റാ നല്കുന്നുണ്ട്. അത്യാവശ്യ ഉപയോഗങ്ങൾക്ക് ഇതു മതിയാകും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.