National News
ബി​ൽ​ക്കി​സ് ബാ​നു കൂ​ട്ട​മാ​ന​ഭം​ഗ​ക്കേ​സ്: പോലീസിനെതിരേ നടപടിയെടുക്കാത്തത് എന്തുകൊണ്ടെന്നു സുപ്രീംകോടതി
ബി​ൽ​ക്കി​സ് ബാ​നു കൂ​ട്ട​മാ​ന​ഭം​ഗ​ക്കേ​സ്: പോലീസിനെതിരേ നടപടിയെടുക്കാത്തത് എന്തുകൊണ്ടെന്നു സുപ്രീംകോടതി
Monday, October 23, 2017 12:34 PM IST
ന്യൂ​ഡ​ൽ​ഹി: ഗു​ജ​റാ​ത്ത് ക​ലാ​പ കാ​ല​ത്ത് ബി​ൽ​ക്കി​സ് ബാ​നു​വി​നെ കൂ​ട്ട​മാ​ന​ഭം​ഗ​ത്തി​നി​ര​യാ​ക്കിയ സം​ഭ​വ​ത്തി​ലെ അ​ന്വേ​ഷ​ണ​ത്തി​ൽ വീ​ഴ്ച വ​രു​ത്തി​യ പോ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രേ ന​ട​പ​ടി​യെ​ടു​ക്കാ​ത്ത​ത് എ​ന്തു​കൊ​ണ്ടെ​ന്ന് സു​പ്രീം കോ​ട​തി.

പോ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രേ വ​കു​പ്പുത​ല​ത്തി​ൽ എ​ന്തു ന​ട​പ​ടി​യെ​ടു​ക്കു​മെ​ന്ന് അറി​യി​ക്ക​ണ​മെ​ന്നാവ​ശ്യ​പ്പെ​ട്ട ചീ​ഫ് ജ​സ്റ്റീ​സ് ദീ​പ​ക് മി​ശ്ര അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ച്, ഇ​ക്കാ​ര്യ​ത്തി​ൽ നാ​ലാ​ഴ്ച​യ്ക്ക​കം വി​ശ​ദീ​ക​ര​ണം ന​ൽ​ക​ണ​മെ​ന്നും നി​ർ​ദേ​ശി​ച്ചു. കേ​സി​ൽ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് പു​തി​യ അ​പേ​ക്ഷ സ​മ​ർ​പ്പി​ക്കാ​ൻ ഹ​ർ​ജി​ക്കാ​രി​ക്കും കോ​ട​തി അ​നു​വാ​ദം ന​ൽ​കി.

2002ലു​ണ്ടാ​യ സം​ഭ​വ​വു​മാ​യി ബ​ന്ധ​പ്പെ​ട്ട് 12 പേ​ർ​ക്കെ​തി​രേ വി​ധി​ച്ച ജീ​വ​പ​ര്യ​ന്തം ശി​ക്ഷ ബോം​ബൈ ഹൈ​ക്കോ​ട​തി ശ​രി​വ​ച്ചി​രു​ന്നു. എ​ന്നാ​ൽ, ഒൗ​ദ്യോ​ഗി​ക കൃ​ത്യ​നി​ർ​വ​ഹ​ണ​ത്തി​ൽ വീ​ഴ്ച വ​രു​ത്തി​യ​തി​നും തെ​ളി​വ് ന​ശി​പ്പി​ച്ച​തി​നും അ​ഞ്ച് പോ​ലീ​സു​ദ്യോ​ഗ​സ്ഥ​രെ​യും ര​ണ്ട് ഡോ​ക്ട​ർ​മാ​രെ​യും ശി​ക്ഷ​ിച്ചെ​ങ്കി​ലും ശി​ക്ഷാ​ കാ​ലാ​വ​ധി പൂ​ർ​ത്തി​യായ തോടെ ജോ​ലി​ക്കു തി​രി​കെ ക​യ​റി​യ​തു ചോ​ദ്യം ചെ​യ്തു ന​ൽ​കി​യ ഹ​ർ​ജി​യി​ലാ​ണ് സു​പ്രീം കോ​ട​തി​യു​ടെ ന​ട​പ​ടി. കു​റ്റ​ക്കാ​രെന്നു കോ​ട​തി ക​ണ്ടെ​ത്തി​യ​വ​ർ എ​ങ്ങ​നെ ജോ​ലി​യി​ൽ തി​രി​കെ ക​യ​റി​യെ​ന്നു ചോ​ദി​ച്ച കോ​ട​തി, ഇ​വ​ർ​ക്കെ​തി​രേ എ​ന്തു വ​കു​പ്പു​ത​ല ന​ട​പ​ടി​യെ​ടു​ത്തെ​ന്നു ഗു​ജ​റാ​ത്ത് സ​ർ​ക്കാ​രി​നോ​ട് ആ​രാ​ഞ്ഞു.


ബോം​ബെ ഹൈ​ക്കോ​ട​തി ക​ണ്ടെ​ത്തി​യ തെ​ളി​വു​ക​ളു​ടെ അ​ടി​സ്ഥാ​ന​ത്തി​ലാ​ണെ​ങ്കി​ൽ ഇ​വ​ർ​ക്കു ജോ​ലി​യി​ൽ തു​ട​രാ​നാ​വി​ല്ല. ഇ​ക്കാ​ര്യ​ത്തി​ൽ അ​ച്ച​ട​ക്ക ന​ട​പ​ടി​ക്കു താ​മ​സ​മെ​ന്തെ​ന്നും കോ​ട​തി ചോ​ദി​ച്ചു. ഇ​തി​ന് ഹ​ർ​ജി​ക്കാ​രി​യു​ടെ കേ​സി​ൽ തീ​ർ​പ്പു​ണ്ടാ​കാ​ത്ത​താ​ണ് ന​ട​പ​ടി​ക്കു കാ​ല​താ​മ​സ​മെ​ന്നാ​യി​രു​ന്നു സ​ർ​ക്കാ​രി​ന്‍റെ മ​റു​പ​ടി. ഇ​തേത്തു​ട​ർ​ന്നാ​ണ് നാ​ലാ​ഴ്ച​ക്ക​കം വി​ശ​ദീ​ക​ര​ണം ന​ൽ​കാ​ൻ കോ​ട​തി നി​ർ​ദേ​ശി​ച്ച​ത്.

ഗു​ജ​റാ​ത്ത് ക​ലാ​പ സ​മ​യ​ത്ത് ആ​റു മാ​സം ഗ​ർ​ഭി​ണി​യാ​യ ബി​ൽ​ക്കി​സ് ബാ​നു​വി​നെ കൂ​ട്ട​മാ​ന​ഭം​ഗം ചെ​യ്യു​ക​യും 14 കു​ടും​ബാ​ഗം​ങ്ങ​ളെ കൊ​ല​പ്പെ​ടു​ത്തു​ക​യു​മാ​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.