National News
സെൻകുമാറിനു പോലീസ് മേധാവി സ്ഥാനം: സർക്കാർ നിയമോപദേശം തേടി
സെൻകുമാറിനു പോലീസ് മേധാവി സ്ഥാനം: സർക്കാർ നിയമോപദേശം തേടി
Friday, April 28, 2017 12:48 PM IST
ന്യൂ​ഡ​ൽ​ഹി: സം​സ്ഥാ​ന പോ​ലീ​സ് മേ​ധാ​വി സ്ഥാ​നം ഡോ. ​ടി.​പി. സെ​ൻ​കു​മാ​റി​നു തി​രി​കെ ന​ൽ​ക​ണ​മെ​ന്ന സു​പ്രീംകോ​ട​തി​യു​ടെ ഉ​ത്ത​ര​വ് സം​ബ​ന്ധി​ച്ച് സം​സ്ഥാ​ന സ​ർ​ക്കാ​ർ മു​തി​ർ​ന്ന അ​ഭി​ഭാ​ഷ​ക​ൻ ഹ​രീ​ഷ് സാ​ൽ​വെ​യോ​ടു നി​യ​മോ​പ​ദേ​ശം തേ​ടി.

സെ​ൻ​കു​മാ​റി​നെ ക്ര​മ​സ​മാ​ധാ​ന ചു​മ​ത​ല​യു​ള്ള ഡി​ജി​പി​യാ​ക്കു​ന്പോ​ൾ നി​ല​വി​ലു​ള്ള ഡി​ജി​പി ലോ​ക്നാ​ഥ് ബെ​ഹ്റ​യുടെ കാര്യത്തിൽ എ​ന്തു തീരുമാനമെടുക്കണമെന്നും വി​ജി​ല​ൻ​സ് ഡ​യ​റ​ക്ട​ർ സ്ഥാ​ന​ത്തു നി​ന്ന് നീ​ക്കി​യ ജേ​ക്ക​ബ് തോ​മ​സ് തി​രി​കെ എ​ത്തു​ന്പോ​ൾ ഏ​തു പ​ദ​വി ന​ൽ​ക​ണ​മെ​ന്ന കാ​ര്യ​ത്തി​ലും സ​ർ​ക്കാ​ർ നി​യ​മോ​പ​ദേ​ശം തേ​ടി​യി​ട്ടു​ണ്ട്. സെ​ൻ​കു​മാ​ർ കേ​സി​ൽ സ​ർ​ക്കാ​രി​നുവേ​ണ്ടി ഹാ​ജ​രാ​യ അ​ഭി​ഭാ​ഷ​ക​നാ​ണ് ഹ​രീ​ഷ് സാ​ൽ​വെ.

സാ​ൽ​വെ നി​ര​ത്തി​യ വാ​ദ​ങ്ങ​ളൊ​ന്നും അം​ഗീ​ക​രി​ക്കാ​തെ​യാ​ണ് സെ​ൻ​കു​മാ​റി​നെ ഡി​ജി​പി​യാ​യി തി​രി​കെ നി​യ​മി​ക്കാ​ൻ സു​പ്രീംകോ​ട​തി ഉ​ത്ത​ര​വി​ട്ട​തും. ഈ ​സാ​ഹ​ച​ര്യ​ത്തി​ൽ സാ​ൽ​വെ​യി​ൽനി​ന്നു വീ​ണ്ടും നി​യ​മോ​പ​ദേ​ശം തേ​ടി​യ​ത് വി​വാ​ദ​മാ​യി​ട്ടു​ണ്ട്. അ​തേ​സ​മ​യം, സെ​ൻ​കു​മാ​റി​ന്‍റെ നി​യ​മ​നം നീ​ട്ടി​ക്കൊ​ണ്ടു പോ​കു​ന്ന​തി​നും പു​നഃ​പ​രി​ശോ​ധ​നാ ഹ​ർ​ജി ന​ൽ​കു​ന്ന​ത് അ​ട​ക്ക​മു​ള്ള കാ​ര്യ​ങ്ങ​ൾ​ക്കു​മാ​ണ് സ​ർ​ക്കാ​ർ സാ​ൽ​വെ​യെ വീ​ണ്ടും സ​മീ​പി​ച്ച​തെ​ന്നാ​ണു സൂ​ച​ന.


സെ​ൻ​കു​മാ​റി​നെ മാ​റ്റി ലോ​ക്നാ​ഥ് ബെ​ഹ്റ​യെ ഡി​ജി​പി​യാ​ക്കി​യ സ​ർ​ക്കാ​ർ ഉ​ത്ത​ര​വാ​ണ് സു​പ്രീംകോ​ട​തി റ​ദ്ദാ​ക്കി​യ​ത്. അ​ടി​യ​ന്ത​ര​മാ​യി ന​ട​പ്പി​ലാ​ക്ക​ണ​മെ​ന്ന ഉ​ത്ത​ര​വ് നി​ല​നി​ൽ​ക്കേ​യാ​ണ് ത​ൽസ്ഥാ​ന​ത്തി​ൽ മാ​റ്റം വ​രു​ത്താ​ൻ ത​യാ​റാ​കാ​തെ സ​ർ​ക്കാ​ർ ന​ട​പ​ടി നീ​ക്കി​ക്കൊ​ണ്ടു പോ​കു​ന്ന​ത്. കോ​ട​തി​യ​ല​ക്ഷ്യ ന​ട​പ​ടി അ​ട​ക്ക​മു​ള്ള​വ ക്ഷ​ണി​ച്ചു​വ​രു​ത്താ​ൻ ഇടയാക്കുമെന്നു നി​യ​മ​വി​ദ​ഗ്ധ​ർ ചൂ​ണ്ടി​ക്കാ​ട്ടി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.