ഇറോമിന്‍റെ പാർട്ടിക്കു കേജരിവാളിന്‍റെ സംഭാവന : Deepika.com National News |

Click here for detailed news of all items

ഇറോമിന്‍റെ പാർട്ടിക്കു കേജരിവാളിന്‍റെ സംഭാവന

Sunday, February 19, 2017 11:26 AM IST

ന്യൂഡൽഹി: മണിപ്പൂർ നിയമസഭാ തിരഞ്ഞെടുപ്പിൽ മത്സരിക്കുന്ന ഇറോം ശർമിളയുടെ പീപ്പിൾസ് റിസർജൻസ് ആൻഡ് ജസ്റ്റീസ് സഖ്യത്തിന് (പ്രജ) ഡൽഹി മുഖ്യമന്ത്രി അരവിന്ദ് കേജരിവാൾ 50000 രൂപ സംഭാവന നൽകി. ഇക്കാര്യം ട്വിറ്ററിലൂടെ അറിയിച്ച കേജരിവാൾ ഇറോമിന്‍റെ പാർട്ടിക്കു കഴിയുന്ന രീതിയിൽ സംഭാവന നൽകണമെന്ന് അഭ്യർഥിക്കുകയും ചെയ്തു. ഇതിനു പിന്നാലെ ആം ആദ്മി പാർട്ടി ലോക്സഭ എംപി ഭഗവന്ത് മൻ തന്‍റെ ഒരു മാസത്തെ ശന്പളം ഇറോമിനു നൽകുമെന്ന് അറിയിച്ചു. 50000 രൂപയാണ് എംപിമാർക്ക് ലഭിക്കുന്ന അടിസ്ഥാന ശന്പളം.

മണിപ്പൂരിൽ സൈന്യത്തിനുള്ള പ്രത്യേകാധികാര നിയമം (അഫ്സ്പ) പിൻവലിക്കണമെന്ന് ആവശ്യപ്പെട്ട് 16 വർഷക്കാലം നിരാഹാരം അനുഷ്ഠിച്ച ഇറോം തിരഞ്ഞെടുപ്പിൽ മത്സരിക്കുന്നതിനായി കഴിഞ്ഞവർഷമാണ് സമരം അവസാനിപ്പിച്ചത്. കഴിഞ്ഞ സെപ്തംബറിൽ കേജരിവാളുമായി ഇറോം കൂടിക്കാഴ്ച നടത്തിയിരുന്നു. വലിയ രാഷ്‌ട്രീയ കക്ഷികളെ പരാജയപ്പെടുത്തുന്നതിന് സ്വീകരിക്കേണ്ട തന്ത്രങ്ങളാണു കൂടിക്കാഴ്ചയിൽ ഇറോം പ്രധാനമായും ചോദിച്ച് അറിഞ്ഞത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.