1000 രൂപയുടെ നോട്ട് വീണ്ടും : Deepika.com National News |

Click here for detailed news of all items

1000 രൂപയുടെ നോട്ട് വീണ്ടും

Tuesday, January 17, 2017 2:40 PM IST

ന്യൂഡൽഹി: ആയിരം രൂപയുടെ കറൻസി വീണ്ടും അടിച്ചേക്കും. ഇക്കണോമിക് ടൈംസ് പത്രമാണ് പേരു വെളിപ്പെടുത്താത്ത ബാങ്കർമാരെ ഉദ്ധരിച്ച് ഇതു റിപ്പോർട്ട് ചെയ്തത്. ഈയിടെ ഇറക്കിയ 2000 രൂപ, 500 രൂപ കറൻസികളിലേതെങ്കിലും ഒന്നിന്‍റെ വലുപ്പത്തിലാകും ഇത്. കൂടുതൽ സുരക്ഷാ ഘടകങ്ങളുമുണ്ടാകും. എന്നത്തേക്ക് ഇവ അച്ചടിച്ച് എത്തിക്കുമെന്നു സൂചനയില്ല.

നവംബർ എട്ടിന് 500 രൂപ, 1000 രൂപ കറൻസികൾ റദ്ദാക്കിയശേഷം 2000 രൂപ, 500 രൂപ കറൻസികൾ അച്ചടിച്ചിറക്കിയിരുന്നു. ഇതു റദ്ദാക്കപ്പെട്ട കറൻസികളേക്കാൾ ചെറുതായിരുന്നു. തന്മൂലം എടിഎമ്മുകളിലെ കറൻസി അറകൾ പുനർ ക്രമീകരിക്കേണ്ടിവന്നു. കറൻസി ദൗർലഭ്യത്തിന് അതും കാരണമായി. രാജ്യത്തു പ്രചാരത്തിലിരുന്ന കറൻസിയിൽ 86 ശതമാനവും പിൻവലിച്ചു.

15.44 ലക്ഷം കോടി രൂപയ്ക്കുള്ള കറൻസി പിൻവലിച്ചശേഷം രാജ്യത്തു പണലഭ്യത തീരെ ചുരുങ്ങി. റദ്ദാക്കലിനു മുമ്പ് രാജ്യത്തു 17.95 ലക്ഷം കോടി രൂപയ്ക്കുള്ള കറൻസി ഉണ്ടായിരുന്നു. ജനുവരി ആറിനാകട്ടെ 8.98 ലക്ഷം കോടി രൂപയുടെ കറൻസിയേ പ്രചാരണത്തിലുള്ളൂ. നിരോധനത്തിനു മുമ്പ് എടിഎമ്മുകളിൽ 13,000 കോടി രൂപ ദിവസവും നൽകുമായിരുന്നു. ഇപ്പോൾ അത് 9000 കോടി രൂപ മാത്രമാണ്. ഇതും കറൻസി ദൗർലഭ്യം തുടരാൻ നിമിത്തമായി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.