ദളിത് ക്രൈസ്തവർക്കായി എല്ലാവരും ഒരുമിക്കണം: മാര്‍ ആലഞ്ചേരി : Deepika.com Kerala News |

Click here for detailed news of all items

ദളിത് ക്രൈസ്തവർക്കായി എല്ലാവരും ഒരുമിക്കണം: മാര്‍ ആലഞ്ചേരി

Friday, November 27, 2020 3:02 AM IST

കൊച്ചി: ദളിത് ക്രൈസ്തവ വിഭാഗത്തിലെ വിദ്യാര്‍ഥികളുടെ പഠനമികവിനും പ്രോത്സാഹനത്തിനുമായി കെസിബിസി എസ്‌സി, എസ്ടി, ബിസി കമ്മീഷന്‍റെ ടാലന്‍റ് അക്കാഡമിക്കു തുടക്കം. കാക്കനാട് മൗണ്ട് സെന്‍റ് തോമസില്‍ നടന്ന ചടങ്ങില്‍ കെസിബിസി പ്രസിഡന്‍റ് കര്‍ദിനാള്‍ മാര്‍ ജോര്‍ജ് ആലഞ്ചേരി ടാലന്‍റ് അക്കാഡമി ഉദ്ഘാടനം ചെയ്തു. ദളിത് ക്രൈസ്തവ സഹോദരങ്ങളുടെ അവകാശങ്ങള്‍ക്കുവേണ്ടി എല്ലാവരും ഒരുമിച്ചു നില്‍ക്കണമെന്നു മാര്‍ ആലഞ്ചേരി ഓര്‍മിപ്പിച്ചു.

കൂരിയ ബിഷപ് മാര്‍ സെബാസ്റ്റ്യന്‍ വാണിയപ്പുരയ്ക്കല്‍ അധ്യക്ഷത വഹിച്ചു. കമ്മീഷന്‍ ചെയര്‍മാര്‍ ബിഷപ് മാര്‍ ജേക്കബ് മുരിക്കന്‍ ആമുഖ പ്രസംഗം നടത്തി. കമ്മീഷന്‍ സെക്രട്ടറി ഫാ. ഡി. ഷാജ്കുമാര്‍, എഫ്‌സിസി സുപ്പീരിയര്‍ ജനറല്‍ സിസ്റ്റര്‍ ആന്‍ ജോസ്, ഡിസിഎംഎസ് സംസ്ഥാന പ്രസിഡന്‍റ് ജെയിംസ് ഇലവുങ്കല്‍ എന്നിവര്‍ പ്രസംഗിച്ചു. ടാലന്‍റ് അക്കാഡമിയുടെ നേതൃത്വത്തില്‍ ഒരു വര്‍ഷത്തെ ടാലന്‍റ് ആന്‍ഡ് സ്‌കില്‍ ഡവലപ്‌മെന്‍റ് ട്രെയ്‌നിംഗ് പ്രോഗ്രാം (ടിഎസ്ഡിടിപി) നടത്തും. തെരഞ്ഞെടുക്കപ്പെട്ട 51 വിദ്യാര്‍ഥികള്‍ക്കാകും പ്രവേശനം. എഫ്‌സിസി കോണ്‍ഗ്രിഗേഷന്‍റെ പിന്തുണയോടെയാകും പ്രോഗ്രാം നടത്തുക.

ജസ്യൂട്ട് വൈദികരുടെ നേതൃത്വത്തിലുള്ള കോട്ടയം കുമാ രനെല്ലൂർ ശാന്തിനിലയത്തിലെ ശാന്തി ഫാമിലി കൗണ്‍സലിംഗ് ആന്‍ഡ് പേഴ്‌സണല്‍ ഡെവലപ്‌മെന്‍റ് സെന്‍ററിലാണു പരിശീലന പരിപാടി നടക്കുകയെന്നു കമ്മീഷന്‍ സെക്രട്ടറി അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.