കുട്ടിയെ തട്ടിയെടുക്കാന്‍ ശ്രമം: അന്വേഷണം കർണാടകയിലേക്കും : Deepika.com Kerala News |

Click here for detailed news of all items

കുട്ടിയെ തട്ടിയെടുക്കാന്‍ ശ്രമം: അന്വേഷണം കർണാടകയിലേക്കും

Wednesday, March 29, 2017 1:03 PM IST

തലശേരി: പട്ടാപ്പകല്‍ നഗരമധ്യത്തിലെ വീട്ടുമുറ്റത്തു കളിച്ചുകൊണ്ടിരുന്ന ഒരുവയസുകാരനെ തട്ടിക്കൊണ്ടുപോകാന്‍ ശ്രമിച്ച സംഭവത്തില്‍ പോലീസ് അന്വേഷണം ഊര്‍ജിതമാക്കി.

കേസില്‍ അറസ്റ്റിലായി റിമാൻഡില്‍ കഴിയുന്ന കര്‍ണാടക എലഹങ്കയിലെ യാമക്ക(50)യെന്ന നാടോടിസ്ത്രീയെ കസ്റ്റഡിയില്‍ ലഭിക്കുന്നതിനായി കോടതിയില്‍ ഇന്ന് ഹർജി നല്‍കുമെന്നു ഡിവൈഎസ്പി പ്രിന്‍സ് ഏബ്രഹാം പറഞ്ഞു. കേസില്‍ കൂടുതല്‍ അന്വേഷണങ്ങള്‍ക്കായി രണ്ടുദിവസത്തിനകം തലശേരി പോലീസ് കര്‍ണാടകയിലേക്കു പോകും. ഇതിനുള്ള പ്രത്യേകാനുമതിക്കായി ജില്ലാ പോലീസ് ചീഫിന് അപേക്ഷ നല്‍കി കഴിഞ്ഞു.

ഡിവൈഎസ്പിയുടെ മേല്‍നോട്ടത്തില്‍ ടൗണ്‍ സിഐ പ്രദീപന്‍ കണ്ണിപ്പൊയില്‍, പ്രിന്‍സിപ്പല്‍ എസ്‌ഐ അനില്‍ എന്നിവരുടെ നേതൃത്വത്തിലുള്ള പോലീസ് സംഘമാണ് കേസന്വേഷിക്കുന്നത്. '

അന്തര്‍സംസ്ഥാനതലത്തില്‍ പ്രവര്‍ത്തിക്കുന്ന ഭിക്ഷാടന മാഫിയയുടെ കണ്ണിയാണ് അറസ്റ്റിലായ യാമക്കയെന്ന സംശയത്തിന്‍റെ അടിസ്ഥാനത്തിലാണ് അന്വേഷണം കേരളത്തിനു പുറത്തേക്കും വ്യാപിപ്പിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.