റോഡ് വികസനത്തിന് 900 കോടിയുടെ പദ്ധതി : Deepika.com Kerala News |

Click here for detailed news of all items

റോഡ് വികസനത്തിന് 900 കോടിയുടെ പദ്ധതി

Saturday, February 25, 2017 3:09 PM IST

തിരുവനന്തപുരം: സംസ്ഥാനത്തെ 405 റോഡുകളുടെ പുനർനിർമാണത്തിനും അറ്റകുറ്റപ്പണിക്കുമായി 900 കോടി രൂപയുടെ പദ്ധതിക്കു ധനവകുപ്പ് അനുമതി നൽകി. 140 നിയോജക മണ്ഡലങ്ങളിലുമായി പൊതുമരാമത്ത് വകുപ്പു ഭരണാനുമതി നൽകിയ നിർമാണ പ്രവർത്തനങ്ങൾക്കായാണ് 900 കോടി രൂപയുടെ പ്രത്യേക അനുമതി ലഭിച്ചതെന്നു മന്ത്രി ജി. സുധാകരൻ അറിയിച്ചു.

സുതാര്യമായി പദ്ധതികൾ നടപ്പാക്കുന്നതിന്‍റെ ഭാഗമായി മാസങ്ങൾക്കു മുൻപു തന്നെ എല്ലാ എംഎൽഎമാരോടും പ്രോജക്ട് റിപ്പോർട്ടുകൾ സമർപ്പിക്കാൻ പൊതുമരാമത്തു വകുപ്പ് നിർദേശിച്ചിരുന്നു.

ഇതിന്‍റെ അടിസ്ഥാനത്തിൽ വിശദമായ പ്രോജക്ട് റിപ്പോർട്ട് സമയബന്ധിതമായി തയാറാക്കാൻ ബന്ധപ്പെട്ട എൻജിനിയർമാർക്കു നിർദേശം നൽകിയിരുന്നു. പൊതുമരാമത്ത് വകുപ്പ് ഭരണാനുമതി നൽകി ധനകാര്യ വകുപ്പിന്‍റെ അനുമതിക്കായി സമർപ്പിച്ചതിന്‍റെ ഭാഗമായാണ് പ്രവൃത്തികൾക്ക് അനുമതി ലഭിച്ചിട്ടുള്ളത്.

140 പ്രവൃത്തികൾക്ക് 171 കോടി രൂപയുടെ ഭരണാനുമതിയും പ്രത്യേകാനുമതിയും കഴിഞ്ഞ യാഴ്ച നൽകിയതിനു പുറമെയാണിത്. 2016-17 ബജറ്റിൽ ഉൾപ്പെടുത്തി ഇതുവരെ 545 പ്രവൃത്തികൾക്ക് 1071 കോടി രൂപയ്ക്ക് അനുമതി നൽകിയിട്ടുണ്ട്. ഇനിയും കുറച്ചു പണികൾക്കു കൂടി അനുമതി നൽകേണ്ടതുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.