ഏനാത്ത് പാലം: ഡിപ്പാർട്ട്മെന്‍റ് വിജിലൻസ് അന്വേഷിക്കുമെന്ന് മന്ത്രി ജി. സുധാകരൻ : Deepika.com Kerala News |

Click here for detailed news of all items

ഏനാത്ത് പാലം: ഡിപ്പാർട്ട്മെന്‍റ് വിജിലൻസ് അന്വേഷിക്കുമെന്ന് മന്ത്രി ജി. സുധാകരൻ

Wednesday, January 18, 2017 3:43 PM IST

തിരുവനന്തപുരം: കൊല്ലം-പത്തനംതിട്ട ജില്ലകളെ ബന്ധിപ്പിക്കുന്ന കൊട്ടാരക്കരയിലെ ഏനാത്ത് പാലം അകാലത്തിൽ തകരാനുണ്ടായ സാഹചര്യം കണ്ടെത്താനും അതിന് ഉത്തരവാദികൾ ആരെല്ലാമാണെന്ന് വിശദമായി അന്വേഷിച്ച് അടിയന്തര റിപ്പോർട്ട് നൽകാനും പൊതുമരാമത്ത് വിജിലൻസ് വിഭാഗം ഡെപ്യൂട്ടി ചീഫ് എൻജിനിയറോട് ആവശ്യപ്പെട്ടതായി മന്ത്രി ജി. സുധാകരൻ അറിയിച്ചു.

പാലത്തിൽ തകരാർ ഉണ്ടായത് ശ്രദ്ധയിൽപ്പെട്ട ജനുവരി 10ന് മന്ത്രി ജി. സുധാകരനും ബന്ധപ്പെട്ട എൻജിനിയർമാരും സ്ഥലം സന്ദർശിക്കുകയും വിദഗ്ധ പരിശോധന നടത്താൻ നിർദേശിക്കുകയും ചെയ്തു. 11ന് നടത്തിയ വിശദമായ പരിശോധനയിൽ രണ്ടാമത്തെ പിയറിന്‍റെ അടിത്തറയായ ഇരട്ട കിണറിന്‍റെ കോണ്‍ക്രീറ്റ് സ്റ്റീനിംഗ് ഇളകിപ്പോയതായും ദുർബലപ്പെട്ടതായും കാണപ്പെട്ടു.

നിർമാണഘട്ടത്തിൽ ന്യൂനതയുണ്ടായിരുന്നോ എന്നും ഇതിൽ ഉത്തരവാദികൾ ആരെല്ലാമെന്നും കണ്ടെത്താൻ അടിയന്തരമായി റിപ്പോർട്ട് തേടിയിട്ടുണ്ട്. റിപ്പോർട്ട് ലഭിച്ചു കഴിഞ്ഞാൽ ആവശ്യമെങ്കിൽ പോലീസ് വിജിലൻസിന്‍റെ പരിഗണനയ്ക്കായി ഈ വിഷയം വിടണമോയെന്ന് തീരുമാനിക്കുമെന്നും മന്ത്രി ജി. സുധാകരൻ അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.