വീട്ടുമുറ്റത്തു കളിച്ചുകൊണ്ടിരുന്ന നാലുവയസുകാരനെ തെരുവുനായ ആക്രമിച്ചു : Deepika.com Kerala News |

Click here for detailed news of all items

വീട്ടുമുറ്റത്തു കളിച്ചുകൊണ്ടിരുന്ന നാലുവയസുകാരനെ തെരുവുനായ ആക്രമിച്ചു

Wednesday, August 24, 2016 1:04 PM IST

കൊട്ടാരക്കര: എഴുകോണിൽ വീട്ടുമുറ്റത്തു കളിച്ചുകൊണ്ടിരുന്ന നാലു വയസുകാരനു തെരുവു നായയുടെ കടിയേറ്റു. കുട്ടിയെ രക്ഷിക്കാനെത്തിയ അമ്മയ്ക്കും കടിയേറ്റു. എഴുകോൺ വട്ടമൺകാവ് പെരുമ്പള്ളിൽ വീട്ടിൽ ബിനു പണിക്കരുടെയും സുജാ പണിക്കരുടെയും മകൻ അലൻ ബി. പണിക്കർക്കാണ് തെരുവുനായയുടെ ആക്രമണമേറ്റത്.

തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ച അലനു പ്ലാസ്റ്റിക് സർജറി നടത്താൻ തീരുമാനിച്ചു. അലന്റെ ചുണ്ട് പട്ടി കടിച്ചു കീറിയിരുന്നു. ചുണ്ടിലുള്ള ആഴത്തിലുള്ള മുറിവായതു കൊണ്ടാണ് പ്ലാസ്റ്റിക് സർജറിയിലൂടെ മുറിവ് തുന്നിക്കെട്ടുന്നത്.

ഇന്നലെ രാവിലെ പതിനൊന്നോടെ വീട്ടുമുറ്റത്ത് അലൻ കളിച്ചുകൊണ്ടിരിക്കെ പാഞ്ഞെത്തിയ തെരുവുനായ തലങ്ങും വിലങ്ങും കടിക്കുകയായിരുന്നു. മുഖത്തും ചുണ്ടിലും ശരീരത്തിലും കടിയേറ്റിട്ടുണ്ട്. കുട്ടിയുടെ നിലവിളി കേട്ട് ഓടിയെത്തിയ അമ്മയെയും നായ ഓടിച്ചിട്ടു കടിച്ചു. നാട്ടുകാർ എത്തിയാണ് നായയെ ഓടിച്ചത്.

കുട്ടിയെ കൊട്ടാരക്കര താലൂക്കാശുപത്രിയിലും പിന്നീട് കൊല്ലം ജില്ലാ ആശുപത്രിയിലും എത്തിച്ചെങ്കിലും പരിക്ക് ഗുരുതരമായതിനാൽ തിരുവനന്തപുരം മെഡിക്കൽ കോളജ് ആശുപത്രിയിലേക്ക് മാറ്റി. അമ്മയുടെ പരിക്ക് ഗുരുതരമല്ല.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.