ആത്മീയ ഉണർവ് നേടി പതിനായിരങ്ങൾ ഭരണങ്ങാനത്ത് : Deepika.com Kerala News |

Click here for detailed news of all items

ആത്മീയ ഉണർവ് നേടി പതിനായിരങ്ങൾ ഭരണങ്ങാനത്ത്

Thursday, July 28, 2016 12:45 PM IST

ഭരണങ്ങാനം: ഭാരതസഭയ്ക്കു ലഭിച്ച ആത്മീയപുണ്യം വിശുദ്ധ അൽഫോൻസാമ്മയുടെ കബറിടം വണങ്ങി ആത്മീയ ഉണർവും അനുഗ്രഹവും നേടാനെത്തിയത് പതിനായിരങ്ങൾ.

ജീവിതം സഹനത്തിന്റെയും ലാളിത്യത്തിന്റെയും പ്രാർഥനയുടെയും വേദിയാക്കിയ ഭാരതത്തിന്റെ ആദ്യ വിശുദ്ധയുടെ തിരുനാൾ ആഘോഷം തികച്ചും പ്രാർഥനാപൂർണമായിരുന്നു. വാദ്യാഘോഷങ്ങളോ കരിമരുന്നു പ്രകടനങ്ങളോ ഉണ്ടായിരുന്നില്ല.

സഹനത്തിന്റെ തീച്ചൂളയിൽ സ്വയം എരിഞ്ഞ് സമൂഹത്തിന് ആത്മീയപ്രകാശം സമ്മാനിച്ച അൽഫോൻസാമ്മയുടെ തിരുനാളിൽ പങ്കെടുത്തവരെല്ലാം പുത്തൻ ഉണർവോടും ആത്മീയചൈതന്യത്തോടുമാണു മടങ്ങിയത്.

ഇന്നലെ മാർ ജോസഫ് പള്ളിക്കാപറമ്പിൽ നേർച്ചയപ്പം വെഞ്ചിരിച്ചു. തിരുനാൾ റാസയ്ക്ക് സീറോ മലബാർസഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി മുഖ്യകാർമികത്വം വഹിച്ചു. ഉച്ചയ്ക്ക് നടന്ന പ്രദക്ഷിണത്തിൽ പതിനായിരങ്ങൾ പങ്കെടുത്തു. ജപമാല ചൊല്ലിയാണ് വിശ്വാസികൾ പ്രദക്ഷിണത്തിൽ പങ്കെടുത്തത്.

വിശുദ്ധയുടെ തിരുസ്വരൂപം സംവഹിച്ചുള്ള പ്രദക്ഷിണം തീർഥാടനകേന്ദ്രത്തിൽ നിന്നും പുറപ്പെട്ട് പ്രധാന റോഡിലൂടെ ഇടവക ദേവാലയത്തിലെത്തി സമാപിച്ചു. പ്രദക്ഷിണം ഇടവക ദേവാലയത്തിന്റെ മുറ്റത്ത് എത്തിയപ്പോൾ ഇടവക മധ്യസ്‌ഥയായ പരിശുദ്ധ കന്യാമറിയത്തിന്റെ തിരുസ്വരൂപം പള്ളിയിൽ നിന്നിറക്കി പ്രദക്ഷിണത്തെ വരവേറ്റു.

തിരുനാൾ ആരംഭിച്ചതു മുതൽ തീർഥാടനകേന്ദ്രത്തിലേയ്ക്ക് ആയിരങ്ങളാണ് എത്തിക്കൊണ്ടിരുന്നത്. തിരുനാൾ ദിവസങ്ങളിൽ വൈകുന്നേരം നടന്ന ജപമാലമെഴുകുതിരി പ്രദക്ഷിണത്തിലും നാടിന്റെ നാനാഭാഗങ്ങളിൽ നിന്നു വിശ്വാസികൾ ഭക്‌തിപൂർവം പങ്കെടുത്തു.

തിരുനാളിന്റെ എല്ലാ ദിവസവും വിവിധ രൂപതാധ്യക്ഷന്മാരുടെ നേതൃത്വത്തിൽ വിശുദ്ധ കുർബാന അർപ്പിക്കപ്പെട്ടു. മിഷൻലീഗ്, മാതൃജ്യോതി, ഫ്രാൻസിസ്കൻ അല്മായ സഭ, വിവിധ ഫൊറോനകൾ, ഇടവകകൾ എന്നിവയുടെ നേതൃത്വത്തിൽ നടത്തിയ തീർഥാടനവും തിരുക്കർമങ്ങളും ഭരണങ്ങാനം തിരുനാളിനെ ഭക്‌തിസാന്ദ്രമാക്കി.

അൽഫോൻസാമ്മയുടെ ജീവിതവഴിത്താരകൾ വെളിവാക്കുന്ന മ്യൂസിയവും വിശുദ്ധ ജീവിതത്തിന് സാക്ഷ്യം വഹിച്ച ക്ലാരമഠവും വിശ്വാസികളാൽ നിറഞ്ഞു.

തീർഥാടന കേന്ദ്രം റെക്ടർ ഫാ. ബെർക്കുമാൻസ് കുന്നുംപുറം, അഡ്മിനിട്രേറ്റർ റവ.ഡോ.തോമസ് പാറയ്ക്കൽ, ഫൊറോന വികാരി ഫാ. അഗസ്റ്റിൻ കൊഴുപ്പൻകുറ്റി, സഹവികാരിമാർ, വോളന്റിയേഴ്സ്, ട്രസ്റ്റിമാർ തുടങ്ങിയവർ തിരുനാളിനു നേതൃത്വം നൽകി.

<ആ>വിശുദ്ധ അൽഫോൻസാ സമർപ്പിത മാതൃക: മാർ ആലഞ്ചേരി
<ശാഴ െൃര=/ിലംശൊമഴലെ/2016ഷൗഹ്യ29യവമൃമിഴമാ1.ഷുഴ മഹശഴി=ഹലളേ>

ഭരണങ്ങാനം: ക്രൈസ്തവജീവിതത്തിന്റെ ആകെത്തുകയാണു വിശുദ്ധ അൽഫോൻസാമ്മയുടെ ജീവിത ദർശനങ്ങളെന്നും ആ മാതൃക പിന്തുടർന്നുദൈവരാജ്യാനുഭവം നാം സ്വന്തമാക്കണമെന്നും സീ റോ മലബാർസഭ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി.

ഭരണങ്ങാനത്ത് വിശുദ്ധ അൽഫോൻസാമ്മയുടെ തിരുനാളിനോടനുബന്ധിച്ചു റാസ അർപ്പിച്ച് സന്ദേശം നൽകുകയായിരുന്നു കർദിനാൾ. ദൈവശാസ്ത്രപണ്ഡിതയല്ലാത്ത അമ്മയുടെ ജീവിതത്തിൽ സുവിശേഷവചനങ്ങളും ക്രിസ്തു ധാർമികതയും വിളക്കിച്ചേർക്കപ്പെട്ടിരിക്കുന്നു. ദൈവം നൽകിയ ദാനമാണിത്.

ദൈവികജ്‌ഞാനം വിശുദ്ധർക്കു വെളിപ്പെടുത്തപ്പെടും. ഫ്രാൻസിലും യെമനിലും ക്രൈസ്തവർ പീഡിപ്പിക്കപ്പെടുന്നതിനെ പരാമർശിച്ചു സഹിക്കുന്ന, കരയുന്ന സഭയുടെ ചിത്രമാണ് ഇന്നു ലോകമെങ്ങും കാണുന്നതെന്ന് കർദിനാൾ പറഞ്ഞു.

ലോകത്തിനു ലഭിക്കുന്ന പീഡനങ്ങൾ ദൈവത്തിന്റെ ദാനമാണ്. അൽഫോൻസാമ്മ സഹനം വെട്ടിപ്പിടിച്ചു. അൽഫോൻസാമ്മ സഹനത്തെ ആശ്ലേഷിച്ചു. ആത്മാവിന്റെ ബലത്തിന് സഹനവും വിശുദ്ധ കുർബാനയും പതിവാക്കി. തിരുനാൾ ലളിതമായി നടത്തുന്നതിന് പാലാ രൂപതയെ കർദിനാൾ അഭിനന്ദിച്ചു. തിരുനാളുകൾ ആത്മീയ ആഘോഷമാക്കി മാറ്റുന്ന ഭരണങ്ങാനം മാതൃക മറ്റുള്ള രൂപതകൾ പിന്തുടരണമെന്നും കർദിനാൾ അഭിപ്രായപ്പെട്ടു.

റവ. ഡോ. തോമസ് പുതുകുളങ്ങര, ഫാ. ജോസഫ് അരിമറ്റം എന്നിവർ തിരുനാൾ റാസയ്ക്കു സഹകാർമികത്വം വഹിച്ചു. രാവിലെ ബിഷപ് മാർ ജോസഫ് പള്ളിക്കാപറമ്പിൽ വിശുദ്ധ കുർബാന അർപ്പിച്ചു സന്ദേശം നൽകി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.