തിരുവനന്തപുരം: മതാടിസ്ഥാനത്തിൽ വാട്സ്ആപ്പ് ഗ്രൂപ്പ് ഉണ്ടാക്കിയ സംഭവത്തിൽ സസ്‌പെൻഷനിലായിരുന്ന കെ.ഗോപാലകൃഷ്ണനെ സർവീസിൽ തിരിച്ചെടുത്തു. റിവ്യൂ കമ്മിറ്റിയുടെ ശിപാർശയിലാണ് നടപടി.
വകുപ്പ് തല അന്വേഷണത്തിൽ ഗോപാലകൃഷ്ണനെതിരായ കുറ്റം തെളിയിക്കാൻ ആയില്ലെന്നാണ് കണ്ടെത്തൽ. മല്ലു ഹിന്ദു, മല്ലു മുസ്‌ലീം എന്ന പേരിൽ വാട്സ്ആപ്പ് ഗ്രൂപ്പ് ഉണ്ടാക്കിയത് വൻ വിവാദമായിരുന്നു.
വിവാദമായതോടെ ഫോൺ ഹാക്ക് ചെയ്തു എന്നു പറഞ്ഞ് ഗോപാലകൃഷ്ണൻ പരാതി നൽകിയിരുന്നു. ഫോൺ റീസെറ്റ് ചെയ്താണ് അന്വേഷണ ഉദ്യോഗസ്ഥർക്ക് മുന്നിൽ കെ. ഗോപാലകൃഷ്ണൻ ഹാജരാക്കിയത്.