എംജിയിൽ കൂടുതല്‍ ഓണ്‍ലൈന്‍ പ്രോഗ്രാമുകള്
കോട്ടയം: റെഗുലര്‍ ബിരുദാനന്തര ബിരുദത്തിനു തുല്യമായ എംകോമിനും എംബിഎയ്ക്കും ഏറെ സ്വീകാര്യത ലഭിച്ചതിനു പിന്നാലെ എംജി സര്‍വകലാശാല കൂടുതല്‍ ഓണ്‍ലൈന്‍ പ്രോഗ്രാമുകള് ആരംഭിക്കുന്നു.
സര്‍വകലാശാലയിലെ സെന്‍റര്‍ ഫോര്‍ ഡിസ്റ്റന്‍സ് ആന്‍ഡ് ഓണ്‍ലൈന്‍ എഡ്യുക്കേഷന്‍ (സിഡിഒഇ) ബികോം(ഓണേഴ്സ്), എംഎ ഇംഗ്ലീഷ് ലാംഗ്വേജ് ആന്‍ഡ് ലിറ്ററേച്ചര്‍ പ്രോഗ്രാമുകളില് അഡ്മിഷന്‍ ആരംഭിച്ചു. സര്‍വകലാശാലാ വെബ്സൈറ്റിലെ അഡ്മിഷന്‍ പോര്‍ട്ടല്‍ വഴി 15 വരെ അപേക്ഷിക്കാം.
സിഡിഒഇക്ക് നിലവില്‍ 13 ഓണ്‍ലൈന്‍ പ്രോഗ്രാമുകള് നടത്തുന്നതിനാണ് യുജിസിയുടെ അനുമതി ലഭിച്ചിട്ടുള്ളത്. പത്ത് ബിരുദാനന്തര ബിരുദ പ്രോഗ്രാമുകളും മൂന്നു ബിരുദ പ്രോഗ്രാമുകളും ഉള്‍പ്പെടും.