Play Audio

ക​രി​മ​രു​ന്നു ക​ല​യെ ക​ണ്ണീ​ർ​മ​ഴ​യാ​ക്ക​രു​ത്
Tuesday, February 13, 2024 12:00 AM IST
ക​​രി​​മ​​രു​​ന്നു ക​​ലാ​​പ്ര​​ക​​ട​​ന​​ങ്ങ​​ൾ നി​​രോ​​ധി​​ക്കു​​ക​​യ​​ല്ല നി​​യ​​മാ​​നു​​സൃ​​ത​​മാ​​യി മാ​​ത്രം അ​​തു ന​​ട​​ത്തു​​മെ​​ന്ന് ഉ​​റ​​പ്പാ​​ക്കു​​ക​​യാ​​ണു വേ​​ണ്ട​​ത്. ആ​​രാ​​ധ​​നാ​​ല​​യ​​ങ്ങ​​ളി​​ലേ​​തു​​ൾ​​പ്പെ​​ടെ​​യു​​ള്ള സം​​ഘാ​​ട​​ക​​രും അ​​ധി​​കൃ​​ത​​രോ​​ടു പൂ​​ർ​​ണ​​മാ​​യി സ​​ഹ​​ക​​രി​​ക്ക​​ണം. ആ​​ഘോ​​ഷി​​ക്കാ​​നും ആ​​ഹ്ലാ​​ദി​​ക്കാ​​നും ഒ​​രു​​ക്കു​​ന്ന വെ​ടി​ക്കെ​ട്ടു​ക​ൾ ഇ​നി​യെ​ങ്കി​ലും നി​ര​പ​രാ​ധി​ക​ളു​ടെ നെ​ഞ്ചി​ലെ തീ​യാ​യി മാ​റ​രു​ത്. പൂ​ത്തി​രി​യാ​യി വി​രി​യേ​ണ്ട​ത് ക​ണ്ണീ​ർമ​ഴ​യാ​യി പെ​യ്യ​രു​ത്.

ആ​രു​മ​റി​യാ​തെ ജ​ന​വാ​സ​മേ​ഖ​ല​യി​ൽ ന​ട​ത്തി​യൊ​രു വെ​ടി​മ​രു​ന്നു സം​ഭ​ര​ണം സ്ഫോ​ട​ന​മാ​യ​തി​ന്‍റെ ന​ടു​ക്ക​ത്തി​ലാ​ണ് കേ​ര​ളം. തൃ​പ്പൂ​ണി​ത്തു​റ ഊ​ര​ക്കാ​ട്ടു​ള്ള പ​ട​ക്ക​പ്പു​ര​യി​ലേ​ക്ക് എ​ത്തി​ച്ച വെ​ടി​മ​രു​ന്നി​നാ​ണ് തീ​പി​ടി​ച്ച​ത്. ഒ​രാ​ൾ മ​രി​ക്കു​ക​യും നി​ര​വ​ധി പേ​ർ​ക്കു പ​രി​ക്കേ​ൽ​ക്കു​ക​യും ചെ​യ്ത സ്ഫോ​ട​ന​ത്തി​ൽ വാ​ഹ​ന​ങ്ങ​ളും വീ​ടു​ക​ളും ന​ശി​ക്കു​ക​യും ചെ​യ്തു.

സ്ഫോ​ട​ന​ത്തി​നു ശേ​ഷ​മാ​ണ് അ​വി​ടെ അ​നു​മ​തി​യി​ല്ലാ​ത്തൊ​രു പ​ട​ക്ക​പ്പു​ര​യു​ണ്ടാ​യി​രു​ന്നെ​ന്നു സ​മീ​പ​വാ​സി​ക​ൾ​പോ​ലും അ​റി​യു​ന്ന​ത്. ഇ​ത് അ​ന​ധി​കൃ​ത​മാ​ണെ​ങ്കി​ൽ അ​ധി​കൃ​ത​ർ എ​വി​ടെ എ​ന്ന ചോ​ദ്യം സ്വാ​ഭാ​വി​ക​മാ​ണ്. അ​തി​ന് ഉ​ത്ത​ര​മി​ല്ലെ​ങ്കി​ൽ കേ​ര​ള​ത്തി​ൽ എ​വി​ടെ​യും ആ​വ​ർ​ത്തി​ക്കാ​നി​ട​യു​ള്ള ഇ​ത്ത​രം ദു​ര​ന്ത​ങ്ങ​ളെ ത​ട​യാ​നാ​വി​ല്ല.

ഇ​ന്ന​ലെ രാ​വി​ലെ 11നാ​ണ് ക്ഷ​ണി​ച്ചു​വ​രു​ത്തി​യ അ​ത്യാ​ഹി​ത​മു​ണ്ടാ​യ​ത്. പു​തി​യ​കാ​വ് ക്ഷേ​ത്രോ​ത്സ​വ​ത്തി​ന്‍റെ ഭാ​ഗ​മാ​യി പാ​ല​ക്കാ​ട്ടു​നി​ന്നു കൊ​ണ്ടു​വ​ന്ന വെ​ടി​ക്കോ​പ്പു​ക​ൾ ടെ​മ്പോ ട്രാ​വ​ല​റി​ല്‍​നി​ന്ന് ഇ​റ​ക്കി അ​ടു​ത്തു​ള്ള കോ​ണ്‍​ക്രീ​റ്റ് കെ​ട്ടി​ട​ത്തി​ലേ​ക്ക് മാ​റ്റു​ന്ന​തി​നി​ടെ​യാ​ണ് പൊ​ട്ടി​ത്തെ​റി​യു​ണ്ടാ​യ​ത്. വാ​ഹ​നം പൂ​ർ​ണ​മാ​യി ത​ക​ർ​ന്നു. 300 മീ​റ്റ​ർ അ​പ്പു​റ​ത്തേ​ക്കു​വ​രെ അ​വ​ശി​ഷ്ട​ങ്ങ​ൾ തെ​റി​ച്ചു​വീ​ണു.

ര​ണ്ടു കി​ലോ​മീ​റ്റ​ർ അ​ക​ലെ​വ​രെ സ്ഫോ​ട​ന​ത്തി​ന്‍റെ ആ​ഘാ​ത​മു​ണ്ടാ​യെ​ന്നാ​ണ് നാ​ട്ടു​കാ​ർ പ​റ​ഞ്ഞ​ത്. ല​ക്ഷ​ങ്ങ​ൾ വാ​യ്പ​യെ​ടു​ത്ത് നി​ർ​മി​ച്ച് ത​ലേ​ന്നു ഗൃ​ഹ​പ്ര​വേ​ശം ന​ട​ത്തി​യ വീ​ടും ത​ക​ർ​ന്ന​വ​യി​ൽ ഉ​ൾ​പ്പെ​ടു​ന്നു. ഫ​യ​ർ​ഫോ​ഴ്സ് എ​ത്തി​യാ​ണ് തീ​യ​ണ​ച്ച​ത്. ഉ​ത്സ​വ​ത്തി​ന് വെ​ടി​ക്കോ​പ്പു​ക​ള്‍ ശേ​ഖ​രി​ക്കു​ന്ന​തി​നാ​യി ജ​ന​വാ​സ​കേ​ന്ദ്ര​ത്തി​ലെ വീ​ടാ​ണ് ഗോ​ഡൗ​ണാ​ക്കി മാ​റ്റി​യ​ത്.

പോ​ലീ​സോ ഫ​യ​ർ​ഫോ​ഴ്സോ ജി​ല്ലാ ഭ​ര​ണ​കൂ​ട​മോ ഇ​ത​റി​ഞ്ഞി​ട്ടി​ല്ല​ത്രേ. ഇ​തി​ന് അ​നു​മ​തി​യു​ണ്ടാ​യി​രു​ന്നി​ല്ലെ​ന്ന വാ​ർ​ത്ത, ആ​വ​ർ​ത്തി​ക്കു​ന്ന നി​യ​മ​ലം​ഘ​ന​ങ്ങ​ളു​ടെ​യും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ ഉ​ത്ത​ര​വാ​ദി​ത്വ​മി​ല്ലാ​യ്മ​യു​ടെ​യും പ​ര​ന്പ​ര​യി​ൽ എ​റ്റ​വും പു​തി​യ​താ​ണ്.

കേ​ര​ള​ത്തി​ൽ ഇ​തു​വ​രെ​യു​ണ്ടാ​യ ഏ​താ​ണ്ട് എ​ല്ലാ ക​രി​മ​രു​ന്നു സ്ഫോ​ട​ന​ങ്ങ​ളും നി​യ​മ​ലം​ഘ​ന​ങ്ങ​ളു​ടെ ഫ​ല​മാ​ണ്. ഒ​ന്നി​ൽ​നി​ന്നും പാ​ഠം പ​ഠി​ക്കാ​തെ കാ​ഴ്ച​ക്കാ​രാ​യി നി​ൽ​ക്കു​ന്ന അ​ധി​കൃ​ത​ർ കൂ​ടു​ത​ൽ മ​നു​ഷ്യ​രു​ടെ മ​ര​ണ​ത്തി​നും വ​ലി​യ നാ​ശ​ന​ഷ്ട​ങ്ങ​ൾ​ക്കും തീ ​കൊ​ളു​ത്തു​ക​യാ​ണ്.

ജ​ന​വാ​സ​കേ​ന്ദ്ര​ങ്ങ​ള്‍, പൊ​തു ഇ​ട​ങ്ങ​ള്‍, കെ​ട്ടി​ട​ങ്ങ​ള്‍, ഹൈ​വേ, പൊ​തു നി​ര​ത്തു​ക​ള്‍ എ​ന്നി​വ​യ്ക്ക​ടു​ത്ത് വെ​ടി​ക്കെ​ട്ട് പു​ര​യോ സം​ഭ​ര​ണ​ശാ​ല​ക​ളോ സ്ഥാ​പി​ക്ക​രു​തെ​ന്ന് എ​ക്സ്പ്ലോ​സീ​വ് ഡെ​പ്യൂ​ട്ടി ചീ​ഫ് ക​ണ്‍​ട്രോ​ള​ര്‍ 2009ലെ ​ഉ​ത്ത​ര​വി​ല്‍ വ്യ​ക്ത​മാ​ക്കു​ന്നു​ണ്ട്. 2008ലെ ​എ​ക്സ്പ്ലോ​സീ​വ് ച​ട്ട​ത്തി​ലും ഇ​തു വ്യ​ക്ത​മാ​യി പ​റ​യു​ന്നു​ണ്ട്.

കേ​ര​ള​ത്തി​ലെ ഏ​റ്റ​വും വ​ലി​യ വെ​ടി​ക്കെ​ട്ട​പ​ക​ട​മാ​യി​രു​ന്നു 2016ൽ ​കൊ​ല്ലം പ​ര​വൂ​രി​ൽ പു​റ്റി​ങ്ങ​ൽ ക്ഷേ​ത്ര​ത്തി​ലു​ണ്ടാ​യ​ത്. 110 പേ​ർ കൊ​ല്ല​പ്പെ​ടു​ക​യും 300 ല​ധി​കം ആ​ളു​ക​ൾ​ക്കു പ​രി​ക്കേ​ൽ​ക്കു​ക​യും ചെ​യ്തു. ജി​ല്ലാ അ​ധി​കൃ​ത​രു​ടെ വി​ല​ക്ക് ലം​ഘി​ച്ചു​കൊ​ണ്ട് ന​ട​ത്തി​യ വെ​ടി​ക്കെ​ട്ടാ​ണ് ദു​ര​ന്ത​ത്തി​ൽ ക​ലാ​ശി​ച്ച​ത്. ഇ​ത്ര​യേ​റെ ജീ​വ​ഹാ​നി​ക്കി​ട​യാ​ക്കി​യ അ​പ​ക​ടം ന​മു​ക്ക് തി​രു​ത്താ​നു​ള്ള അ​വ​സ​ര​മാ​യി​രു​ന്നു.

പ​ക്ഷേ, അ​തി​നു​ശേ​ഷ​വും നി​ര​വ​ധി വെ​ടി​ക്കെ​ട്ട​പ​ക​ട​ങ്ങ​ൾ ഉ​ണ്ടാ​യി. ക​രി​മ​രു​ന്നു പ്ര​യോ​ഗ​ങ്ങ​ള​ല്ല, മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ​യു​ള്ള അ​തി​ന്‍റെ ന​ട​ത്തി​പ്പാ​ണ് ആ​പ​ത്തു​ക​ൾ​ക്കി​ട​യാ​ക്കു​ന്ന​ത്. ബ​ന്ധ​പ്പെ​ട്ട വ​കു​പ്പു​ക​ളു​ടെ അ​നു​മ​തി​യു​ണ്ടോ? ശാ​സ്ത്രീ​യ പ​രി​ശീ​ല​നം ല​ഭി​ക്കാ​ത്ത​വ​ർ പ​ട​ക്ക​നി​ർ​മാ​ണ​ത്തി​ലേ​ർ​പ്പെ​ടു​ന്നു​ണ്ടോ? ക​ടു​ത്ത ചൂ​ടി​ൽ പാ​ലി​ക്കേ​ണ്ട മു​ൻ​ക​രു​ത​ലു​ക​ൾ എ​ടു​ക്കാ​റു​ണ്ടോ‍? ജ​ന​വാ​സ​കേ​ന്ദ്ര​ങ്ങ​ളി​ലാ​ണോ വെ​ടി​മ​രു​ന്നു സം​ഭ​രി​ക്കു​ന്ന​ത്? തു​ട​ങ്ങി​യ കാ​ര്യ​ങ്ങ​ൾ​ക്കു തൃ​പ്തി​ക​ര​മാ​യ മ​റു​പ​ടി​യു​ണ്ടെ​ങ്കി​ൽ ക​രി​മ​രു​ന്നു ക​ലാ​പ്ര​ക​ട​നം നി​രോ​ധി​ക്കേ​ണ്ട​തി​ല്ല. ഇ​തൊ​ന്നും അ​ന്വേ​ഷി​ക്കാ​ൻ ആ​ളി​ല്ലാ​ത്ത​താ​ണ് അ​പ​ക​ട​ങ്ങ​ളു​ടെ കാ​ര​ണം.

സ്വ​ന്തം ജോ​ലി ചെ​യ്യാ​ൻ വി​മു​ഖ​ത കാ​ണി​ക്കു​ന്ന ഉ​ദ്യോ​ഗ​സ്ഥ​രും ഏ​തു​വി​ധേ​ന​യും പ​ണ​മു​ണ്ടാ​ക്കാ​ൻ കു​റു​ക്കു​വ​ഴി തേ​ടു​ന്ന വെ​ടി​ക്കെ​ട്ടു​കാ​രും അ​വ​ർ​ക്കു​വേ​ണ്ടി ക​ണ്ണ​ട​യ്ക്കു​ന്ന സം​ഘാ​ട​ക​രു​മൊ​ക്കെ ഇ​ത്ത​രം അ​പ​ക​ട​ങ്ങ​ളു​ടെ ഉ​ത്ത​ര​വാ​ദി​ക​ളാ​ണ്.

തൃ​പ്പൂ​ണി​ത്തു​റ​യി​ലെ സ്ഫോ​ട​നം മാ​ര​ക​ശേ​ഷി​യു​ള്ള​താ​യി​രു​ന്നു. സ​മീ​പ​ത്ത് ആ​ളു​ക​ൾ ഉ​ള്ള​പ്പോ​ഴാ​ണ് അ​തു സം​ഭ​വി​ച്ചി​രു​ന്ന​തെ​ങ്കി​ൽ വ​ൻ​ദു​ര​ന്ത​മാ​കു​മാ​യി​രു​ന്നു. ക​രി​മ​രു​ന്നു ക​ലാ​പ്ര​ക​ട​ന​ങ്ങ​ൾ നി​രോ​ധി​ക്കു​ക​യ​ല്ല നി​യ​മാ​നു​സൃ​ത​മാ​യി മാ​ത്രം അ​തു ന​ട​ത്തു​മെ​ന്ന് ഉ​റ​പ്പാ​ക്കു​ക​യാ​ണു വേ​ണ്ട​ത്.

ആ​രാ​ധ​നാ​ല​യ​ങ്ങ​ളി​ലേ​തു​ൾ​പ്പെ​ടെ​യു​ള്ള സം​ഘാ​ട​ക​രും അ​ധി​കൃ​ത​രോ​ടു പൂ​ർ​ണ​മാ​യി സ​ഹ​ക​രി​ക്ക​ണം. കാ​ര​ണം, ഇ​ത്ത​രം അ​പ​ക​ട​ങ്ങ​ളി​ൽ കൊ​ല്ല​പ്പെ​ടു​ന്ന​വ​ർ നി​യ​മ​ലം​ഘ​ക​രാ​യി​രി​ക്കി​ല്ല; നി​ര​പ​രാ​ധി​ക​ളും പ​ട​ക്കം നി​ർ​മി​ക്കു​ന്ന​വ​ർ ഉ​ൾ​പ്പെ​ടെ​യു​ള്ള പാ​വ​പ്പെ​ട്ട തൊ​ഴി​ലാ​ളി​ക​ളു​മാ​യി​രി​ക്കും.

ആ​ഘോ​ഷി​ക്കാ​നും ആ​ഹ്ലാ​ദി​ക്കാ​നും ഒ​രു​ക്കു​ന്ന വെ​ടി​ക്കെ​ട്ടു​ക​ൾ ഇ​നി​യെ​ങ്കി​ലും നി​ര​പ​രാ​ധി​ക​ളു​ടെ നെ​ഞ്ചി​ലെ തീ​യാ​യി മാ​റ​രു​ത്. പൂ​ത്തി​രി​യാ​യി വി​രി​യേ​ണ്ട​ത് ക​ണ്ണീ​ർ​മ​ഴ​യാ​യി പെ​യ്യ​രു​ത്.
Copyright @ 2022 , Rashtra Deepika Ltd.