Play Audio

മ​ണി​പ്പു​ർ ഉ​പേ​ക്ഷി​ക്ക​പ്പെ​ട്ട സം​സ്ഥാ​ന​മോ?
Thursday, February 1, 2024 12:00 AM IST
ബി​​ജെ​​പി​​യി​​ത​​ര സം​​സ്ഥാ​​ന​​ങ്ങ​​ളി​​ൽ പ​​ല​​യി​​ട​​ത്തും ഗ​​വ​​ർ​​ണ​​ർ​​മാ​​ർ ഭ​​ര​​ണ​​ത്തി​​ൽ ഇ​​ട​​പെ​​ടാ​​ൻ ശ്ര​​മി​​ക്കു​​ന്നു​​ണ്ടെ​​ങ്കി​​ലും മ​​ണി​​പ്പു​​രി​​ൽ അ​​ത്ത​​ര​​മൊ​​രു പ​​രാ​​തി​​യി​​ല്ല. അ​​വി​​ടെ​​യൊ​​രു ഗ​​വ​​ർ​​ണ​​ർ ഉ​​ണ്ടോ​​യെ​​ന്നു​​പോ​​ലും സം​​ശ​​യി​​ക്കേ​​ണ്ടി​​യി​​രി​​ക്കു​​ന്നു. രാ​​ഷ്‌​​ട്രീ​​യ എ​​തി​​രാ​​ളി​​ക​​ളെ​​യും രാ​​ജ്യ​​ദ്രോ​​ഹി​​ക​​ളെ​​ന്നു സം​​ശ​​യി​​ക്കു​​ന്ന​​വ​​രെ​​യു​​മൊ​​ക്കെ രാ​​ജ്യ​​മൊ​​ട്ടാ​​കെ റെ​​യ്ഡ് ന​​ട​​ത്തി പി​​ടി​​കൂ​​ടാ​​നെ​​ത്തു​​ന്ന കേ​​ന്ദ്ര ഏ​​ജ​​ൻ​​സി​​ക​​ളെ​​യും കാ​​ണാ​​നി​​ല്ല.

കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളു​ടെ സ​ന്പൂ​ർ​ണ നി​ഷ്ക്രി​യ​ത്വ​ത്താ​ലും ദു​രൂ​ഹ​മൗ​ന​ത്താ​ലും ഛിന്ന​ഭി​ന്ന​മാ​ക്ക​പ്പെ​ട്ട മ​ണി​പ്പു​രി​ൽ താ​ലി​ബാ​ൻ ശൈ​ലി​യി​ൽ വം​ശീ​യ സാ‍​യു​ധ​സം​ഘ​ട​ന ഭീ​ക​ര​വാ​ഴ്ച തു​ട​ങ്ങി​യി​രി​ക്കു​ന്നു. ജ​ന​ങ്ങ​ൾ തെ​ര​ഞ്ഞെ​ടു​ത്ത എം​എ​ൽ​എ​മാ​രെ​യും എം​പി​മാ​രെ​യും, ഒ​രു ഭീ​ക​ര​പ്ര​സ്ഥാ​നം ത​ങ്ങ​ളു​ടെ ല​ക്ഷ്യ​ങ്ങ​ൾ​ക്ക​നു​സ​രി​ച്ച് സ​ത്യ​പ്ര​തി​ജ്ഞ ചെ​യ്യി​ക്കു​ന്ന​തു ക​ണ്ട് രാ​ജ്യം അ​ന്പ​ര​ന്നു നി​ൽ​ക്കു​ക​യാ​ണ്. സ​ക​ല നി​യ​മ​സം​വി​ധാ​ന​ങ്ങ​ളെ​യും നോ​ക്കു​കു​ത്തി​യാ​ക്കി ഭ​ര​ണ​ഘ​ട​ന​യെ​പ്പോ​ലും വെ​ല്ലു​വി​ളി​ക്കു​ന്ന ഇ​തു​പോ​ലൊ​രു ഭീ​ക​ര​വാ​ഴ്ച ലോ​ക​ത്തെ ഏ​തെ​ങ്കി​ലു​മൊ​രു ജ​നാ​ധി​പ​ത്യ-​പ​ര​മാ​ധി​കാ​ര രാ​ജ്യ​ത്തു സാ​ധ്യ​മാ​ണോ?

ബി​ജെ​പി നേ​താ​വും മു​ഖ്യ​മ​ന്ത്രി​യു​മാ​യ എ​ൻ. ബി​രേ​ൻ​സിം​ഗി​ന്‍റെ അ​നു​വാ​ദ​ത്തോ​ടെ പ്ര​വ​ർ​ത്തി​ക്കു​ന്നു​വെ​ന്ന് ആ​രോ​പി​ക്ക​പ്പെ​ടു​ന്ന ആ​രം​ബാ​യ് തെം​ഗോ​ൽ എ​ന്ന മെ​യ്തെ​യ് സാ​യു​ധ​സം​ഘ​മാ​ണ് ത​ല​സ്ഥാ​ന​മാ​യ ഇം​ഫാ​ലി​ൽ സ​മാ​ന്ത​ര സ​ർ​ക്കാ​രെ​ന്ന മ​ട്ടി​ൽ പ്ര​വ​ർ​ത്തി​ക്കു​ന്ന​ത്. ഭീ​ഷ​ണി​പ്പെ​ടു​ത്തി വി​ളി​ച്ചു​വ​രു​ത്തി​യ എം​എ​ൽ​എ​മാ​രെ​യും എം​പി​മാ​രെ​യും ത​ങ്ങ​ളു​ടെ പ​ര​ന്പ​രാ​ഗ​ത ആ​സ്ഥാ​ന​മാ​യി വി​ശ്വ​സി​ക്ക​പ്പെ​ടു​ന്ന കാം​ഗ്‌​ള കോ​ട്ട​യി​ലെ​ത്തി​ച്ച് വം​ശീ​യ സാ​യു​ധ​സം​ഘ​ട​ന​യു​ടെ താ​ത്പ​ര്യ​ങ്ങ​ൾ സം​ര​ക്ഷി​ച്ചു​കൊ​ള്ളാ​മെ​ന്ന് അ​വ​ർ സ​ത്യ​പ്ര​തി​ജ്ഞ ചെ​യ്യി​ച്ചു.

എ​തി​ർ​പ്പു പ്ര​ക​ടി​പ്പി​ച്ച കോ​ൺ​ഗ്ര​സ് സം​സ്ഥാ​ന അ​ധ്യ​ക്ഷ​നും എം​എ​ൽ​എ​യു​മാ​യ കെ. ​മേ​ഘ​ച​ന്ദ്ര​യെ ക്രൂ​ര​മാ​യി മ​ർ​ദി​ച്ചു. എ​ന്നി​ട്ട​വ​ർ ന​ഗ​ര​ത്തി​ലൂ​ടെ തു​റ​ന്ന വാ​ഹ​ന​ങ്ങ​ളി​ൽ സാ​യു​ധ പ​രേ​ഡ് ന​ട​ത്തു​ക​യും കു​ക്കി മേ​ഖ​ല​ക​ളി​ൽ വീ​ണ്ടും ആ​ക്ര​മ​ണം ന​ട​ത്താ​നൊ​രു​ങ്ങു​ന്ന​തി​ന്‍റെ വീ​ഡി​യോ പ്ര​ച​രി​പ്പി​ക്കു​ക​യും ചെ​യ്തു. സം​സ്ഥാ​ന സ​ർ​ക്കാ​രി​ന്‍റെ അ​നു​വാ​ദ​മി​ല്ലാ​തെ ഇ​ത്ത​ര​മൊ​രു നീ​ക്കം സാ​ധ്യ​മാ​ണെ​ന്ന് ക​രു​താ​നാ​വി​ല്ല. ബി​ജെ​പി​യി​ത​ര സം​സ്ഥാ​ന​ങ്ങ​ളി​ൽ പ​ല​യി​ട​ത്തും ഗ​വ​ർ​ണ​ർ​മാ​ർ ഭ​ര​ണ​ത്തി​ൽ ഇ​ട​പെ​ടാ​ൻ ശ്ര​മി​ക്കു​ന്നു​ണ്ടെ​ങ്കി​ലും മ​ണി​പ്പു​രി​ൽ അ​ത്ത​ര​മൊ​രു പ​രാ​തി​യി​ല്ല. അ​വി​ടെ​യൊ​രു ഗ​വ​ർ​ണ​ർ ഉ​ണ്ടോ​യെ​ന്നു​പോ​ലും സം​ശ​യി​ക്കേ​ണ്ടി​യി​രി​ക്കു​ന്നു.

രാ​ഷ്‌​ട്രീ​യ എ​തി​രാ​ളി​ക​ളെ​യും രാ​ജ്യ​ദ്രോ​ഹി​ക​ളെ​ന്നു സം​ശ​യി​ക്കു​ന്ന​വ​രെ​യു​മൊ​ക്കെ രാ​ജ്യ​മൊ​ട്ടാ​കെ റെ​യ്ഡ് ന​ട​ത്തി പി​ടി​കൂ​ടാ​നെ​ത്തു​ന്ന കേ​ന്ദ്ര ഏ​ജ​ൻ​സി​ക​ളെ​യും കാ​ണാ​നി​ല്ല. ഉ​പേ​ക്ഷി​ക്ക​പ്പെ​ട്ട സം​സ്ഥാ​ന​ത്തെ​ന്ന​പോ​ലെ മ​ണി​പ്പു​ർ ജ​ന​ത ഒ​റ്റ​പ്പെ​ട്ടി​രി​ക്കു​ന്നു. 2023 മേ​യി​ൽ തു​ട​ങ്ങി​യ​താ​ണ് ഈ ​ക​ലാ​പം. മെ​യ്തെ​യ്ക​ളും കു​ക്കി​ക​ളും ത​മ്മി​ലു​ള്ള വം​ശീ​യ ശ​ത്രു​ത​യാ​ണു കാ​ര​ണ​മെ​ന്ന് ചി​ല​ർ സ്ഥാ​പി​ക്കാ​ൻ ശ്ര​മി​ച്ചെ​ങ്കി​ലും മെ​യ്തെ​യ്ക​ൾ അ​തേ വി​ഭാ​ഗ​ത്തി​ലെ ക്രി​സ്ത്യാ​നി​ക​ളെ ആ​ക്ര​മി​ക്കു​ക​യും പ​ള്ളി​ക​ൾ​ക്കു തീ​യി​ടു​ക​യും ചെ​യ്ത​തോ​ടെ ന​ഗ്ന​മാ​യ വ​ർ​ഗീ​യ​ത പു​റ​ത്തു​ചാ​ടു​ക​യാ​യി​രു​ന്നു.

ഇം​ഫാ​ൽ ആ​ർ​ച്ച്ബി​ഷ​പ് ഡൊ​മി​നി​ക് ലു​മോ​ൺ പ​റ​ഞ്ഞ​ത​നു​സ​രി​ച്ച്, ക​ലാ​പം തു​ട​ങ്ങി 36 മ​ണി​ക്കൂ​റി​നു​ള്ളി​ൽ മെ​യ്തെ​യ് വി​ഭാ​ഗ​ത്തി​ന്‍റെ ത​ന്നെ 249 പ​ള്ളി​ക​ൾ ന​ശി​പ്പി​ച്ചു. കൃ​ത്യ​മാ​യ വാ​ർ​ത്ത​ക​ൾ ഇ​പ്പോ​ഴും പു​റ​ത്തു​വ​ന്നി​ട്ടി​ല്ല. റോ​യി​ട്ടേ​ഴ്സ് റി​പ്പോ​ർ​ട്ട​നു​സ​രി​ച്ച് ക​ലാ​പം തു​ട​ങ്ങി ഒ​രാ​ഴ്ച​യ്ക്ക​കം 77 കു​ക്കി​ക​ളും 10 മെ​യ്തെ​യ്ക​ളും കൊ​ല്ല​പ്പെ​ട്ടു. ക​ഴി​ഞ്ഞ സെ​പ്റ്റം​ബ​റി​ലെ ഔ​ദ്യോ​ഗി​ക ക​ണ​ക്ക​നു​സ​രി​ച്ച് 175 പേ​ർ മ​രി​ച്ചു. ഇ​രു​വി​ഭാ​ഗ​ങ്ങ​ളി​ലു​മാ​യി 1118 പേ​ർ​ക്കു ഗു​രു​ത​ര​മാ​യി പ​രി​ക്കേ​റ്റു. 32 പേ​രെ കാ​ണാ​നി​ല്ല. 4786 വീ​ടു​ക​ൾ ന​ശി​പ്പി​ച്ചു. 386 ആ​രാ​ധ​നാ​ല​യ​ങ്ങ​ൾ ത​ക​ർ​ക്ക​പ്പെ​ട്ടു. പ​തി​നാ​യി​ര​ങ്ങ​ൾ പ​ലാ​യ​നം ചെ​യ്തു. അ​തി​നു​ശേ​ഷ​വും ആ​ക്ര​മ​ണ​ങ്ങ​ളും കൊ​ല​പാ​ത​ക​ങ്ങ​ളും തു​ട​രു​ക​യാ​ണ്.

ഒ​ന്പ​തു മാ​സ​മാ​യി മ​ണി​പ്പു​രി​ലെ ജ​ന​ങ്ങ​ൾ സ​മാ​ധാ​ന​മെ​ന്തെ​ന്ന​റി​ഞ്ഞി​ട്ടി​ല്ല. കൊ​ല​പാ​ത​കം, കൊ​ള്ളി​വ​യ്പ്, മാ​ന​ഭം​ഗം, ആ​രാ​ധ​നാ​ല​യ​ങ്ങ​ൾ ന​ശി​പ്പി​ക്ക​ൽ... കു​റ്റ​വാ​ളി​ക​ളെ ത​ട​യാ​ൻ ആ​രു​മി​ല്ല. പോ​ലീ​സി​ൽ​നി​ന്നു കൈ​ക്ക​ലാ​ക്കി​യ ആ​യു​ധ​ങ്ങ​ളു​മാ​യി അ​ക്ര​മി​സം​ഘ​ങ്ങ​ൾ നാ​ടാ​കെ ചു​റ്റി​ത്തി​രി​യു​ന്നു. സ്വ​ത​ന്ത്ര ഇ​ന്ത്യ​യു​ടെ ച​രി​ത്ര​ത്തി​ലെ ഏ​റ്റ​വും വ​ലി​യ നി​ഷ്ക്രി​യ​ത്വ​ത്തി​ലാ​ണ് കേ​ന്ദ്ര​സ​ർ​ക്കാ​ർ.

വി​ഷ​യ​ത്തി​ൽ ഇ​ട​പെ​ട്ട് അ​രാ​ജ​ക​ത്വം അ​വ​സാ​നി​പ്പി​ക്ക​ണ​മെ​ന്ന പ്ര​തി​പ​ക്ഷ​ത്തി​ന്‍റെ​യും മാ​ധ്യ​മ​ങ്ങ​ളു​ടെ​യും മ​നു​ഷ്യാ​വ​കാ​ശ-​പൊ​തു​പ്ര​വ​ർ​ത്ത​ക​രു​ടെ​യും മ​ത​സം​ഘ​ട​ന​ക​ളു​ടെ​യു​മൊ​ക്കെ അ​ഭ്യ​ർ​ഥ​ന​യോ​ട് അ​വി​ശ്വ​സ​നീ​യ​മാ​യ നി​ശ​ബ്ദ​ത​യാ​ണ് പ്ര​ധാ​ന​മ​ന്ത്രി ഈ ​നി​മി​ഷം​വ​രെ പു​ല​ർ​ത്തി​യി​ട്ടു​ള്ള​ത്. ക​ലാ​പ​ത്തി​ൽ സം​സ്ഥാ​ന സ​ർ​ക്കാ​ർ പ​ക്ഷ​പാ​ത​പ​ര​മാ​യി മെ​യ്തെ​യ്ക​ൾ​ക്കൊ​പ്പം നി​ന്നെ​ന്നും കു​ക്കി​വി​രു​ദ്ധ വി​കാ​രം സൃ​ഷ്ടി​ക്കാ​ൻ മാ​ധ്യ​മ​ങ്ങ​ൾ ശ്ര​മി​ച്ചെ​ന്നു​മു​ള്ള റി​പ്പോ​ർ​ട്ട് ന​ൽ​കി​യ​തി​ന് എ​ഡി​റ്റേ​ഴ്സ് ഗി​ൽ​ഡ് വ​സ്തു​താ​ന്വേ​ഷ​ണ​സം​ഘ​ത്തി​ലെ മൂ​ന്നു പേ​ർ​ക്കെ​തി​രേ ക​ഴി​ഞ്ഞ സെ​പ്റ്റം​ബ​റി​ൽ മ​ണി​പ്പു​ർ പോ​ലീ​സ് കേ​സെ​ടു​ത്ത​തും വി​വാ​ദ​മാ​യി​രു​ന്നു.

ബി​ജെ​പി​യി​ലെ ഏ​ഴു​പേ​ർ ഉ​ൾ​പ്പെ​ടെ 10 കു​ക്കി എം​എ​ൽ​എ​മാ​ർ ക​ഴി​ഞ്ഞ ദി​വ​സം പ്ര​ധാ​ന​മ​ന്ത്രി​യോ​ട് ഇ​ട​പെ​ട​ണ​മെ​ന്നു വീ​ണ്ടും അ​ഭ്യ​ർ​ഥി​ച്ചു. മ​ണി​പ്പു​രി​ൽ താ​ലി​ബാ​ൻ രീ​തി​യി​ലു​ള്ള ഭ​ര​ണ​മാ​ണു ന​ട​ക്കു​ന്ന​തെ​ന്നും മെ​യ്തെ​യ് സാ​യു​ധ​സം​ഘ​ങ്ങ​ൾ ആ​യു​ധ​ങ്ങ​ളു​മാ​യി ഇം​ഫാ​ലി​ൽ റോ​ന്തു ചു​റ്റു​ക​യാ​ണെ​ന്നും കു​ക്കി​ക​ൾ​ക്കു പ്ര​ത്യേ​ക ഭ​ര​ണ​പ്ര​ദേ​ശം അ​നു​വ​ദി​ക്ക​ണ​മെ​ന്നും ഇം​ഫാ​ലി​ൽ പ്ര​ത്യേ​ക സൈ​നി​കാ​ധി​കാ​ര നി​യ​മം വീ​ണ്ടും ന​ട​പ്പാ​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു.

മ​ണി​പ്പു​ർ ര​ണ്ടാ​യി വി​ഭ​ജി​ക്ക​പ്പെ​ട്ടു​ക​ഴി​ഞ്ഞു. ഇ​രു​വി​ഭാ​ഗ​ത്തി​നു​മി​ട​യി​ലു​ള്ള ബ​ഫ​ർ സോ​ണി​ൽ പോ​ലും സം​ഘ​ർ​ഷം തു​ട​രു​ക​യാ​ണ്. സ​ർ​ക്കാ​രു​ക​ളു​ടെ സ​ന്പൂ​ർ​ണ പ​രാ​ജ​യ​മാ​ണ് മ​ണി​പ്പു​രെ​ന്ന് ആ​ക്ഷേ​പം ഉ​യ​രു​ന്പോ​ഴും അ​വ​സാ​നി​പ്പി​ക്കാ​ത്ത നി​ഷ്ക്രി​യ​ത മ​റ്റെ​ന്തെ​ങ്കി​ലും ല​ക്ഷ്യ​ത്തി​ലേ​ക്കു​ള്ള രാ​ഷ്‌​ട്രീ​യ മാ​ർ​ഗ​മാ​ണോ? മ​ണി​പ്പു​രി​ന്‍റെ തു​ച്ഛ​മാ​യ വോ​ട്ട് ഉ​പേ​ക്ഷി​ച്ച് മൊ​ത്തം വോ​ട്ടി​ൽ വ​ർ​ധ​ന​യു​ണ്ടാ​ക്കാ​മെ​ന്ന ല​ക്ഷ്യ​ത്തി​ലാ​ണ് കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളു​ടെ കു​റ്റ​ക​ര​മാ​യ നി​ഷ്ക്രി​യ​ത്വ​മെ​ന്നു വ്യാ​ഖ്യാ​നി​ക്ക​പ്പെ​ടു​ക​യി​ല്ലേ? ത​ല​മു​റ​ക​ൾ ചോ​ദ്യം​ചെ​യ്യാ​നി​ട​യു​ള്ള ക​ന​ത്ത നി​ശ​ബ്ദ​ത അ​വ​സാ​നി​പ്പി​ക്കാ​ൻ ഇ​നി​യും വൈ​ക​രു​ത്.
Copyright @ 2022 , Rashtra Deepika Ltd.