Play Audio

ചൈ​നാ ബ​ന്ധം ന​ഷ്ട​മെ​ന്ന് മാ​ല​ദ്വീ​പി​നെ ബോ​ധ്യ​പ്പെ​ടു​ത്ത​ണം
കോ​​​​വി​​​​ഡി​​​​ന്‍റെ​​​​യും പ്ര​​​​കൃ​​​​തിദു​​​​ര​​​​ന്ത​​​​ങ്ങ​​​​ളു​​​​ടെ​​​​യും ക്ഷാ​​​​മ​​​​ത്തി​​​​ന്‍റെ​​​​യും കാ​​​​ല​​​​ത്ത് നി​​​​ർ​​​​ലോ​​​​പം സ​​​​ഹാ​​​​യ​​​​ങ്ങ​​​​ളെ​​​​ത്തി​​​​ക്കു​​​​ക​​​​യും സൈ​​​​നി​​​​ക​​​​സ​​​​ഹാ​​​​യ​​​​വും പ​​​​രി​​​​ശീ​​​​ല​​​​ന​​​​വും ന​​​​ൽ​​​​കു​​​ക​​​യും ചെ​​​യ്ത ഇ​​​​ന്ത്യ​​​​യോ​​​​ട് മാ​​​​ന്യ​​​​ത​​​​യു​​​​ടെ സ​​​​ക​​​​ല സീ​​​​മ​​​​ക​​​​ളും ലം​​​​ഘി​​​​ച്ചു ന​​​​ട​​​​ത്തി​​​​യ പ്ര​​​​തി​​​​ക​​​​ര​​​​ണം ന​​​​ന്ദി​​​​കേ​​​​ടി​​​​ന്‍റേ​​​​തു​​​​കൂ​​​​ടി​​​​യാ​​​​യി മാ​​​​റി

ഇ​ന്ത്യ​യു​ടെ ഭാ​ഗ​മാ​യ ല​ക്ഷ​ദ്വീ​പി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി സ​ന്ദ​ർ​ശ​നം ന​ട​ത്തി​യ​തോ​ടെ പൊ​ട്ടി​പ്പു​റ​പ്പെ​ട്ട അ​സ്വ​സ്ഥ​ത​ക​ൾ ഇ​ന്ത‍്യ​യും മാ​ല​ദ്വീ​പും ത​മ്മി​ലു​ള്ള ബ​ന്ധ​ത്തെ സാ​ര​മാ​യി ബാ​ധി​ച്ചി​രി​ക്കു​ന്നു. പ​ര​ന്പ​രാ​ഗ​ത​മാ​യി ഇ​ന്ത്യ​യോ​ടു ചേ​ർ​ന്നു​നി​ന്നി​രു​ന്ന മാ​ല​ദ്വീ​പി​ൽ ഭ​ര​ണ​ത്തി​ലു​ള്ള​ത് ഇ​ന്ത്യാ​വി​രു​ദ്ധ​നെ​ന്നു പ​റ​യാ​വു​ന്ന പ്ര​സി​ഡ​ന്‍റ് മു​ഹ​മ്മ​ദ് മു​യി​സു​വാ​ണെ​ന്ന​തും പ്ര​തി​കൂ​ല ഘ​ട​ക​മാ​യി.

ദ​ക്ഷി​ണേ​ഷ്യ​യി​ൽ ഇ​ന്ത്യ​യു​ടെ സ്വാ​ധീ​നം ഇ​ല്ലാ​താ​ക്കാ​നു​ള്ള ചൈ​ന​യു​ടെ ക്ഷ​മ​യോ​ടെ​യു​ള്ള ഗൃ​ഹ​പാ​ഠ​ങ്ങ​ൾ ഫ​ലം ക​ണ്ടു തു​ട​ങ്ങി​യോ​യെ​ന്നും ചി​ന്തി​ക്ക​ണം. മാ​ല​ദ്വീ​പി​ലെ ടൂ​റി​സ​ത്തി​ന്‍റെ പേ​രി​ലോ മു​യി​സു​വി​ന്‍റെ ഇ​ന്ത്യാ​വി​രു​ദ്ധ​ത​യു​ടെ പേ​രി​ലോ ചൈ​ന​യു​ടെ കു​ത്തി​ത്തി​രി​പ്പി​ന്‍റെ പേ​രി​ലോ ന​മു​ക്ക് ഉ​പേ​ക്ഷി​ക്കാ​വു​ന്ന ബ​ന്ധ​മ​ല്ല മാ​ല​ദ്വീ​പു​മാ​യു​ള്ള​ത്. മേ​ഖ​ല​യി​ൽ ചൈ​ന​യു​ടെ അ​പ്ര​മാ​ദി​ത്വം വ​ർ​ധി​ക്കു​ന്ന​ത് ഇ​ന്ത്യ​യു​ടെ പ്ര​തി​രോ​ധ​ശ​ക്തി​യെ​യും സാ​ധ്യ​ത​ക​ളെ​യും ബാ​ധി​ക്കു​മെ​ന്നു തി​രി​ച്ച​റി​ഞ്ഞു​ള്ള ന​യ​ത​ന്ത്ര​നീ​ക്ക​ങ്ങ​ൾ​ക്ക് ഒ​ട്ടും അ​ല​സ​ത പാ​ടി​ല്ല.

ജ​നു​വ​രി ര​ണ്ട്, മൂ​ന്ന് തീ​യ​തി​ക​ളി​ലാ​ണ് മോ​ദി ല​ക്ഷ​ദ്വീ​പ് സ​ന്ദ​ർ​ശി​ച്ച​ത്. ല​ക്ഷ​ദ്വീ​പി​ലെ ജ​ന​ങ്ങ​ൾ ന​ൽ​കി​യ ഊ​ഷ്മ​ള​മാ​യ സ്വീ​ക​ര​ണ​ത്തെ​ക്കു​റി​ച്ചും ദ്വീ​പു​ക​ളു​ടെ അ​തി​ശ​യ​ക​ര​മാ​യ സൗ​ന്ദ​ര്യ​ത്തെ​ക്കു​റി​ച്ചും അ​ഗ​ത്തി, ബം​ഗാ​രം, ക​വ​ര​ത്തി ദ്വീ​പു​ക​ളി​ലെ ആ​ളു​ക​ളു​മാ​യി സം​വ​ദി​ച്ച​തി​നെ​ക്കു​റി​ച്ചും അ​ദ്ദേ​ഹം എ​ക്സി​ൽ കു​റി​പ്പി​ട്ടു. അ​തോ​ടെ ല​ക്ഷ​ദ്വീ​പി​നെ​ക്കു​റി​ച്ചു​ള്ള ടൂ​റി​സ്റ്റു​ക​ളു​ടെ ഗൂ​ഗി​ളി​ലെ തെ​ര​ച്ചി​ൽ സ്വാ​ഭാ​വി​ക​മാ​യും വ​ർ​ധി​ച്ചു.

ഇ​ത് ഇ​ന്ത്യ​യി​ൽ​നി​ന്ന് ഏ​റ്റ​വും കൂ​ടു​ത​ൽ ടൂ​റി​സ്റ്റു​ക​ളെ​ത്തു​ന്ന മാ​ല​ദ്വീ​പി​നെ ചൊ​ടി​പ്പി​ച്ചു. അ​വ​രു​ടെ പ്ര​ധാ​ന വ​രു​മാ​നം ടൂ​റി​സ​മാ​ണ്. മോ​ദി​ക്കെ​തി​രേ മാ​ല​ദ്വീ​പി​ലെ മൂ​ന്നു മ​ന്ത്രി​മാ​ർ പ​രി​ഹ​സി​ച്ചു​കൊ​ണ്ട് സ​മൂ​ഹ​മാ​ധ്യ​മ​ങ്ങ​ളി​ൽ പ്ര​തി​ക​രി​ച്ച​തോ​ടെ ക​ളി കാ​ര്യ​മാ​യി. ഇ​തി​നോ​ട് ഹോ​ളി​വു​ഡി​ലെ പ്ര​മു​ഖ​രും ട്രാ​വ​ൽ ഏ​ജ​ൻ​സി​ക​ളും ഉ​ൾ​പ്പെ​ടെ ന​ട​ത്തി​യ ശ​ക്ത​മാ​യ പ്ര​തി​ക​ര​ണം മാ​ല​ദ്വീ​പി​നു തി​രി​ച്ച​ടി​യാ​യി. മോ​ദി​ക്കെ​തി​രേ പ്ര​തി​ക​രി​ച്ച മൂ​ന്നു മ​ന്ത്രി​മാ​രെ അ​വ​ർ​ക്കു പു​റ​ത്താ​ക്കേ​ണ്ടി​വ​ന്നു.

ഇ​ന്ത്യ​യു​മാ​യു​ള്ള ബ​ന്ധം ദൃ​ഢ​മാ​ണെ​ന്നൊ​ക്കെ മാ​ലി സ​ർ​ക്കാ​ർ പ​റ​ഞ്ഞെ​ങ്കി​ലും പി​ന്നീ​ടു​ണ്ടാ​യ നീ​ക്ക​ങ്ങ​ൾ മ​റ്റൊ​രു വി​ധ​ത്തി​ലാ​യി. ചൈ​ന​യി​ൽ സ​ന്ദ​ർ​ശ​ന​ത്തി​നു പോ​യ മു​യി​സു തി​രി​ച്ചെ​ത്തി ന​ട​ത്തി​യ പ്ര​സ്താ​വ​ന​ക​ൾ എ​ന്തൊ​ക്കെ​യോ ചി​ന്തി​ച്ചു​റ​പ്പി​ച്ച മ​ട്ടി​ലാ​യി​രു​ന്നു. ഇ​ന്ത്യ​ൻ സൈ​ന്യ​ത്തെ മാ​ല​ദ്വീ​പി​ൽ​നി​ന്നു പി​ൻ​വ​ലി​ക്ക​ണം എ​ന്ന​താ​യി​രു​ന്നു ആ​വ​ശ്യ​ങ്ങ​ളി​ൽ പ്ര​ധാ​നം.

കോ​വി​ഡി​ന്‍റെ​യും പ്ര​കൃ​തി​ദു​ര​ന്ത​ങ്ങ​ളു​ടെ​യും ക്ഷാ​മ​ത്തി​ന്‍റെ​യും കാ​ല​ത്ത് നി​ർ​ലോ​പം സ​ഹാ​യ​ങ്ങ​ളെ​ത്തി​ക്കു​ക​യും സൈ​നി​ക​സ​ഹാ​യ​വും പ​രി​ശീ​ല​ന​വും ന​ൽ​കു​ക​യും ചെ​യ്ത ഇ​ന്ത്യ​യോ​ട് മാ​ന്യ​ത​യു​ടെ സ​ക​ല സീ​മ​ക​ളും ലം​ഘി​ച്ചു ന​ട​ത്തി​യ പ്ര​തി​ക​ര​ണം ന​ന്ദി​കേ​ടി​ന്‍റേ​തു​കൂ​ടി​യാ​യി മാ​റി.

“ഞ​ങ്ങ​ൾ ചെ​റി​യ രാ​ജ്യ​മാ​യി​രി​ക്കാം, പ​ക്ഷേ അ​ത് ഞ​ങ്ങ​ളെ ഭീ​ഷ​ണി​പ്പെ​ടു​ത്താ​നു​ള്ള ലൈ​സ​ൻ​സ് നി​ങ്ങ​ൾ​ക്ക് ന​ൽ​കു​ന്നി​ല്ല. സ്വ​ത​ന്ത്ര പ​ര​മാ​ധി​കാ​ര രാ​ഷ്‌​ട്ര​മാ​യ ഞ​ങ്ങ​ൾ ആ​രു​ടെ​യും വീ​ട്ടു​മു​റ്റ​ത്ത​ല്ല ക​ഴി​യു​ന്ന​ത്”- മു​യി​സു പ്ര​സ്താ​വി​ച്ചു. ഭ​ക്ഷ്യ​വ​സ്തു​ക്ക​ളു​ടെ​യും മ​രു​ന്നു​ക​ളു​ടെ​യും ഉ​പ​ഭോ​ഗ​വ​സ്തു​ക്ക​ളു​ടെ​യും ഇ​റ​ക്കു​മ​തി​യി​ൽ ഉ​ൾ​പ്പെ​ടെ, ഇ​ന്ത്യ​യെ ആ​ശ്ര​യി​ക്കു​ന്ന​ത് കു​റ​യ്ക്കു​ന്ന​തി​നു​ള്ള പ​ദ്ധ​തി​ക​ളും മു​യി​സു പ്ര​ഖ്യാ​പി​ച്ചു. മു​ൻ സ​ർ​ക്കാ​ർ ഒ​പ്പു​വ​ച്ച നൂ​റി​ല​ധി​കം ഉ​ഭ​യ​ക​ക്ഷി ക​രാ​റു​ക​ൾ വി​ശ​ദ​മാ​യി അ​വ​ലോ​ക​നം ചെ​യ്യു​മെ​ന്നാ​ണു മു​ന്ന​റി​യി​പ്പ്.

പ​ര​സ്യ​മാ​യ ഇ​ന്ത്യാ​വി​രു​ദ്ധ​ത പ​റ​ഞ്ഞ് തെ​ര​ഞ്ഞെ​ടു​പ്പി​നെ നേ​രി​ട്ട ചൈ​നീ​സ് പ​ക്ഷ​പാ​തി​യാ​യ മു​ഹ​മ്മ​ദ് മു​യി​സു​വി​ന്‍റെ നി​ല​പാ​ടു​ക​ളി​ൽ അ​ദ്ഭു​ത​മി​ല്ലെ​ങ്കി​ലും പെ​ട്ടെ​ന്നു​ണ്ടാ​യ പ്ര​തി​ക​ര​ണം ചൈ​ന​യു​ടെ പി​ൻ​ബ​ല​ത്തി​ലാ​ണ്. ഇ​ന്ത്യ​ൻ മ​ഹാ​സ​മു​ദ്ര​ത്തി​ലെ ത​ന്ത്ര​പ്ര​ധാ​ന​മാ​യ സ്ഥ​ല​ത്ത് ചൈ​ന സ്വാ​ധീ​നം വ​ർ​ധി​പ്പി​ക്കു​ന്ന​ത് ഇ​ന്ത്യ​യെ സം​ബ​ന്ധി​ച്ചി​ട​ത്തോ​ളം ആ​പ​ത്ക​ര​വു​മാ​ണ്.

അ​തു തി​രി​ച്ച​റി​ഞ്ഞാ​ണ് മു​ൻ​കാ​ല സ​ർ​ക്കാ​രു​ക​ൾ മാ​ല​ദ്വീ​പി​നെ പ്ര​കോ​പി​പ്പി​ക്കാ​തെ നി​ർ​ലോ​പം സ​ഹാ​യി​ച്ചി​രു​ന്ന​തെ​ന്നും തി​രി​ച്ച​റി​യ​ണം. ദ​ക്ഷി​ണേ​ഷ്യ​യി​ൽ അ​മേ​രി​ക്ക​യു​ടെ സ്വാ​ധീ​നം കു​റ​യു​ക​യും ചൈ​ന ത​ന്ത്ര​പ​ര​മാ​യ നി​ല​പാ​ടു​ക​ളി​ലൂ​ടെ ചെ​റി​യ രാ​ജ്യ​ങ്ങ​ളെ വ​രു​തി​യി​ലാ​ക്കാ​ൻ ശ്ര​മി​ക്കു​ക​യു​മാ​ണ്. പാ​ക്കി​സ്ഥാ​നെ​യും അ​ഫ്ഗാ​നി​സ്ഥാ​നെ​യും ഇ​ന്ത്യ​ക്ക് പ​രി​ധി​ക്ക​പ്പു​റം ഒ​പ്പം നി​ർ​ത്താ​നാ​വി​ല്ല.

അ​തു​കൊ​ണ്ടു​ത​ന്നെ ബം​ഗ്ലാ​ദേ​ശ്, നേ​പ്പാ​ൾ, ഭൂ​ട്ടാ​ൻ, ശ്രീ​ല​ങ്ക, മ്യാ​ൻ​മ​ർ, മാ​ല​ദ്വീ​പ് തു​ട​ങ്ങി​യ രാ​ജ്യ​ങ്ങ​ളു​മാ​യി സു​ദൃ​ഢ​മാ​യ ബ​ന്ധം നി​ല​നി​ർ​ത്തേ​ണ്ട​തു​ണ്ട്. എ​ത്ര ചെ​റി​യ രാ​ജ്യ​മാ​യാ​ലും ഒ​ന്നു പോ​യാ​ൽ പോ​ക​ട്ടെ​യെ​ന്നു ക​രു​താ​നാ​വി​ല്ല.

അ​യ​ൽ​രാ​ജ്യ​ങ്ങ​ൾ ത​മ്മി​ൽ ത​ർ​ക്ക​ങ്ങ​ളു​ണ്ടാ​കു​ന്ന​ത് പു​തി​യ കാ​ര്യ​മ​ല്ല. അ​തു പ​രി​ഹ​രി​ക്കാ​ൻ കെ​ൽ​പ്പു​ള്ള കൂ​ടു​ത​ൽ ന​യ​ത​ന്ത്ര ഉ​ദ്യോ​ഗ​സ്ഥ​രെ നി​യോ​ഗി​ക്കു​ക​യും പു​തി​യ ത​ന്ത്ര​ങ്ങ​ൾ ക​ണ്ടെ​ത്തു​ക​യും വേ​ണം. അ​തു​പോ​ലെ പ്ര​ധാ​ന​മാ​ണ് മ​റ്റു രാ​ജ്യ​ങ്ങ​ളി​ലെ ഭ​ര​ണ​ക​ർ​ത്താ​ക്ക​ളു​മാ​യി എ​ന്ന​തു​പോ​ലെ പ്ര​തി​പ​ക്ഷ​വു​മാ​യും ന​ല്ല ബ​ന്ധ​മു​ണ്ടാ​ക്കു​ക എ​ന്ന​ത്.

പ്ര​ശ്നം അ​യ​ല​ത്താ​ണെ​ങ്കി​ലും അ​ക​ലെ​യു​ള്ള സു​ഹൃ​ത്‌​രാ​ഷ്‌​ട്ര​ങ്ങ​ളെ​യും മാ​ല​ദ്വീ​പി​നു​മേ​ൽ സ​മ്മ​ർ​ദം ചെ​ലു​ത്തു​ന്ന​തി​ൽ ഇ​ന്ത്യ​ക്ക് ഉ​പ​യോ​ഗി​ക്കാം. ചൈ​ന​യു​മാ​യു​ള്ള കൂ​ട്ടു​കെ​ട്ട് മാ​ല​ദ്വീ​പി​നു ലാ​ഭ​ത്തേ​ക്കാ​ൾ ന​ഷ്ട​മാ​ണു​ണ്ടാ​ക്കു​ക​യെ​ന്നു ബോ​ധ്യ​പ്പെ​ടു​ത്താ​ൻ ക​ഴി​യ​ണം. വ്യാ​പാ​ര​ബ​ന്ധ​ങ്ങ​ളെ മാ​ത്ര​മ​ല്ല, രാ​ജ്യ​ത്തി​ന്‍റെ സു​ര​ക്ഷ​യെ​യും ബാ​ധി​ക്കു​ന്ന കാ​ര്യ​ത്തി​ൽ ഇ​ന്ത്യ ഉ​ചി​ത​മാ​യ നീ​ക്ക​ങ്ങ​ൾ ന​ട​ത്തു​മെ​ന്നു ക​രു​താം.
Copyright @ 2022 , Rashtra Deepika Ltd.