Play Audio

ആ​ശാ​ൻ: മു​ങ്ങി​മ​റ​യാ​ത്തൊ​രു കാ​വ്യ​ന​ക്ഷ​ത്രം
ലോ​​ക​​ത്തെ​​വി​​ടെ​​യു​​മു​​ള്ള മ​​നു​​ഷ്യ​​ന്‍റെ അ​​സ്വ​​സ്ഥ​​ത​​ക​​ളെ​​യും സം​​ശ​​യ​​ങ്ങ​​ളെ​​യും ധ​​ർ​​മവി​​ചാ​​ര​​ങ്ങ​​ളെ​​യും സ്വാ​​ധീ​​നി​​ക്കു​​ന്ന ത​​ത്വ​​ചി​​ന്ത​​ക​​ളാ​​ൽ സ​​ന്പ​​ന്ന​​മാ​​ണ് കുമാരനാശാന്‍റെ കാ​​വ്യ​​ങ്ങ​​ളോ​​രോ​​ന്നും. "ക​​രു​​ണ' അ​​വ​​സാ​​ന​​ത്തേ​​തും ഒ​​രു​​പ​​ക്ഷേ, ഏ​​റ്റ​​വും ജ​​ന​​പ്രീ​​തി​​യാ​​ർ​​ജി​​ച്ച​​തു​​മാ​​ണ്.

മ​ഹാ​ക​വി കു​മാ​ര​നാ​ശാ​ന്‍റെ കൃ​തി​ക​ൾ വാ​യി​ച്ച് അ​നി​ർ​വ​ച​നീ​യ​മാ​യ ചി​ന്ത​യു​ടെ​യും കാ​വ്യാ​ന​ന്ദ​ത്തി​ന്‍റെ​യും ലോ​ക​ത്തേ​ക്ക് ഉ​യ​ർ​ത്ത​പ്പെ​ട്ട എ​ത്ര​യെ​ത്ര മ​നു​ഷ്യ​ർ വീ​ണ്ടും വീ​ണ്ടു​മോ​ർ​ത്തി​ട്ടു​ണ്ടാ​കും, റെ​ഡീ​മ​ർ എ​ന്ന ബോ​ട്ട് അ​ന്നു പു​റ​പ്പെ​ടാ​തി​രു​ന്നെ​ങ്കി​ലെ​ന്ന്; ആ​ശാ​ന്‍റെ യാ​ത്ര മു​ട​ങ്ങി​യി​രു​ന്നെ​ങ്കി​ലെ​ന്ന്.

ബോ​ട്ട​പ​ക​ട​ത്തി​ലൂ​ടെ അ​കാ​ല​ത്തി​ൽ പൊ​ലി​ഞ്ഞി​ല്ലാ​യി​രു​ന്നെ​ങ്കി​ൽ മ​ഹാ​ക​വി എ​ഴു​തി​യേ​ക്കാ​മാ​യി​രു​ന്നെ​ന്നു വാ​യ​ന​ക്കാ​ര​ൻ ഉ​റ​പ്പി​ക്കു​ന്ന ക​വി​താ​വി​സ്മ​യ​ങ്ങ​ളോ​ർ​ത്താ​ണ് ആ ​സ്വ​പ്ന​ങ്ങ​ൾ. പ​ക്ഷേ, അ​ട​ക്കാ​നാ​വാ​ത്ത ന​ഷ്ട​ബോ​ധ​ത്തി​ന്‍റെ പ്ര​രോ​ദ​ന​ങ്ങ​ൾ പ്രാ​പ്യ​മാ​യ​ത​ല്ല​ല്ലോ.

“അ​ന്ത​മി​ല്ലാ​ത്തൊ​രാ​ഴ​ത്തി​ലേ​യ്ക്കി​താ,ഹ​ന്ത താ​ഴു​ന്നു, താ​ഴു​ന്നു ഞാ​ന​ഹോ’’​എ​ന്നു "ദു​ര​വ​സ്ഥ'​യി​ലെ​ഴു​തി​യ മ​ഹാ​ക​വി പ​ല്ല​ന​യാ​റി​ന്‍റെ ആ​ഴ​ക്ക​യ​ങ്ങ​ളി​ലേ​ക്കു താ​ഴ്ന്നു പോ​യി​ട്ട് ഇ​ന്നു 100 വ​ർ​ഷം. ഓ​ർ​മ​ക​ളു​ടെ തീ​ര​ത്തി​രു​ന്നൊ​രു അ​ശ്രു​പൂ​ജ​യ​ല്ലാ​തെ ന​മു​ക്കെ​ന്തു സാ​ധ്യം?
1924 ജ​നു​വ​രി 16നു ​രാ​ത്രി​യി​ലാ​ണ് കു​മാ​ര​നാ​ശാ​ൻ മ​ര​ണ​ത്തി​ലേ​ക്കു ബോ​ട്ടു​ക​യ​റി​യ​ത്. കൊ​ല്ല​ത്തു​നി​ന്ന് ആ​ല​പ്പു​ഴ​യ്ക്കു പു​റ​പ്പെ​ട്ട റെ​ഡീ​മ​ർ എ​ന്ന ബോ​ട്ടി​ൽ കൊ​ല്ല​ത്തു​നി​ന്നാ​ണു ക​യ​റി​യ​ത്.

അ​നു​വ​ദ​നീ​യ​മാ​യ​തി​ലും ഇ​ര​ട്ടി​യി​ലേ​റെ ആ​ളു​ക​ളെ ക​യ​റ്റി​യാ​ണ് ബോ​ട്ട് പു​റ​പ്പെ​ട്ട​തെ​ന്ന് അ​ന്ന​ത്തെ പ​ത്ര​വാ​ർ​ത്ത​ക​ൾ സൂ​ചി​പ്പി​ക്കു​ന്നു. ആ​ളു​ക​ൾ കൂ​ടു​ത​ലു​ള്ള​തി​നാ​ൽ അ​ഷ്ട​മു​ടി​ക്കാ​യ​ൽ ക​ട​ക്കു​ന്ന​ത് ബോ​ട്ട് ജീ​വ​ന​ക്കാ​ർ​ക്കും ഭ​യ​മാ​യി​രു​ന്നു. അ​തി​നാ​ൽ പ​തി​വി​ലും സാ​വ​ധാ​ന​ത്തി​ലാ​ണ് അ​വ​ർ ബോ​ട്ടോ​ടി​ച്ച​ത്. ത​ണു​ത്ത കാ​റ്റു​ണ്ടാ​യി​രു​ന്ന​തി​നാ​ൽ ആ​ശാ​ൻ ഷ​ർ​ട്ടി​നു പു​റ​മേ കോ​ട്ടു ധ​രി​ച്ച് ക​ന്പി​ളി​യും പു​ത​ച്ചി​രു​ന്നു.

സ​ഹ​യാ​ത്രി​ക​രോ​ടു സം​സാ​രി​ച്ചും ക​വി​ത ചൊ​ല്ലി​യും അ​ർ​ധ​രാ​ത്രി​യോ​ളം അ​ദ്ദേ​ഹം ഉ​ണ​ർ​ന്നി​രു​ന്നു. അ​പ​ക​ട​സാ​ധ്യ​ത​യു​ള്ള കാ​യ​ൽ ക​ട​ന്ന​തോ​ടെ ബോ​ട്ടു​ജീ​വ​ന​ക്കാ​രും യാ​ത്ര​ക്കാ​രും ആ​ശ്വ​സി​ച്ചു. മി​ക്ക​വ​രും ഉ​റ​ക്ക​ത്തി​ലാ​യി. പ​ക്ഷേ, കാ​യ​ൽ പി​ന്നി​ട്ട് തൃ​ക്കു​ന്നു​പ്പു​ഴ​യ്ക്കും തോ​ട്ട​പ്പ​ള്ളി​ക്കും മ​ധ്യേ​യു​ള്ള പ​ല്ല​ന​യാ​റ്റി​ലെ​ത്തി​യ​പ്പോ​ൾ ബോ​ട്ടു​ല​ഞ്ഞു. അ​തോ​ടെ ഉ​ണ​ർ​ന്ന​വ​ർ കൂ​ട്ട​നി​ല​വി​ളി​യാ​യി. പി​ന്നെ​യ​തു കേ​ൾ​ക്കാ​നാ​വാ​ത്ത​വി​ധം ബോ​ട്ട് ആ​ഴ​ത്തി​ലേ​ക്കു മു​ങ്ങി.

സ​മ​യം പു​ല​ർ​ച്ചെ മൂ​ന്നാ​യ​തി​നാ​ലും വി​ജ​ന​മാ​യ സ്ഥ​ല​മാ​യ​തി​നാ​ലും അ​പ​ക​ടം പു​റം​ലോ​ക​മ​റി​യാ​ൻ വൈ​കി. 145 യാ​ത്ര​ക്കാ​രു​ണ്ടാ​യി​രു​ന്നു. 24 പേ​ർ മ​രി​ച്ചെ​ന്നാ​ണ് അ​ന്വേ​ഷ​ണ ക​മ്മീ​ഷ​ൻ റി​പ്പോ​ർ​ട്ടി​ൽ പ​റ​യു​ന്ന​ത്. പി​റ്റേ​ന്നാ​ണ് കു​മാ​ര​നാ​ശാ​ന്‍റെ മൃ​ത​ദേ​ഹം കി​ട്ടി​യ​ത്. പ​ല്ല​ന​യാ​റി​ന്‍റെ തീ​ര​ത്ത് മ​ഹാ​ക​വി​യെ സം​സ്ക​രി​ച്ച ഇ​ടം കു​മാ​ര​കോ​ടി എ​ന്ന് അ​റി​യ​പ്പെ​ടു​ന്നു.

ദൈ​ർ​ഘ്യ​ത്തി​ന്‍റെ അ​ള​വു​കോ​ൽ വ​ച്ച് മ​ഹാ​കാ​വ്യ​ങ്ങ​ളൊ​ന്നും എ​ഴു​താ​ത്ത കു​മാ​ര​നാ​ശാ​ൻ എ​ന്തു​കൊ​ണ്ടാ​ണ് മ​ഹാ​ക​വി​യെ​ന്നു വി​ളി​ക്ക​പ്പെ​ടു​ന്ന​ത് എ​ന്ന​റി​യാ​ൻ അ​ദ്ദേ​ഹ​ത്തി​ന്‍റെ ക​വി​ത​ക​ൾ വാ​യി​ച്ചാ​ൽ മ​തി. വീ​ണ​പൂ​വ്, ന​ളി​നി, ലീ​ല, ച​ണ്ഡാ​ല​ഭി​ക്ഷു​കി, ദു​ര​വ​സ്ഥ, പ്ര​രോ​ദ​നം, ക​രു​ണ തു​ട​ങ്ങി​യു​ള്ള കൃ​തി​ക​ൾ വി​ശ്വ​സാ​ഹി​ത്യ​ത്തി​ലെ ത​ന്നെ ഏ​തു ക​വി​ത​ക​ൾ​ക്കും ഒ​പ്പം നി​ൽ​ക്കാ​വു​ന്ന​താ​ണ്.

ദു​ര​വ​സ്ഥ​യാ​ണ് അ​ദ്ദേ​ഹ​മെ​ഴു​തി​യ കാ​വ്യ​ങ്ങ​ളി​ൽ ഏ​റ്റ​വും ദീ​ർ​ഘ​മാ​യ​ത്. ലോ​ക​ത്തെ​വി​ടെ​യു​മു​ള്ള മ​നു​ഷ്യ​ന്‍റെ അ​സ്വ​സ്ഥ​ത​ക​ളെ​യും സം​ശ​യ​ങ്ങ​ളെ​യും ധ​ർ​മ​വി​ചാ​ര​ങ്ങ​ളെ​യും സ്വാ​ധീ​നി​ക്കു​ന്ന ത​ത്വ​ചി​ന്ത​ക​ളാ​ൽ സ​ന്പ​ന്ന​മാ​ണ് കാ​വ്യ​ങ്ങ​ളോ​രോ​ന്നും. "ക​രു​ണ' അ​വ​സാ​ന​ത്തേ​തും ഒ​രു​പ​ക്ഷേ, ഏ​റ്റ​വും ജ​ന​പ്രീ​തി​യാ​ർ​ജി​ച്ച​തു​മാ​ണ്. വാ​സ​വ​ദ​ത്ത എ​ന്ന അ​ഭി​സാ​രി​ക​യു​ടെ ജീ​വി​ത​ത്തെ​യും ദാ​രു​ണാ​ന്ത്യ​ത്തെ​യും അ​തു ചി​ത്രീ​ക​രി​ച്ചു.

പ​ണ​ത്തി​നു​വേ​ണ്ടി മാ​ത്രം ആ​രെ​യും സ്വീ​ക​രി​ച്ചി​രു​ന്ന അ​വ​ൾ​ക്ക് ഉ​പ​ഗു​പ്ത​നെ​ന്ന ബു​ദ്ധ​സ​ന്യാ​സി​യോ​ടു തോ​ന്നു​ന്ന പ്ര​ണ​യ​വും അ​വ​ളു​ടെ ക്ഷ​ണം സ്വീ​ക​രി​ക്കാ​തെ ക​ട​ന്നു​പോ​കു​ന്ന അ​ദ്ദേ​ഹം അ​വ​ളു​ടെ അ​ന്ത്യ​സ​മ​യ​ത്ത് ചു​ടു​കാ​ട്ടി​ലെ​ത്തു​ന്ന​തു​മാ​ണ് പ്ര​മേ​യം. കു​റ്റ​ത്തി​നു​ള്ള ശി​ക്ഷ​യാ​യി അം​ഗഛേ​ദം ചെ​യ്യ​പ്പെ​ട്ടു ചു​ടു​കാ​ട്ടി​ലു​പേ​ക്ഷി​ക്ക​പ്പെ​ട്ട അ​വ​ൾ​ക്ക​ടു​ത്തു​ള്ള ഉ​പ​ഗു​പ്ത​ന്‍റെ സാ​ന്നി​ധ്യ​വും സം​ഭാ​ഷ​ണ​വും കാ​ല​ത്തെ അ​തി​ജീ​വി​ക്കു​ന്ന​താ​ണ്.

ഇ​ന്നും ക​രു​ണ വാ​യി​ക്കു​ന്ന​വ​ർ ജീ​വി​ത​ത്തെ​യും മ​ര​ണ​ത്തെ​യും അ​ടു​ത്തു ക​ണ്ട് ന​ര​ജീ​വി​ത​ത്തി​ന്‍റെ അ​ർ​ഥ​ശൂ​ന്യ​ത​ക​ളെ അ​രി​ച്ചു​മാ​റ്റി സ​ത്ത​യെ ക​ണ്ടെ​ത്തു​ന്നു. മ​ഹാ​ക​വി മ​ര​ണ​ത്തെ അ​തി​ജീ​വി​ക്കു​ക​യും ചെ​യ്യു​ന്നു.

1873 ഏ​പ്രി​ൽ 12നു ​ചി​റ​യി​ൻ​കീ​ഴി​ലെ കാ​യി​ക്ക​ര​യി​ലാ​ണ് കു​മാ​രു (കു​മാ​ര​നാ​ശാ​ൻ) ജ​നി​ച്ച​ത്‌. ഈ​ഴ​വ സ​മു​ദാ​യ​ത്തി​ലെ പ്ര​മു​ഖ​നാ​യി​രു​ന്ന നാ​രാ​യ​ണ​ൻ പെ​രു​ങ്ങാ​ടി​യു​ടെ​യും കാ​ളി​യ​മ്മ​യു​ടെ​യും ഒ​ന്പ​തു മ​ക്ക​ളി​ൽ ര​ണ്ടാ​മ​ൻ. അ​ച്ഛ​നു​മാ​യു​ള്ള പ​രി​ച​യ​ത്തി​ൽ വീ​ട്ടി​ലെ​ത്തി​യ ശ്രീ​നാ​രാ​യ​ണ ഗു​രു​വു​മാ​യു​ള്ള ബ​ന്ധം അ​വ​സാ​ന​നാ​ൾ വ​രെ തു​ട​ർ​ന്നു.

25-ാമ​ത്തെ വ​യ​സി​ൽ സം​സ്കൃ​ത​പ​ഠ​ന​ത്തി​ന് കോ​ൽ​ക്ക​ത്ത​യി​ലെ​ത്തി. ഇ​ക്കാ​ല​ത്ത്, സം​സ്കൃ​ത​ത്തി​ലും ഇം​ഗ്ലീ​ഷി​ലും കൂ​ടു​ത​ൽ അ​വ​ഗാ​ഹ​മു​ണ്ടാ​യി എ​ന്നു​മാ​ത്ര​മ​ല്ല, വാ​യ​ന​യ്ക്കും കൂ​ടു​ത​ൽ സ​മ​യം ക​ണ്ടെ​ത്തി. പി​ന്നീ​ട് ശ്രീ​നാ​രാ​യ​ണ ഗു​രു​വി​ന്‍റെ ക്ഷ​ണ​പ്ര​കാ​രം അ​രു​വി​ക്ക​ര​യി​ൽ മ​ട​ങ്ങി​യെ​ത്തി. 1930ൽ ​എ​സ്എ​ൻ​ഡി​പി യോ​ഗ​ത്തി​ന്‍റെ ആ​ദ്യ സെ​ക്ര​ട്ട​റി​യാ​യി. 16 വ​ർ​ഷം ആ ​സ്ഥാ​ന​ത്തു​ണ്ടാ​യി​രു​ന്നു. 1909ൽ ​തി​രു​വി​താം​കൂ​ർ നി​യ​മ​സ​ഭാം​ഗ​മാ​യി.

മ​രി​ക്കു​ന്പോ​ൾ 51 വ​യ​സാ​യി​രു​ന്നു കു​മാ​ര​നാ​ശാ​ന്‍റെ പ്രാ​യം. ചു​രു​ങ്ങി​യ കാ​ല​ത്തെ ര​ച​ന​ക​ളാ​ൽ​ത​ന്നെ അ​ദ്ദേ​ഹം മ​ഹാ​ക​വി​യാ​യി. മ​ര​ണ​ത്തെ അ​തി​ജീ​വി​ക്കാ​ൻ അ​തു​ത​ന്നെ പ​ര്യാ​പ്തം. പ​ല്ല​ന​യാ​റ്റി​ൽ മു​ങ്ങി​യാ​ലും അ​ക്ഷ​ര​വി​ഹാ​യ​സി​ൽ​നി​ന്നു പൊ​ഴി​യി​ല്ല​ല്ലോ കാ​വ്യ​ന​ക്ഷ​ത്രം.
Copyright @ 2022 , Rashtra Deepika Ltd.