Play Audio

പു​തി​യ ലോ​കം പു​തി​യ ചി​റ​ക്
2024ലെ ​​​​ആ​​​​ദ്യ​​​​ദി​​​​വ​​​​സ​​​​മാ​​​​ണി​​​​ന്ന്. സൂ​​​​ര്യോ​​​​ദ​​​​യ​​​​ത്തി​​​​ലോ അ​​​​സ്ത​​​​മ​​​​യ​​​​ത്തി​​​​ലോ ഉ​​​​ൾ​​​​പ്പെ​​​​ടെ ഒ​​​​രു മാ​​​​റ്റ​​​​വും ദൃ​​​​ശ്യ​​​​മ​​​​ല്ലാ​​​​ത്ത, ഇ​​​​ന്ന​​​​ല​​​​ത്തേ​​​​തി​​​​നു തു​​​​ല്യ​​​​മാ​​​​യ ദി​​​​വ​​​​സം. പ​​​​ക്ഷേ, ഇ​​​​ന്നു​​​​മു​​​​ത​​​​ൽ ലോ​​​​കം കൂ​​​​ടു​​​​ത​​​​ൽ ന​​​​ന്മ​​​​യു​​​​ള്ള​​​​താ​​​​യി​​​​രി​​​​ക്കു​​​​മെ​​​​ന്ന് പ്ര​​​​തീ​​​​ക്ഷി​​​​ക്കു​​​​ക​​​​യും പ്ര​​​​വ​​​​ർ​​​​ത്തി​​​​ക്കു​​​​ക​​​​യും ചെ​​​​യ്യാ​​​​ൻ മ​​​​നു​​​​ഷ്യ​​​​രെ​​​​ന്ന നി​​​​ല​​​​യി​​​​ൽ നാം ​​​​ക​​​​ട​​​​പ്പെ​​​​ട്ടി​​​​രി​​​​ക്കു​​​​ന്നു.

“അ​സം​ബ​ന്ധ​വും അ​സാ​ധ്യ​വു​മാ​ണെ​ന്ന​റി​ഞ്ഞി​ട്ടും ഞാ​നെ​ന്‍റെ സ്വ​പ്ന​ങ്ങ​ളെ ഇ​നി​യും ഉ​പേ​ക്ഷി​ച്ചി​ട്ടി​ല്ലെ​ന്ന​ത് അ​തി​ശ​യ​ക​ര​മാ​ണ്. കാ​ര​ണം, എ​ല്ലാ​റ്റി​നു​മ​പ്പു​റം മ​നു​ഷ്യ​ഹൃ​ദ​യ​ത്തി​ലെ ന​ന്മ​യി​ൽ ഞാ​നി​പ്പോ​ഴും വി​ശ്വ​സി​ക്കു​ന്നു’’- ഹി​റ്റ്‌​ല​റു​ടെ വം​ശ​ഹ​ത്യ​ക്കാ​ല​ത്ത് നാ​സി ത​ട​വ​റ​യി​ൽ കി​ട​ന്നു മ​രി​ച്ച യ​ഹൂ​ദ പെ​ൺ​കു​ട്ടി ആ​ൻ ഫ്രാ​ങ്കി​ന്‍റെ വാ​ക്കു​ക​ളാ​ണി​ത്. യു​ദ്ധ​വും മ​ത​തീ​വ്ര​വാ​ദ​വും തീ​വ്ര​ദേ​ശീ​യ​ത​യും സ്വാ​ർ​ഥ​ത​യും അ​നീ​തി​യും കാ​ലാ​വ​സ്ഥാ വ്യ​തി​യാ​ന​വു​മൊ​ക്കെ പു​റ​ത്ത് മ​ര​ണ​ത്തി​ന്‍റെ കാ​ൽ​പ്പെ​രു​മാ​റ്റം കേ​ൾ​പ്പി​ക്കു​ന്നു​ണ്ടെ​ങ്കി​ലും പ്ര​തീ​ക്ഷ കൈ​വി​ട​രു​തേ​യെ​ന്ന് ഈ ​വാ​ക്കു​ക​ൾ മ​നു​ഷ്യ​രാ​ശി​യോ​ട് അ​ഭ്യ​ർ​ഥി​ക്കു​ന്നു. 2024ലെ ​ആ​ദ്യ​ദി​വ​സ​മാ​ണി​ന്ന്. സൂ​ര്യോ​ദ​യ​ത്തി​ലോ അ​സ്ത​മ​യ​ത്തി​ലോ ഉ​ൾ​പ്പെ​ടെ ഒ​രു മാ​റ്റ​വും ദൃ​ശ്യ​മ​ല്ലാ​ത്ത, ഇ​ന്ന​ല​ത്തേ​തി​നു തു​ല്യ​മാ​യ ദി​വ​സം. പ​ക്ഷേ, ഇ​ന്നു​മു​ത​ൽ ലോ​കം കൂ​ടു​ത​ൽ ന​ന്മ​യു​ള്ള​താ​യി​രി​ക്കു​മെ​ന്നു പ്ര​തീ​ക്ഷി​ക്കു​ക​യും പ്ര​വ​ർ​ത്തി​ക്കു​ക​യും ചെ​യ്യാ​ൻ മ​നു​ഷ്യ​രെ​ന്ന നി​ല​യി​ൽ നാം ​ക​ട​പ്പെ​ട്ടി​രി​ക്കു​ന്നു.

ക​ഴി​ഞ്ഞ ജ​നു​വ​രി​യി​ൽ ഒ​രു യു​ദ്ധ​മേ ഉ​ണ്ടാ​യി​രു​ന്നു​ള്ളൂ. വ​ർ​ഷാ​വ​സാ​ന​മാ​യ​പ്പോ​ഴേ​ക്കും ന​മ്മ​ള​തു ര​ണ്ടാ​ക്കി. റ​ഷ്യ​യും യു​ക്രെ​യ്നും ക​ട​ന്ന് അ​സ​മാ​ധാ​നം പ​ശ്ചി​മേ​ഷ്യ​യി​ലൂ​ടെ പ​ട​ർ​ന്നു​പി​ടി​ക്കു​ക​യാ​ണ്. യു​ദ്ധ​ത്തി​ൽ ന​ന്മ​ക​ളി​ല്ല. അ​തി​ൽ പ​ങ്കെ​ടു​ക്കു​ന്ന​വ​ർ മാ​ത്ര​മ​ല്ല, പ​ക്ഷം ചേ​രു​ന്ന​വ​രും വെ​റു​പ്പി​ന്‍റെ​യും ശ​ത്രു​ത​യു​ടെ​യും അ​ള​വ് വ​ർ​ധി​പ്പി​ക്കു​ക​യാ​ണ്. ത​ങ്ങ​ളു​ടെ സു​ര​ക്ഷ​യ്ക്കു​വേ​ണ്ടി​യെ​ന്ന് അ​വ​കാ​ശ​പ്പെ​ട്ട് യു​ദ്ധ​ത്തി​നി​റ​ങ്ങു​ന്ന​വ​രെ​ല്ലാം ശ​ത്രു​വി​നെ മു​റി​വേ​ൽ​പ്പി​ച്ച് ത​ങ്ങ​ളു​ടെ സു​ര​ക്ഷ കൂ​ടു​ത​ൽ അ​പ​ക​ട​ത്തി​ലാ​ക്കു​ക​യാ​ണ്. അ​വ​ർ ഇ​ല്ലാ​താ​ക്കി​യ ചി​രി​യും സ​ന്തോ​ഷ​വും ഭ​ക്ഷ​ണ​വും മ​രു​ന്നും വീ​ടു​ക​ളു​മൊ​ക്കെ ഇ​നി​യെ​ന്നാ​ണ് പ​ഴ​യ​തു​പോ​ലെ​യാ​കു​ക? യു​ക്രെ​യ്നി​ലും പ​ല​സ്തീ​നി​ലും ഇ​സ്ര​യേ​ലി​ലും കൊ​ല്ല​പ്പെ​ടു​ക​യും പ​ലാ​യ​നം ചെ​യ്യു​ക​യും ചെ​യ്ത മ​നു​ഷ്യ​രെ ക​ഴി​ഞ്ഞ വ​ർ​ഷ​ത്തി​ന്‍റെ അ​ക്കൗ​ണ്ടി​ൽ എ​ഴു​തി​ത്ത​ള്ളി ന​മു​ക്ക് മു​ന്നോ​ട്ടു പോ​കാ​നാ​കി​ല്ല.

അ​വ​രു​ടെ മൃ​ത​ദേ​ഹ​ങ്ങ​ൾ​ക്കും ത​ക​ർ​ന്ന​തും ഉ​പേ​ക്ഷി​ക്ക​പ്പെ​ട്ട​തു​മാ​യ വീ​ടു​ക​ൾ​ക്കും ക​ണ​ക്കു​ണ്ട്. അ​തി​ന് ഉ​ത്ത​ര​വാ​ദി​ക​ളാ​യ​വ​ർ​ക്ക് ച​രി​ത്ര​ത്തി​ൽ കു​റ്റ​വാ​ളി​ക​ളു​ടെ സ്ഥാ​നം​ത​ന്നെ​യാ​ണ്. എ​ല്ലാ മ​ര​ണ​ങ്ങ​ളും, എ​ല്ലാ മ​നു​ഷ്യാ​വ​കാ​ശ​ങ്ങ​ളും ഒ​രു​പോ​ലെ എ​ണ്ണ​പ്പെ​ടു​ന്നി​ല്ല എ​ന്ന​താ​ണ് സ​മ​കാ​ലി​ക​ലോ​ക​ത്തി​ന്‍റെ വൈ​ക​ല്യം. ന​മ്മു​ടെ യു​ദ്ധ​വി​രു​ദ്ധ​ത​യും മ​നു​ഷ്യാ​വ​കാ​ശ​ങ്ങ​ളെ​ച്ചൊ​ല്ലി​യു​ള്ള നി​ല​വി​ളി​യും കൂ​ടു​ത​ൽ സ​ത്യ​സ​ന്ധ​മാ​കേ​ണ്ട​തു​ണ്ട്.

കൊ​ല്ല​പ്പെ​ടേ​ണ്ട മ​നു​ഷ്യ​രു​ടെ പ​ട്ടി​ക​യി​ലു​ള്ള​തൊ​ന്നും വി​ശു​ദ്ധ ഗ്ര​ന്ഥ​ങ്ങ​ള​ല്ല. ഒ​രു കൈ​യി​ൽ അ​വ​യെ നെ​ഞ്ചോ​ടു ചേ​ർ​ത്ത് എ​ന്തു സാ​ഹോ​ദ​ര്യ​മാ​ണ് സാ​ധ്യ​മാ​കു​ന്ന​ത്? എ​ല്ലാ പൗ​ര​ന്മാ​രും തു​ല്യ​ര​ല്ലെ​ന്നു പ​ഠി​പ്പി​ക്കു​ന്ന വി​ചാ​ര​ധാ​ര​ക​ളെ ത​ള്ളി​പ്പ​റ​യാ​തെ എ​ങ്ങ​നെ​യാ​ണ് സ​മ​ത്വ​സു​ന്ദ​ര​മാ​യ രാ​ഷ്‌​ട്ര​നി​ർ​മി​തി സാ​ധ്യ​മാ​കു​ക? വീ​ട്ടി​ലെ മാ​ലി​ന്യ​ങ്ങ​ളെ​ല്ലാം പൊ​തി​ഞ്ഞു​കെ​ട്ടി അ​യ​ൽ​ക്കാ​ര​ന്‍റെ പ​റ​ന്പി​ലും പാ​ത​യോ​ര​ത്തും ത​ള്ളു​ന്ന സം​സ്കാ​രം നി​ല​നി​ർ​ത്തി​ക്കൊ​ണ്ടു പ​രി​സ്ഥി​തി സം​ര​ക്ഷ​ണ​ത്തി​ന്‍റെ പ്ര​തി​ജ്ഞ​യെ​ടു​ക്കാ​ൻ ന​മു​ക്കെ​ങ്ങ​നെ ക​ഴി​യും?

കാ​ർ​ബ​ൺ ക്രെ​ഡി​റ്റ് ഫ​ണ്ട് ല​ക്ഷ്യ​മി​ട്ടു​കൊ​ണ്ട് ന​ട​ത്തു​ന്ന​തൊ​ന്നും പ്ര​കൃ​തി​സ്നേ​ഹ​വും വ​ന​സം​ര​ക്ഷ​ണ​വു​മ​ല്ലെ​ന്നും അ​ഴി​മ​തി​യാ​ണെ​ന്നും തി​രി​ച്ച​റി​ഞ്ഞേ തീ​രൂ. ആ​രാ​ധ​നാ​ല​യ​ങ്ങ​ളെ​യും അ​ൾ​ത്താ​ര​ക​ളെ​യും യു​ദ്ധ​ക്ക​ള​മാ​ക്കി​യ​ശേ​ഷം നി​ങ്ങ​ൾ പ​ര​സ്പ​രം സ്നേ​ഹി​ക്കു​വി​നെ​ന്ന് ഉ​പ​ദേ​ശി​ക്കു​ന്ന​വ​രേ​ക്കാ​ൾ വെ​ള്ള​യ​ടി​ച്ച കു​ഴി​മാ​ട​ങ്ങ​ൾ വേ​റെ എ​വി​ടെ​യു​ണ്ട്? ത​ങ്ങ​ളു​ടേ​തി​ൽ​നി​ന്നു വ്യ​ത്യ​സ്ത അ​ഭി​പ്രാ​യ​മോ വി​യോ​ജി​പ്പോ ഉ​ള്ള​വ​രെ സ​മൂ​ഹ​മാ​ധ്യ​മ​ങ്ങ​ളി​ൽ സ്വ​ഭാ​വ​ഹ​ത്യ​യും സം​ഘ​ടി​ത ആ​ക്ര​മ​ണ​വും ന​ട​ത്തു​ന്ന​ത് സ​ഹ​ജീ​വി​ക്കെ​തി​രേ​യു​ള്ള യു​ദ്ധ​മ​ല്ലേ? അ​ഴി​മ​തി​യി​ലും ആ​ഡം​ബ​ര​ത്തി​ലും ധാ​ർ​ഷ്‌​ട്യ​ത്തി​ലും സ്വ​ജ​ന​പ​ക്ഷ​പാ​ത​ത്തി​ലും അ​ഭി​ര​മി​ക്കു​ന്ന അ​ധി​കാ​രി​ക​ളോ​ട് വി​ധേ​യ​ത്വം പു​ല​ർ​ത്തി​യാ​ണോ നാം ​പ്ര​ബു​ദ്ധ​രാ​കു​ന്ന​ത്?

മൂ​ന്നോ നാ​ലോ മാ​സ​ത്തി​ന​കം പൊ​തു​തെ​ര​ഞ്ഞെ​ടു​പ്പാ​ണ്. സ​ന്പ​ന്ന​ർ കൂ​ടു​ത​ൽ സ​ന്പ​ന്ന​രും ദ​രി​ദ്ര​ർ കൂ​ടു​ത​ൽ ദ​രി​ദ്ര​രു​മാ​യെ​ന്നാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്. രാ​ജ്യ​ത്തെ ക​ർ​ഷ​ക​രു​ടെ ആ​ത്മ​ഹ​ത്യ​ക​ൾ വാ​ർ​ത്ത​യ​ല്ലാ​താ​യി. മാ​ധ്യ​മ​സ്വാ​ത​ന്ത്ര്യം കൂ​പ്പു​കു​ത്തി. ജ​ന​ങ്ങ​ളു​ടെ നീ​റു​ന്ന പ്ര​ശ്ന​ങ്ങ​ളി​ൽ​പോ​ലും പാ​ർ​ല​മെ​ന്‍റി​ൽ ച​ർ​ച്ച​ക​ൾ ഇ​ല്ലാ​താ​യി. നി​സാ​ര കാ​ര​ണ​ങ്ങ​ൾ ഉ​യ​ർ​ത്തി പ്ര​തി​പ​ക്ഷ​ത്തെ പു​റ​ത്താ​ക്കു​ന്ന​താ​ണ് മി​ടു​ക്കെ​ന്നു ഭ​ര​ണ​കൂ​ടം നി​ശ്ച​യി​ച്ചി​രി​ക്കു​ന്നു. പ​ക്ഷേ, തെ​ര​ഞ്ഞെ​ടു​പ്പ് പ​ടി​വാ​തി​ൽ​ക്ക​ലെ​ത്തി​യി​രി​ക്കെ ച​ർ​ച്ച​ക​ൾ എ​ന്തി​നെ​ക്കു​റി​ച്ചാ​ണ്? സ്വ​കാ​ര്യ​വി​ഷ​യ​മാ​യി​രി​ക്കേ​ണ്ട മ​തം രാ​ഷ്‌​ട്ര​വി​ഷ​യ​മാ​യി​രി​ക്കു​ന്നു.

നി​രാ​ശ​യ്ക്കു കാ​ര​ണ​ങ്ങ​ളു​ണ്ട്. പ​ക്ഷേ, പ്ര​തീ​ക്ഷ കൈ​വി​ട്ടു നി​ഷ്ക്രി​യ​രാ​കാ​ന​ല്ല ന​മ്മു​ടെ നി​യോ​ഗം. സ​മാ​ധാ​ന​വും പു​രോ​ഗ​തി​യും കൂ​ട്ടു​ത്ത​ര​വാ​ദി​ത്വ​മാ​ണ്. മ​റ്റു​ള്ള​വ​രെ തി​രു​ത്താ​നും ന​ന്നാ​ക്കാ​നും 2023ൽ ​ചെ​ല​വ​ഴി​ച്ച​തി​ന്‍റെ ചെ​റി​യൊ​രം​ശം പു​തു​വ​ർ​ഷ​ത്തി​ൽ സ്വ​യം തി​രു​ത്താ​ൻ മാ​റ്റി​വ​ച്ചു മാ​റ്റ​ത്തി​നു ക​ള​മൊ​രു​ക്കാം. പോ​യ വ​ർ​ഷ​ത്തി​ന്‍റെ പ്ര​തീ​ക​മാ​യി പാ​പ്പാ​ഞ്ഞി​യെ​ന്ന പേ​രി​ട്ട് കോ​ലം ക​ത്തി​ച്ച് ത​ള്ളു​ന്ന​ത്ര എ​ളു​പ്പ​മ​ല്ല അ​ത്. പ​ക്ഷേ, അ​സാ​ധ്യ​മ​ല്ല.

തു​ർ​ക്കി എ​ഴു​ത്തു​കാ​ര​നാ​യ മെ​ഹ്‌​മ​ത് മു​റാ​ത് ഇ​ൽ​ദാ​ന്‍റെ വാ​ക്കു​ക​ൾ ഇ​ങ്ങ​നെ​യാ​ണ്: “ഇ​തു​വ​രെ​യി​ല്ലാ​ത്ത​വി​ധ​മു​ള്ള ഒ​രു പെ​യി​ന്‍റിം​ഗാ​ണ് പു​തു​വ​ർ​ഷം. ഇ​തു​വ​രെ ച​വി​ട്ടി​യി​ട്ടി​ല്ലാ​ത്ത പാ​ത​യി​ലേ​ക്കാ​ണ് നാം ​ചു​വ​ടു​വ​യ്ക്കു​ന്ന​ത്. ആ​ദ്യ​മാ​യി​ട്ടാ​ണ് ഈ ​ചി​റ​ക് നാം ​വി​രി​ക്കു​ന്ന​ത്.’’ ഇ​ന്ന് ന​മ്മു​ടെ ഇ​രി​പ്പി​ടം എ​വി​ടെ​യാ​ണോ അ​വി​ടെ​യി​രു​ന്നു ന​മു​ക്കു തീ​രു​മാ​നി​ക്കാം ന​മ്മു​ടെ ഉ​ള്ളി​ലും വീ​ട്ടി​ലും സ​മൂ​ഹ​ത്തി​ലും മാ​റ്റ​മു​ണ്ടാ​ക​ണോ എ​ന്ന്. ഇ​ന്നാ​ണ് ആ ​ദി​വ​സം.
എ​ല്ലാ​വ​ർ​ക്കും പു​തു​വ​ത്സ​രാ​ശം​സ​ക​ൾ!
Copyright @ 2022 , Rashtra Deepika Ltd.