സംസ്ഥാനത്തെ വിവിധ പ്രാഥമിക സഹകരണസംഘങ്ങളിലെ 295 ഒഴിവുകളിലേക്ക് സഹകരണ സർവീസ് പരീക്ഷാ ബോർഡ് അപേക്ഷ ക്ഷണിച്ചു. പരീക്ഷാ ബോർഡ് നടത്തുന്ന എഴുത്തു പരീക്ഷയുടെയും ബന്ധപ്പെട്ട സഹകരണ സ്ഥാപനങ്ങൾ നടത്തുന്ന കൂടിക്കാഴ്ചയുടെയും അടിസ്ഥാനത്തിൽ പരീക്ഷാ ബോർഡ് നൽകുന്ന റാങ്ക് ലിസ്റ്റിൽനിന്ന് സംഘങ്ങൾ തയാറാക്കുന്ന റാങ്ക് ലിസ്റ്റ് പ്രകാരമാണ് നിയമനം. അപേക്ഷ സ്വീകരിക്കുന്ന അവസാന തീയതി ഡിസംബർ ആറ്.
പ്രായപരിധി- 2017 ജനുവരി ഒന്നിന് 18- 40 വയസ്. എസ്സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വർഷം ഉയർന്ന പ്രായത്തിൽ ഇളവ് ലഭിക്കും. ഏതെങ്കിലും സംഘത്തിന്റെ പ്രവർത്തനപരിധിയിൽ വരുന്ന ജില്ലയിൽ നിന്നുള്ള ഉദ്യോഗാർഥിക്ക് പ്രസതുത സംഘത്തിലെ ഇന്റർവ്യൂവിന് ലഭിക്കാവുന്ന പരമാവധി 15 മാർക്കിനു പുറമേ അധിക ആനുകൂല്യമായി അഞ്ച് മാർക്ക് കൂടി ലഭിക്കും. അപേക്ഷാ ഫോമിൽ സ്വന്തം ജില്ല വ്യക്തമാക്കേണ്ടതും ഇന്റർവ്യൂ സമയത്ത് ബന്ധപ്പെട്ട അധികാരികളിൽനിന്ന് ലഭിക്കുന്ന നേറ്റിവിറ്റി സർട്ടിഫിക്കറ്റ് ഹാജരാക്കേണ്ടതുമാണ്.
ഉദ്യോഗാർഥികൾക്ക് ഒന്നിൽ കൂടുതൽ സംഘങ്ങളിലേക്കും തസ്തികളിലേക്കും അപേക്ഷിക്കാം.
കാറ്റഗറി 1/2017 എ:
ജനറൽ മാനേജർ, അസിസ്റ്റന്റ്
ജനറൽ മാനേജർ
യോഗ്യത- അംഗീകൃത സർവകലാശാലയിൽനിന്ന് ബിരുദം. ബിസിനസ് മാനേജ്മെന്റിൽ മാസ്റ്റേഴ്സ് ഡിഗ്രിയോ അല്ലെങ്കിൽ അതിനു തത്തുല്യമായ സംസ്ഥാനത്തെ യൂണിവേഴ്സിറ്റികൾ അംഗീകരിക്കുന്ന യോഗ്യത അല്ലെങ്കിൽ ചാർട്ടേഡ് അക്കൗണ്ട്സ് ഓഫ് ഇന്ത്യയിലെ സ്ഥാപനത്തിലെ അംഗത്വമോ, അല്ലെങ്കിൽ കൊമേഴ്സിൽ മാസ്റ്റേഴ്സ് ഡിഗ്രി, അല്ലെങ്കിൽ എംഎസ്സി കോർപറേഷന്, ബാങ്കിംഗ് തുടങ്ങിയവ പ്രത്യേക യോഗ്യതയായി പരിഗണിക്കും അക്കൗണ്ടിംഗ്, ബാങ്കിംഗ്, സഹകരണം, സാന്പത്തിക ശാസ്ത്രം, ഫിനാൻസ്, നിയമം എന്നിവയിൽ മൂന്നു വർഷത്തെ പ്രവൃത്തിപരിചയം.
കാറ്റഗറി 1/2017 ബി: സെക്രട്ടറി
ബി: അസിസ്റ്റന്റ് സെക്രട്ടറി,
ഇന്റേണൽ ഓഡിറ്റർ
യോഗ്യത- അന്പതുശതമാനം മാർക്കിൽ കുറയാതെ ലഭിച്ച ബിരുദവും സഹകരണ ഹയർ ഡിപ്ലോമയും ( എച്ച്ഡിസി ആൻഡ് ബിഎം അല്ലെങ്കിൽ നാഷണൽ കൗൺസിൽ ഫോർ കോ-ഓപ്പറേറ്റീവ് ട്രെയിനിംഗിന്റെ എച്ച്ഡിസി അല്ലെങ്കിൽ എച്ച്ഡിസിഎം). അല്ലെങ്കിൽ സബോർഡിനേറ്റ് പേഴ്സണൽ കോ-ഓപ്പറേറ്റീവ് ട്രെയിനിംഗ് കോഴ്സ് വിജയച്ചിരിക്കണം. അല്ലെങ്കിൽ കേരള കാർഷിക സർവകലാശാലയിൽ നിന്നും ബിഎസ്സി (സഹകരണം ആൻഡ് ബാങ്കിംഗ്) അല്ലെങ്കിൽ കേരളത്തിലെ ഏതെങ്കിലും സർവകലാശാല അംഗീകരിച്ചതും സഹകരണം ഐച്ഛികമായിട്ടുള്ളതുമായ 50 ശതമാനത്തിൽ കുറയാത്ത ബികോം.
കാറ്റഗറി നന്പർ 1/2017/സി: സെക്രട്ടറി,
സി (1) ബ്രാഞ്ച് മാനേജർ
യോഗ്യത- അംഗീകൃത സർവകലാശാലയിൽനിന്ന് സഹകരണം പ്രത്യേക വിഷയമായി എടുത്ത കൊമേഴ്സിലെ ബിരുദം. അല്ലെങ്കിൽ ബിരുദവും സഹകരണ ഹയർ ഡിപ്ലോമയും അല്ലെങ്കിൽ സബോർഡിനേറ്റ് പേഴ്സണൽ കോ-ഓപ്പറേറ്റീവ് ട്രെയിനിംഗ് കോഴ്സ്. അല്ലെങ്കിൽ കേരള കാർഷിക സർവകലാശാലയിൽ നിന്നു ബിഎസ്സി (സഹകരണം ആൻഡ് ബാങ്കിംഗ്) അല്ലെങ്കിൽ കേരളത്തിലെ ഏതെങ്കിലും സർവകലാശാല അംഗീകരിച്ചതും സഹകരണം ഐച്ഛികമായിട്ടുള്ളതുമായ 50 ശതമാനത്തിൽ കുറയാത്ത ബികോം.
കാറ്റഗറി 2/2017
ജൂണിയർ ക്ലാർക്ക്/കാഷ്യർ
യോഗ്യത- എസ്എസ്എൽസി/തത്തുല്യവും സബോർഡിനേറ്റ് പേഴ്സണൽ കോ-ഓപ്പറേറ്റീവ് ട്രെയിനിംഗ് കോഴ്സ് യോഗ്യത കാസർഗോഡ് ജില്ലയിലെ സഹകരണ സംഘം/ബാങ്കുകളിലേക്ക് അപേക്ഷിക്കുന്നതിനുള്ള അടിസ്ഥാന യോഗ്യതയായിരിക്കും. സഹകരണം ഐച്ഛികവിഷയമായി എടുത്ത ബികോം ബിരുദം/എച്ച്ഡിസി ഉള്ളവർക്കും കാറ്റഗറി 1/2017/ബി, കാറ്റഗറി 1/2017/സിയിൽ പറഞ്ഞിരിക്കുന്ന വിദ്യാഭ്യാസ യോഗ്യതയുള്ളവർക്കും അപേക്ഷിക്കാം.
വിശദമായ വിജ്ഞാപനവും അപേക്ഷയുടെ മാതൃകയും www.csebkerala.org എന്ന വെബ്സൈറ്റിൽ ലഭ്യമാണ്. അപേക്ഷയും അനുബന്ധ രേഖകളും ഡിസംബർ ആറ് വൈകുന്നേരം അഞ്ചിനു മുന്പായി സഹകരണ സർവീസ് പരീക്ഷാ ബോർഡിൽ ലഭിക്കണം. വിലാസം- സെക്രട്ടറി, സഹകരണ സർവീസ് പരീക്ഷാ ബോർഡ്, കേരള സംസ്ഥാന സഹകരണ ബാങ്ക് ബിൽഡിംഗ്, ഓവർ ബ്രിഡ്ജ്, ജനറൽ പോസ്റ്റ് ഓഫീസ്, തിരുവനന്തപുരം- 695001, ഫോൺ- 0471-2468690, 2468670.