Deepika.com Career News :നോർത്തേണ്‍ കോൾ ഫീൽഡ്സിൽ അവസരം.......

കോൾ ഇന്ത്യ ലിമിറ്റഡിന്‍റെ അനുബന്ധ സ്ഥാപനമായ നോർത്തേണ്‍ കോൾ ഫീൽഡ്സിൽ ജൂണിയർ ഓവർമാൻ, മൈനിംഗ് സിർദാർ എന്നീ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. എഴുത്തുപരീക്ഷ, അഭിമുഖം എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്. വിജ്ഞാപനം വൈകാതെ പുറപ്പെടുവിക്കും.

ജൂണിയർ ഓവർമാൻ

യോഗ്യത- മൈനിംഗ് എൻജിനിയറിംഗിൽ ത്രിവത്സര ഡിപ്ലോമ. ഡിജിഎംഎസ് നല്കുന്ന ഓവർമാൻ കോംപീറ്റൻസി സർട്ടിഫിക്കറ്റ് അല്ലെങ്കിൽ തത്തുല്യ സർട്ടിഫിക്കറ്റ്.
ഡിജിഎംഎസ് നല്കുന്ന അംഗീകൃത ഗ്യാസ് ടെസ്റ്റിംഗ് സർട്ടിഫിക്കറ്റ്. അംഗീകൃത ഫസ്റ്റ് എയ്ഡ് സർട്ടിഫിക്കറ്റ്.

മൈനിംഗ് സിർദാർ

യോഗ്യത- പ്ലസ്ടു അല്ലെങ്കിൽ തത്തുല്യം. ഡിജിഎംഎസ് അനുവദിച്ച മൈനിംഗ് സിർദാർഷിപ്പ് സർട്ടിഫിക്കറ്റ്. ഗ്യാസ് ടെസ്റ്റ് സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ് അല്ലെങ്കിൽ മൂന്നുവർഷത്തെ മൈനിംഗ് എൻജിനിയറിംഗ് ഡിപ്ലോമ/ ഡിഗ്രി. ഗ്യാസ് ടെസ്റ്റിംഗ് സർട്ടിഫിക്കറ്റ്. ഫസറ്റ് എയ്ഡ് സർട്ടിഫിക്കറ്റ്.

പ്രായം- എല്ലാ തസ്തികകൾക്കും 18- 35 വയസ്. എസ്‌സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വികലാംഗർക്കും വിമുകതഭടൻമാർക്കും ചട്ടപ്രകാരം ഇളവ് ലഭിക്കും.

അപേക്ഷാഫീസ്- 500 രൂപ. എസ്‌സി, എസ്ടി വിഭാഗക്കാർക്കു ഫീസില്ല. സ്റ്റേറ്റ് ബാങ്ക് ഓഫ് ഇന്ത്യ വഴി ഫീസടയ്ക്കാം. ഫീസ് അടയ്ക്കുന്നതിനുള്ള ചെലാൻ ഫോം വെബ്സൈറ്റിൽനിന്ന് ലഭിക്കും. ചെലാൻ ഫോമിൽ അപേക്ഷിക്കുന്ന തസ്തികയുടെ പോസ്റ്റ് കോഡ് വ്യക്തമായി രേഖപ്പെടുത്തിയിരിക്കണം.

അപേക്ഷിക്കേണ്ട വിധം- www.nclcil.n എന്ന വെബ്സൈറ്റിൽനിന്ന് അപേക്ഷാ ഫോമിന്‍റെ മാതൃക ലഭിക്കും. ആവശ്യമായ രേഖകളുടെ സാക്ഷ്യപ്പെടുത്തിയ പകർപ്പും സഹിതം താഴെക്കാണുന്ന വിലാസത്തിൽ അയയ്ക്കുക. അപേക്ഷ അയയ്ക്കുന്ന കവറിനു പുറത്ത് Application for the Post of..... എന്ന് രേഖപ്പെടുത്തണം. വിജ്ഞാപനത്തിന്‍റെ പൂർണ രൂപം വെബ്സൈറ്റിൽ ലഭിക്കും.

അപേക്ഷ അയയ്ക്കേണ്ട വിലാസം- General Manger (P/MP&R), Room No 15, Personnel Department, NCL HQ, Singrauli Mp- 486889.
കൂടുതൽ വിവരങ്ങൾക്ക്-www.nclcil.in എന്ന വെബ്സൈറ്റ് കാണുക.