Deepika.com Career News :ഫുഡ് കോർപറേഷനിൽ 497 വാച്ച്മാൻ ഒഴിവുകൾ.......

എട്ടാം ക്ലാസ് യോഗ്യതയുള്ളവർക്ക് അവസരം. ഒഴിവുകൾ ഉത്തർപ്രദേശ്, ഒഡിഷ, ഹിമാചൽപ്രദേശ് സംസ്ഥനങ്ങളിൽ ഫുഡ് കോർപറേഷൻ ഓഫ് ഇന്ത്യയുടെ വിവിധ റീജണുകളിൽ വാച്ച്മാൻ തസ്തികയിലേക്ക് അപേക്ഷ ക്ഷണിച്ചു. ഓൺലൈനായി വേണം അപേക്ഷകർ അയയ്ക്കാൻ.

എട്ടാം ക്ലാസ് പാസായവർക്ക് അപേക്ഷിക്കാം. പ്രായം- 18നും 25 നും ഇടയിൽ ആയിരിക്കണം. സംവരണ വിഭാഗക്കാർക്ക് ചട്ടപ്രകാരം ഇളവ് ലഭിക്കും. ശന്പള സ്കെയിൽ- 8,100- 18,070 രൂപ.

ഒാരോ റീജണുകളിലും റിപ്പോർട്ട് ചെയ്തിട്ടുള്ള ഒഴിവുകളും മറ്റ് വിവരങ്ങൾക്കും ഇനി പറയുന്നു.

ഉത്തർപ്രദേശ് റീജൺ
ഉത്തർപ്രദേശ് റീജണിൽ 408 ഒഴിവുകൾ റിപ്പോർട്ട് ചെയ്തിട്ടുണ്ട്. ജനറൽ വിഭാഗക്കാർക്ക് 208 ഒഴിവുകളാണുള്ളത്. എസ്‌സി- 86, എസ്ടി-നാല്, ഒബിസി-110 എന്നിങ്ങനെയാണ് ഒഴിവുകൾ സംവരണം ചെയ്തിരിക്കുന്നത്. 2017 സെപ്റ്റംബർ ഒന്ന് അടിസ്ഥാനമാക്കിയാണ് പ്രായവും യോഗ്യതയും കണക്കാക്കുന്നത്. www.fcicupjob.com എന്ന വെബ്സൈറ്റിലൂടെ ഒാൺലൈനായാണ് അപേക്ഷിക്കേണ്ടത്. അപേക്ഷ സ്വീകരിക്കുന്ന അവസാന തീയതി നവംബർ 11.

ഒഡീഷ
ഒഡീഷ സംസ്ഥാനത്തെ എഫ്സിഐ ഓഫീസുകളിലേക്ക് 49 പേരേയാണ് നിയമിക്കുന്നത്. എസ്‌സി വിഭാഗത്തിൽ എട്ടും ഒബിസി വിഭാഗത്തിന് പതിമൂന്നും ഒഴിവുകളാണ് സംവരണം ചെയ്തിട്ടുണ്ട്. 2017 ഒാഗസ്റ്റ് ഒന്ന് അടിസ്ഥാനമാക്കിയാണ് പ്രായം കണക്കാക്കുക.
നംവബർ 12ന് നടത്തുന്ന എഴുത്തു പരീക്ഷയിലൂടെയാണ് തെരഞ്ഞെടുപ്പ് നടത്തുക. വിശദവിവരങ്ങൾ www.fcijobportalodisha.com എന്ന വെബ്സൈറ്റിൽ ലഭ്യമാണ്. ഇതേ വെബ്സൈറ്റിലൂടെ ഓൺലൈനായി അപേക്ഷിക്കാം. അവാസന തീയതി- ഒക്ടോബർ 18.

ഹിമാചൽപ്രദേശ്
ഫുഡ് കോർപറേഷൻ ഓഫ് ഇന്ത്യയുടെ ഹിമാചൽ പ്രദേശ് റീജണൽ ഓഫീസ് 40 ഒഴിവുകളിലാണ് അപേക്ഷ ക്ഷണിച്ചിരിക്കുന്നത്. 2017 ഒക്ടോബർ ഒന്നിന് മുന്പ് യോഗ്യത നേടിയിട്ടുള്ളവർക്ക് അപേക്ഷിക്കാം. ഇതേ തീയതി അടിസ്ഥാനമാക്കിയാണ് പ്രായം കണക്കാക്കുക. തെരഞ്ഞെടുപ്പിന്‍റെ ഭാഗമായി ശാരീരിക ക്ഷമത പരീക്ഷ ഉണ്ടായിരിക്കും.

നിശ്ചിത ഫീസ് അടച്ചുവേണം അപേക്ഷിക്കാൻ. വിശദവിവരങ്ങൾക്കും അപേക്ഷിക്കുന്നതിനുമായി www.fciregionaloffice.com കാണുക. അപേക്ഷ സ്വീകരിക്കുന്ന അവസാന തീയതി- നവംബർ 10.