Deepika.com Career News :കയർഫെഡിൽ 17 ഒഴിവുകൾ.......

കയർഫെഡിൽ 17 ഒഴിവുകൾ

സംസ്ഥാന സർക്കാർ സ്ഥാപനമായ കേരള സ്റ്റേറ്റ് കോ-ഓപ്പറേറ്റീവ് കയർ മാർക്കറ്റിംഗ് ഫെഡറേഷൻ ലിമിറ്റഡ് (കയർഫെഡ്) വിവിധ തസ്തികകളിലായി 17 ഒഴിവുകളിലേക്ക് അപേക്ഷ ക്ഷണിച്ചു. കരാർ നിയമനമാണ്. ഉദ്യോഗം നേടുന്നവർക്ക് കോണ്‍ട്രിബ്യൂട്ടറി പിഎഫ്, ഇഎസ്ഐ എന്നിവയ്ക്ക് അർഹതയുണ്ടാകും. നിയമനത്തിന് സംവരണ ചട്ടങ്ങൾ ബാധകമായിരിക്കും.

എസ്‌സി/ എസ്ടി/ ഒബിസി/ ഭിന്നശേഷി/ വിമുക്തഭട വിഭാഗക്കാർക്ക് ഉയർന്ന പ്രായത്തിൽ ചട്ടപ്രകാരം ഇളവ് ലഭിക്കും.

ഫിനാൻസ് മാനേജർ- ഒരു ഒഴിവ്.
യോഗ്യത- സിഎ/ ഐസിഡബ്ല്യുഎ മൂന്നുവർഷത്തെ മുൻപരിചയം.
ശന്പളം- 40,000 രൂപ.

മാർക്കറ്റിംഗ് മാനേജർ- ഒരു ഒഴിവ്.
യോഗ്യത- എംബിഎ/ അംഗീകൃത സർവകലാശാലയിൽനിന്ന് മാർക്കറ്റിംഗിൽ നേടിയ തത്തുല്യ യോഗ്യത. മൂന്നു വർഷത്തെ മുൻപരിചയം.
ശന്പളം- 30,000 രൂപ.

മെറ്റീരിയൽസ് മാനേജർ- ഒരു ഒഴിവ്.
യോഗ്യത- ബിടെക് (മെക്കാനിക്കൽ/ ഇലക്‌ട്രിക്കൽ)/ റബർ പ്രോസസിംഗ് വ്യവസായത്തിൽ സ്റ്റോഴ്സ് പർച്ചേഴ്സ് സെക്ഷനിൽ അഞ്ചുവർഷത്തെ പ്രവൃത്തിപരിചയം.
ശന്പളം- 30,000 രൂപ.

വർക്സ് മാനേജർ (ആർസിപി യൂണിറ്റ്)- ഒരു ഒഴിവ്.
യോഗ്യത- അംഗീകൃത സർവകലാശാലയിൽനിന്നുള്ള മെക്കാനിക്കൽ/ ഇലക്‌ട്രിക്കൽ എൻജിനിയറിംഗ് ബിരുദം. അഞ്ചു വർഷത്തെ പ്രവൃത്തിപരിചയം ശന്പളം- 30,000 രൂപ.

ഡെവലപ്മെന്‍റ് ഓഫീസർ- ഒരു ഒഴിവ്.
യോഗ്യത- അംഗീകൃത സർവകലാശാലയിൽനിന്നുള്ള മെക്കാനിക്കൽ/ ഇലക്‌ട്രിക്കൽ/ കെമിക്കൽ എൻജിനിയറിംഗ് ബിരുദം. മൂന്നു വർഷത്തെ പ്രവൃത്തിപരിചയം.
ശന്പളം- 30,000 രൂപ.

മെഷീൻ ഓപ്പറേറ്റർ ഗ്രേഡ് രണ്ട്- അഞ്ച് ഒഴിവ്.
യോഗ്യത- എസ്എസ്എൽസി വിജയം, മെക്കാനിക്കൽ/ മെഷനിസിറ്റ്/ ഫിറ്റർ/ ഇലക്‌ട്രീഷ്യൻ ട്രേഡിൽ എൻഎസി/എൻടിസി.
ശന്പളം- 15000 രൂപ.

സിവിൽ സബ് എൻജിനിയർ- ഒരു ഒഴിവ്.
യോഗ്യത- സിവിൽ എൻജിനിയറിംഗിൽ ബിരുദം അല്ലെങ്കിൽ ഡിപ്ലോമ. ബിരുദധാരിക്ക് രണ്ടു വർഷവും ഡിപ്ലോമക്കാർക്ക് അഞ്ചുവർഷവും പരിചയം വേണം.
ശന്പളം- 20,000 രൂപ.

ലോവർ ഡിവിഷൻ ക്ലാർക്ക്- ഒഴിവ് നാല്.
യോഗ്യത- കൊമേഴ്സ്/ കോ-ഓപ്പറേഷൻ പ്രത്യേക വിഷയമായുള്ള അംഗീകൃത സർവകലാശാല ബിരുദം. അല്ലെങ്കിൽ ബിഎ/ ബിഎസ്‌സി/ ബികോമിൽ അംഗീകൃത സർവകലാശാലാ ബിരുദവും എച്ച്ഡിസി/ തത്തുല്യം. അല്ലെങ്കിൽ കേരള കാർഷിക സർവകലാശാലയുടെ ബിഎസ്‌സി (കോ-ഓപ്പറേഷൻ ആൻഡ് ബാങ്കിംഗ്) ഇവയ്ക്കു പുറമേ കംപ്യൂട്ടർ ആപ്ലിക്കേഷൻ/ ഡേറ്റ എൻട്രിയിൽ കേന്ദ്ര/ കേരള സർക്കാർ സ്ഥാപനങ്ങളിൽനിന്നുള്ള സർട്ടിഫിക്കറ്റും വേണം.
ശന്പളം- 18,000 രൂപ.

ഇലക്‌ട്രിക്കൽ എൻജിനിയർ- ഒരു ഒഴിവ്.
യോഗ്യത- ഇലക്‌ട്രിക്കൽ എൻജിനിയറിംഗിൽ ബിരുദവും മൂന്നു വർഷത്തെ പരിചയവും. ഇലക്‌ട്രിക്കൽ ഇൻസ്പെക്ടറേറ്റിൽനിന്നുള്ള സൂപ്പർവൈസറി ലൈസൻസുള്ളവർക്ക് മുൻഗണന ലഭിക്കും.
ശന്പളം- 30,000 രൂപ.

കെമിസ്റ്റ്- ഒരു ഒഴിവ്.
യോഗ്യത- കെമിസ്ട്രിയിൽ ബിരുദാനന്ത ബിരുദവും റബ്ബറൈസ്ഡ് കയർ/ റബ്ബർ പ്രോസസിംഗ് വ്യവസായത്തിൽ കെമിക്കൽ അനാലിസിസിൽ അഞ്ചു വർഷത്തെ പ്രവൃത്തിപരിചയവും.
ശന്പളം- 25,000 രൂപ.

ഓണ്‍ലൈൻ വഴിയാണ് അപേക്ഷിക്കേണ്ടത്. വിശദവിവരങ്ങൾക്കും അപേക്ഷ അയയ്ക്കുന്നതിനും www.kitcoplacementpark.in എന്ന വെബ്സൈറ്റ് സന്ദർശിക്കുക.
അപേക്ഷ ലഭിക്കേണ്ട അവസാന തീയതി മേയ് 17.