Deepika.com Career News :വ്യോമസേനാ റിക്രൂട്ട്മെന്‍റ് റാലി മേയ് 24 മുതൽ വയനാട്ടിൽ.......

വ്യോമസേനാ റിക്രൂട്ട്മെന്‍റ് റാലി മേയ് 24 മുതൽ വയനാട്ടിൽ

വടക്കൻ ജില്ലക്കാർക്കായുള്ള വ്യോമസേനാ റിക്രൂട്ട്മെന്‍റ് റാലി മേയ് 24 മുതൽ 31 വരെ കൽപ്പറ്റ എസ്കെഎംജെ ഹയർസെക്കൻഡറി സ്കൂൾ മൈതാനിയിൽ നടക്കും. ആദ്യമായാണ് വയനാട്ടിൽ റിക്രൂട്ട്മെന്‍റ് റാലി നടക്കുന്നത്. പ്ലസ്ടുവിനു മൊത്തമായും ഇംഗ്ലീഷിൽ പ്രത്യേകമായും 50% മാർക്ക് യോഗ്യത വേണ്ട ഓട്ടോ ടെക്നീഷ്യൻ, ഗ്രൗണ്ട് ട്രെയിനിംഗ് ഇൻസ്ട്രക്ടർ, ഇന്ത്യൻ എയർഫോഴ്സ് പോലീസ് എന്നീ തസ്തികകളിലേക്കും മേൽ യോഗ്യതകൾക്കു പുറമേ പ്ലസ്ടുവിന് ഫിസിക്സ്, കെമിസ്ട്രി, ബയോടെക്നോളജി വിഷയങ്ങൾ പഠിച്ചിരിക്കേണ്ട മെഡിക്കൽ അസിസ്റ്റന്‍റ് തസ്തികയിലേക്കുമാണ് റിക്രൂട്ട്മെന്‍റ്.

ഓട്ടോ ടെക്നീഷ്യൻ, ഗ്രൗണ്ട് ട്രെയിനിംഗ് ഇൻസ്ട്രക്ടർ, ഇന്ത്യൻ എയർഫോഴ്സ് പോലീസ് എന്നിവയ്ക്കായുള്ള റിക്രൂട്ട്മെന്‍റ് റാലിയിൽ മേയ് 25ന് എഴുത്തുപരീക്ഷയും അഡാപ്റ്റബിലിറ്റി ടെസ്റ്റും മേയ് 26ന് കായികക്ഷമതാ ടെസ്റ്റും അഡാപ്റ്റബിലിറ്റി ടെസ്റ്റ് രണ്ടും നടത്തും. മെഡിക്കൽ അസിസ്റ്റന്‍റിനുള്ള എഴുത്തുപരീക്ഷയും അഡാപ്റ്റബിലിറ്റി ടെസ്റ്റ് ഒന്നും മേയ് 28നും അഡാപ്റ്റബിലിറ്റി ടെസ്റ്റ് രണ്ട് മേയ് 29മാണ് നടത്തുക. കൂടുതൽ വിവരങ്ങൾക്ക് https://airmenselection.gov.in എന്ന വെബ്സൈറ്റ് കാണുക.