മെഡിക്കൽ വിദ്യാഭ്യാസ രംഗത്തെ നിലവാരം ഉറപ്പാക്കുന്നതിനു കേന്ദ്ര ആരോഗ്യ മന്ത്രാലയം രൂപീകരിച്ച നാഷണൽ ബോർഡ് ഓഫ് എക്സാമിനേഷൻ നൽകുന്ന സർട്ടിഫിക്കറ്റാണ് Diplomate of National Board (DNB). പോസ്റ്റ് ഗ്രാജ്വേറ്റ് മെഡിക്കൽ കോഴ്സുകളിലേക്കും സൂപ്പർ സ്പെഷാലിറ്റി കോഴ്സുകളിലേക്കും പോസ്റ്റ് ഡിപ്ലോമ കോഴ്സുകളിലേക്കും പൊതു പ്രവേശന പരീക്ഷ വഴിയാണു ഡിഎൻബി അക്രഡിറ്റഡ് സ്ഥാപനങ്ങളിൽ അഡ്മിഷൻ നടത്തുന്നത്.
ഡിഎൻബി സിഇടി: ഡിപ്ലോമേറ്റ് ഓഫ് നാഷണൽ ബോർഡ് സെൻട്രലൈസ്ഡ് എൻട്രൻസ് ടെസ്റ്റ് (ഡിഎൻബി സിഇടി) ജൂണ്‍ 15 മുതൽ 18 വരെ വിവിധ കേന്ദ്രങ്ങളിൽ ഓണ്‍ലൈനായി നടത്തും. പോസ്റ്റ് ഗ്രാജ്വേറ്റ് ഡിഎൻബി കോഴ്സുകളിലേക്കുള്ള അഡ്മിഷനു നാഷണൽ ബോർഡ് ഓഫ് എക്സാമിനേഷൻ നടത്തുന്ന പൊതുപ്രവേശന പരീക്ഷയാണിത്. എംബിബിഎസ് ബിരുദം ഉള്ളവർക്കും 2017 ജൂലൈ 31ന് മുന്പ് ഇന്‍റേണ്‍ഷിപ് പൂർത്തിയാക്കുന്നവർക്കും അപേക്ഷിക്കാം. മേയ് 13 വരെ ഓണ്‍ലൈനായി അപേക്ഷ സമർപ്പിക്കാം. 4500 രൂപയാണ് അപേക്ഷാ ഫീസ്. 200 ചോദ്യങ്ങൾ അടങ്ങുന്നതാണ് ഡിഎൻബി സിഇടി. ഇതിൽ വിജയിക്കുന്നവരെ നാഷണൽ ബോർഡ് ഓഫ് എക്സാമിനേഷന്‍റെ അംഗീകാരമുള്ള മെഡിക്കൽ വിദ്യാഭ്യാസ സ്ഥാപനങ്ങളിലെ ഡിഎൻബി സീറ്റുകൾക്കു പരിഗണിക്കും. രാജ്യത്തെ 33 കേന്ദ്രങ്ങളിലായാണു പരീക്ഷ നടത്തുന്നത്. കേരളത്തിൽ കൊച്ചി, കോഴിക്കോട്, തിരുവനന്തപുരം എന്നിവിടങ്ങളിൽ പരീക്ഷാ കേന്ദ്രങ്ങളുണ്ട്. ഒരാൾക്കു മൂന്നു സെന്‍ററുകൾ തെരഞ്ഞെടുക്കാം.
നീറ്റ് എസ്എസ്: നാഷണൽ ബോർഡ് ഓഫ് എക്സാമിനേഷൻ സൂപ്പർ സ്പെഷാലിറ്റി ഡിഎം/ എംസിഎച്ച് കോഴ്സുകളിലേക്കു നടത്തുന്ന നാഷണൽ എലിജിബിലിറ്റി കം എൻട്രൻസ് ടെസ്റ്റ് ജൂണ്‍ 10, 11 തീയതികളിൽ നടത്തും. മേയ് 13 വരെ ഓണ്‍ലൈനായി രജിസ്റ്റർ ചെയ്യാം. 3750 രൂപയാണ് അപേക്ഷാ ഫീസ്. കൊച്ചിയും തിരുവനന്തപുരവുമാണ് കേരളത്തിലെ പരീക്ഷാ കേന്ദ്രങ്ങൾ. മെഡിക്കൽ ബിരുദാനന്തര ബിരുദം നേടിയവർക്ക് അപേക്ഷിക്കാം. വെബ്സൈറ്റ്: http://nbe.edu.in.
ഡിപ്ലോമേറ്റ് ഓഫ് നാഷണൽ ബോർഡ് സെൻട്രലൈസ്ഡ് എൻട്രൻസ് ടെസ്റ്റ് ജൂണ്‍ ഒന്പതിനാണു നടത്തുന്നത്. മെഡിക്കൽ, സർജിക്കൽ, പീഡിയാട്രിക്സ് സൂപ്പർ സ്പെഷാലിറ്റി കോഴ്സുകളിലേക്കാണ് അഡ്മിഷൻ. ഡിഎൻബി സർട്ടിഫിക്കറ്റോ മെഡിക്കൽ പിജിയോ ഉള്ളവർക്ക് അപേക്ഷിക്കാം. ഓണ്‍ലൈനായി ഒക്ടോബർ 18നകം അപേക്ഷിക്കണം. ടെസ്റ്റ് സെന്‍ററുകൾ: നോയിഡ, ഗ്രേറ്റർ നോയിഡ. ഗുഡ്ഗാവ്, ന്യൂഡൽഹി, ജയ്പൂർ, ഭോപ്പാൽ, കോൽക്കത്ത, മുംബൈ, നവിമുംബൈ, ബംഗളൂരു, ചെന്നൈ, ഹൈദരാബാദ്.
ഡിഎൻബി പിഡി സിഇടി: ഡിപ്ലോമേറ്റ് ഓഫ് നാഷണൽ ബോർഡ് പോസ്റ്റ് ഡിപ്ലോമ സെൻട്രലൈസ്ഡ് എൻട്രൻസ് ടെസ്റ്റ് (ഡിഎൻബി പിഡി സിഇടി) ജൂണ്‍ ഒന്പതിനാണു നിശ്ചയിച്ചിരിക്കുന്നത്. മേയ് 18നകം ഓണ്‍ലൈനായി അപേക്ഷിക്കണം. മെഡിക്കൽ പോസ്റ്റ് ഗ്രാജ്വേറ്റ് ഡിപ്ലോമ ഉള്ളവർക്ക് അപേക്ഷിക്കാം. ടെസ്റ്റ് സെന്‍ററുകൾ: നോയിഡ, ഗ്രേറ്റർ നോയിഡ. ഗുഡ്ഗാവ്, ന്യൂഡൽഹി, ജയ്പൂർ, ഭോപ്പാൽ, കോൽക്കത്ത, മുംബൈ, നവിമുംബൈ, ബംഗളൂരു, ചെന്നൈ, ഹൈദരാബാദ്.
എൻബിഇ എഫ്ഇടി: നാഷണൽ ബോർഡ് ഓഫ് എക്സാമിനേഷൻ നടത്തുന്ന ഫെലോഷിപ് എൻട്രൻസ് ടെസ്റ്റ് (എൻബിഇ എഫ്ഇടി) ഡിസംബർ 14നു നടത്തും. എൻബിഇക്കു കീഴിലുള്ള വിവിധ ഫെലോഷിപ് പ്രോഗ്രാമുകളിലേക്കുള്ള അഡ്മിഷനു നടത്തുന്ന പ്രവേശന പരീക്ഷയാണിത്. ഒക്ടോബർ 15നകം അപേക്ഷിക്കണം. കൂടുതൽ വിവരങ്ങൾക്ക്: www.natboard.edu. in.
എഫ്എംജിഇ: വിദേശത്തുനിന്നു മെഡിക്കൽ ബിരുദം നേടിയവർക്ക് ഇന്ത്യയിൽ പ്രാക്ടീസ് ചെയ്യാൻ അനുവാദം ലഭിക്കുന്നതിന് നടത്തുന്ന ഫോറിൻ മെഡിക്കൽ ഗ്രാജ്വേറ്റ് എക്സാമിനേഷൻ (എഫ്എംജിഇ) ജൂണ്‍ 12,13 തീയതികളിൽ നടത്തും.
മേയ് 13നകം അപേക്ഷിക്കണം. കേരളത്തിൽ കൊച്ചിയും തിരുവനന്തപുരവും പരീക്ഷാ കേന്ദ്രങ്ങളാണ്. വെബ്സൈറ്റ്: http://nbe.edu.in.