നേവിയുടെ ലോജിസ്റ്റിക്സ് കേഡറിൽ പെർമനന്റ് കമ്മീഷൻഡ് ഓഫീസർ ആകാം. എഡ്യൂക്കേഷൻ ബ്രാഞ്ചിൽ ഷോർട്ട് സർവീസ് കമ്മീഷൻഡ് ഓഫീസർ ആകാനും അവസരം. ലോജിസ്റ്റിക്സ്/വർക്സ് കേഡറിൽ പുരുഷൻമാർ മാത്രം അപേക്ഷിച്ചാൽ മതി. അപേക്ഷകർ അവിവാഹിതരായിരിക്കണം. 2018 ജനുവരിയിൽ ഏഴിമല നാവിക അക്കാഡമിയിൽ പരിശീലനം തുടങ്ങും. ഓണ്ലൈൻ അപേക്ഷ മാത്രമേ സ്വീകരിക്കൂ.
ഓണ്ലൈൻ അപേക്ഷ സ്വീകരിക്കുന്ന അവസാന തീയതി: ഏപ്രിൽ 20.
വിദ്യാഭ്യാസ യോഗ്യത കേഡർ/ബ്രാഞ്ച് തിരിച്ച് ചുവടെ:
ലോജിസ്റ്റിക്സ്/വർക്സ്
വിദ്യാഭ്യാസ യോഗ്യത: കുറഞ്ഞത് 60 ശതമാനം മാർക്കോടെ ഇനിപ്പറയുന്ന വിഷയങ്ങളിലൊന്നിൽ ബിരുദം.
ബികോം/എംകോം, ബിഎ/എംഎ (ഇക്കണോമിക്സ്), ബിബിഎ/എംബിഎ, ബിബിഎം, ബിസിഎ/എംസിഎ
ബിഎസ്സി ഐടിഎ/എംഎസ്സി ഐടി, ബിടെക്/ബിഇ (ഏതെങ്കിലും വിഷയം), ബിരുദവും മെറ്റീരിയൽസ് മാനേജ്മെന്റിൽ പോസ്റ്റ്
ഗ്രാജ്വേറ്റ് ഡിപ്ലോമ/ഡിഗ്രിയും ഐസിഡബ്ല്യുഎ, ചാർട്ടേഡ് അക്കൗണ്ടൻസി
എഡ്യൂക്കേഷൻ ബ്രാഞ്ച്
വിദ്യാഭ്യാസ യോഗ്യത: താഴെപറയുന്നവയിൽ ഏതെങ്കിലും ഒരു യോഗ്യത നേടിയിരിക്കണം.
60 ശതമാനം മാർക്കോടെ എംഎസ്സി ഫിസിക്സ് (ബിഎസ്സി മാത്തമാറ്റിക്സ്)/ എംഎസ്സി മാത്തമറ്റിക്സ് (ബിഎസ്സി ഫിസിക്സ്)/ എംഎസ്സി കെമിസ്ട്രി (ബിഎസ്സി ഫിസിക്സ്)/ എംഎ ഇംഗ്ലീഷ് (പ്ലസ്ടുവിന് മാത്തമാറ്റിക്സ്/ ഫിസിക്സ് എന്നിവ പഠിച്ചിരിക്കണം)/ എംഎ ഹിസ്റ്ററി.
പ്രായം: വിവിധ കോഴ്സുകളിലേക്കുള്ള പ്രായപരിധി വെബ്സൈറ്റിൽ ചേർത്തിട്ടുണ്ട്.
ശാരീരിക യോഗ്യത: ഉയരം 157 സെ.മീ (പുരുഷൻ), 152 സെ.മീ (സ്ത്രീ). തൂക്കം ആനുപാതികം.
കാഴ്ചശക്തി: ലോജിസ്റ്റിക്സ്, എഡ്യൂക്കേഷൻ - രണ്ടു കണ്ണുകൾക്കും കുറഞ്ഞത് 6/60, 6/60 കണ്ണട ഉപയോഗിച്ച് 6/6, 6/12 വർണാന്ധതയോ നിശാന്ധതയോ പാടില്ല.
എസ്സി 6/9, 6/9, 6/6, 6/6
തെരഞ്ഞെടുപ്പ്: ഷോർട്ട് ലിസ്റ്റ് ചെയ്യപ്പെടുന്നവരെ 2017ജൂണ് - ഒക്ടോബർ മാസത്തിൽ ബാംഗളൂർ, ഭോപ്പാൽ, കോയന്പത്തൂർ എന്നിവിടങ്ങളിൽ നടത്തുന്ന എസ്എസ്ബി ഇന്റർവ്യൂവിനു ക്ഷണിക്കും. രണ്ടു ഘട്ടങ്ങളിലായാണ് ഇന്റർവ്യൂ. ആദ്യഘട്ടത്തിൽ ഇന്റലിജൻസ് ടെസ്റ്റ്, പിക്ചർ പെർസപ്ഷൻ, ഡിസ്കഷൻ ടെസ്റ്റ് എന്നിവയുണ്ട്. സൈക്കോളജിക്കൽ ടെസ്റ്റ്, ഗ്രൂപ്പ് ടെസ്റ്റ് എന്നിവയുൾപ്പെട്ടതാണ് രണ്ടാം ഘട്ടം. തുടർന്നു വൈദ്യപരിശോധന. ആദ്യമായി എസ്എസ്ബി ഇന്റർവ്യൂവിനു പങ്കെടുക്കുന്നവർക്കു തേഡ് എസി യാത്രാബത്ത നൽകും. സബ്-ലഫ്റ്റനന്റ് റാങ്കിലായിരിക്കും തുടക്കം.
ഓണ്ലൈനിൽ അപേക്ഷിക്കേണ്ട വിധം:www.nausen abharti.nic.in എന്ന വെബ്സൈറ്റ് മുഖേന ഏപ്രിൽ 20 വരെ ഇ-ആപ്ലിക്കേഷൻ സമർപ്പിക്കാം. ഓണ്ലൈൻ അപേക്ഷകർക്ക് ഇ-മെയിൽ വിലാസം, മൊബൈൽ നന്പർ എന്നിവ നിർബന്ധമായും ഉണ്ടായിരിക്കണം. ഇതു ബന്ധപ്പെട്ട കോളത്തിൽ പൂരിപ്പിക്കാൻ മറക്കരുത്. മെട്രിക്കുലേഷൻ സർട്ടിഫിക്കറ്റിൽ നൽകിയിട്ടുള്ള അതേ രീതിയിൽത്തന്നെ വിവരങ്ങൾ പൂരിപ്പിക്കാൻ ശ്രദ്ധിക്കണം. വെബ്സൈറ്റിലെ APPLY ONLINE എന്ന ലിങ്കിൽ OFFICE ENTRYൽ ക്ലിക്ക് ചെയ്ത് അപേക്ഷ പൂരിപ്പിക്കാം. അപേക്ഷിക്കുന്നതിനുള്ള നിർദേശങ്ങൾ വെബ്സൈറ്റിൽ നൽകിയിട്ടുള്ളതു കാണുക. വിശദവിവരങ്ങൾക്ക്: www.nausena-bharti.nic.in.